New Generation Movement For Justice
မြန်မာနိုင်ငံရုပ်ရှင်ဂီတအစည်းအရုံးဝင်များသိစေရန်။
ဦးကျော်ဟိန်းက မန္တလေး ရှိုးပွဲမှာပြောသွားခဲ့ဘူးပါတယ်။ သူတို့မိသားစုကြွယ်ဝချမ်းသာခြင်းနဲ့
သူ့သားသမီးတွေနိုင်ငံခြားမှာကျောင်းသွားနေနိုင်တာပြည်သူတွေကြောင့်ပါတဲ့။ မြန်မာပြည်သူ တွေရဲ့ကျေးဇူးကိုဘယ်တော့မှမမေ့ပါနဲ့လို့သူ့သားသမီးတွေကို မှာထားပါတယ်တဲ့။
ရင်ထဲကတကယ်ပြောတာလား စားကောင်းအောင် ပြောတာလားဆိုတာဒီချိန်မှာပြတ်ပြတ်သား
သား မေးရတော့မဲ့အချိန်ဖြင့်ပါတယ်..ဒါကြောင့် အနုပညာရှင်တွေဆိုတာလည်းဦးကျော်ဟိန်း
ပြောသလိုပြည်သူတွေရဲ့ ငွေကျေးနဲ့ကြွယ်ဝချမ်းသာလာတယ် ၊ ပြည်သူတွေဟာ ခင်ဗျားတို့ရဲ့ ကျေးဇူးရှင် ဆိုရင် ဒီချိန်မှာပြည်သူတွေဒုက္ခရောက်နေကြပြီဖြင့်ပါသည်။
အနုပညာရှင်များအပေါင်းတို့.. အခုကျွန်ုပ်တို့ ပြည်သူတွေဟာစစ်အာဏာရှင် စနစ် ကြောင့် ပညာရေး၊လူမှုရေး၊ကျမ်းမာရေး၊ စီးပွားရေးမှာတကယ့်ိကိုချွတ်ခြုံကျနေကြပါပြီ၊ကျွန်ုပ်တို့ရဲ့ အနာဂတ်အတွက် ဒီမိုကရေစီရရှိဘို့် ထောင်ထဲမှာနှိပ် စက်ခံနေရကြတဲ့သူတွေ၊ အသက် ပေးခဲ့ရသူတွေ၊မိဘ၊ မိသားစုနဲ့ဝေးရာကို ထွက်ခွာသွားတဲ့သူ တွေအများကြီး ရှိကြ သည်ကို သိကြမည်ဖြစ်ပါတယ်။ သူတို့တွေဟာလည်း သင်တို့ရဲ့ပရိသတ် တွေဖြစ်ကြပါတယ်။ ကျွန်ုပ်တို့ရဲ့ ၀မ်းနည်းကြေကွဲမှုတွေကို ၀မ်းမြောက်ပျော် ရွှင်စရာဖြစ်အောင် လုပ်ပေးဘို့အချိန်ရောက်ပါပြီ။ စစ်အာဏာရှင်စနစ်ကြီးကို တိုက်ဖျက်ဘို့အတွက် ပြည်သူတို့ရှေ့မှ ဦးဆောင်ပေးဘို့ကျွန်ုပ်တို့မှ တိုက်တွန်းနှိုးဆော်လိုက်ပါတယ်။
မိမိတို့ရဲ့ ထင်ပေါ်ကျော်ကြားမှု၊ ဓနငွေကြေးချမ်းသာမှုများကို ခေတ္တစွန့်ထားပြီး စစ်အာဏာရှင် စံနစ်ကို ရဲရဲဝံ့ဝံ့ ပြည်သူလူထုရှေ့မှဦးဆောင် တိုက်ပွဲဝင်ကြရန်နှင့် လာမည့်ဆန္ဒခံယူပွဲတွင် လည်း ပြတ်ပြတ်သားသား ငြင်းဆိုကြပါရန်ကျွန်ုပ်တို့ New Generation Movement for Justice အဖွဲ့မှ လေးစားစွာတိုက်တွန်းလိုက်ပါတယ်။
Friday, May 2, 2008
Subscribe to:
Post Comments (Atom)
No comments:
Post a Comment