ညနေက ကျွန်တော့်ရဲ့ မိတ်ဆွေတစ်ယောက်မှ ပြောလာပါတယ်။ မင်းတို့ လေဘေးသင့်တဲ့သူတွေကို အိမ်တွေပြန်ဆောက်ပေးနေတဲ့အကြောင်းကို RFA က ပြောသွားတယ်တဲ့။ မင်းတို့ကို ဦးဆောင်လုပ်နေတဲ့ ကိုညီလင်းဆက်ဆိုတဲ့ ကွန်ပျူတာသမားက မန်နေဂျာရာထူးကတောင်ထွက်ပြီး လုပ်နေတယ်။ ရံပုံငွေ ဒေါ်လာသောင်းချီပြီးရနေတော့ အတားအဆီး၊ အနှောက်အယှက်မခံရပဲနဲ့ ဆက်လုပ်လို့ရနေတယ်ဆိုပြီး ပြောသွားတယ်တဲ့။ အဲဒီအကြောင်းကို ကျွန်တော်တို့ အားလုံးသိသွားတာနဲ့ တော်တော် ဒေါသထွက်သွားပါတယ်။ ဒီမီဒီယာတွေနဲ့ ပတ်သတ်လို့ အရင်တုန်းကလည်း ကျွန်တော် တော်တော်ပြောခဲ့ဖူးပါတယ်။
ဘေးကနေတီးပေးမနေကြပါနဲ့လို့။ ခင်ဗျားတို့ မိုင်ပေါင်းများစွာဝေးတဲ့နေရာက မဆင်မခြင် ဒါမှမဟုတ် ရည်ရွယ်ချက် ရှိရှိပြောလိုက်တဲ့ စကားတွေက စိတ်သန့်သန့်နဲ့ လုပ်နေကြတဲ့သူတွေအတွက် ဘယ်လောက်အထိ ထိခိုက်ခံစားသွားရနိုင်သလဲဆိုတာ သတင်းသမားတစ်ယောက်အနေနဲ့ သိသင့်ပါတယ်။ ဒါမျိုးက သတင်းသမားမှမဟုတ်ပါဘူး။ လူတစ်ယောက်ရဲ့ အခြေခံ အသိစိတ်ဓါတ်လောက်ရှိရင်တောင် ပြောသင့် မပြောသင့် သိပါတယ်။ ခင်ဗျားတို့ အဲဒီလို ပြောလိုက်တာ သတင်းဟုတ်ပါသလား။ ဘယ်သူတွေများ အကျိုးထူးရသွားမလဲ။ ကျွန်တော်တို့အားလုံးဟာ လူအချင်းချင်း တတ်နိုင်သလောက် ၀ိုင်းကူနေကြတာပါ။ ခင်ဗျားတို့လို အဝေးကြီးကနေ ခံစားခွင့်တွေ တစ်ပုံကြီးနဲ့ လေကိုရင်းပြီး လုပ်စားနေကြတဲ့သူတွေ တစ်ယောက်မှ မပါပါဘူး။ ကျွန်တော်တို့ စိတ်ထဲမှာ ရှိနေတာက ကျွန်တော်တို့လက်ထဲ ရောက်လာသမျှသော ရံပုံငွေမှန်သမျှကို လေဘေးရော၊ ရေဘေးပါ တကယ်ခံခဲ့ရတဲ့သူတွေဆီကို အကျိုးရှိရှိရောက်သွားဖို့ပါ။
ခင်ဗျားတို့ ထင်ထားတာက ဒေါ်လာ သောင်းဂဏန်းလောက်က ကျွန်တော်တို့ရှေ့ကို ဒုန်းဆိုရောက်လာ၊ ကျုပ်တို့က အဲဒီပိုက်ဆံတွေကို ၀ယ်စရာရှိတာ အလွယ်တကူဝယ်ပြီး ကားကြီးနဲ့ ငြိမ့်ငြိမ့်လေး လပွတ္တာကိုရောက်၊ ဟိုဟိုဒီဒီ လှူစရာရှိတာတွေ လှူပြီး ပြန်လာကြ ဒီလိုများ ထင်နေကြသလား။ အဆင့်တိုင်း အဆင့်တိုင်းမှာ ဆက်လုပ်ချင်စိတ်ကုန်လောက်တဲ့အထိ အခက်အခဲတွေ အများကြီးပါ။ ကျွန်တော်တို့မှာ ရုပ်ပိုင်းဆိုင်ရာရော၊ စိတ်ပိုင်းဆိုင်ရာရော ထိခိုက်မှုတွေ အများကြီးရှိပါတယ်။ ဒါတွေကို ဘယ်သူမှ ကျွန်တော်တို့လောက် မသိပါဘူး။ ဒီကောင်တွေ ဘာကြောင့်အတားအဆီး မခံရတာလဲဆိုတာလောက်ပဲ ခင်ဗျားတို့ စဉ်းစားတတ်သလား။ ငါတို့ ပြောလိုက်လို့ ဒီကောင်တွေ ဒုက္ခရောက်သွားရင် ငါတို့ ဖွစရာ သတင်းရမယ်ဆိုတာလောက်ပဲ တွေးသလား။ နည်းနည်းငြိမ်သွားရင် မပွ ပွအောင် ထပြီး ဖွ၊ ခံစရာရှိတော့ တကယ်လုပ်နေရတဲ့ကောင်တွေခံ၊ အဲဒီအချိန်ကျမှ ခင်ဗျားတို့ လျှာတွေယားနေအောင် ပြောချင်နေတဲ့ အကြောင်းတွေကို အတုံးလိုက် အတစ်လိုက် ၀ိုင်းပြောကြ။ အဲဒီအချိန်မှာ လေဘေးရေဘေးခံခဲ့ရသူတွေအတွက်လည်း ထိခိုက်နစ်နာမှုအများကြီး ရှိသွားမှာပဲဆိုတာ တွေးမိသလား။ လက်ရှိပြန်လည်ထူထောင်ရေးနဲ့ လှူဒါန်းကူညီနေတဲ့သူတွေက စီးပွားရေး၊ ကျန်းမာရေး၊ လူမှုရေး အားလုံးကို အထိခိုက်ခံပြီး လုပ်နေရတဲ့အထဲ ဘယ်သူတော့ ဘယ်လို ဖြစ်သွားပြီဆိုပြီး ကြားရရင် ဒီအလုပ်ကို လုပ်နေတဲ့ လူ ၁၀၀ မှာ ၉၀ လောက်က ဆက်မလုပ်တော့ဘူးဆိုရင် ဘယ်သူတွေ အကျိုးယုတ်မလဲ။
ဘယ်သူမှ မတားလဲ ကျွန်တော်တို့မှာ Fund မရှိသလောက် နည်းနေပြီ ဖြစ်တဲ့အတွက် ဒီအလုပ်တွေ ဆက်လုပ်ဖြစ်မယ် မထင်တော့ပါဘူး။ အခုလောလောဆယ် ကိုညီလင်းဆက်တို့ ဆိပ်ကလေးကုန်းရွာမှာ အိမ်အလုံး ၂၀ နဲ့ ကွင်းသုံးဆင့် ရွာမှာ အိမ် အလုံး ၂၀ ဆောက်ပေးနေကြပါတယ်။ ဒီရွာတွေမှာတော့ အိမ်တိုင်တွေက အစ ပံ့ပိုးပေးတဲ့အတွက် ကုန်ကျစရိတ်တွေလည်း ပိုပြီးကုန်ကျလာပါတယ်။ ကျွန်တော်တို့မှာ Fund လည်း မရှိ၊ ဆက်လက်လုပ်ဆောင်ဖို့အတွက် အခြေအနေလည်း မပေးတော့ဘူးဆိုရင်တော့ ဘယ်လောက်ပဲ လုပ်ချင်စိတ်ရှိရှိ ဆက်လုပ်နိုင်မှာ မဟုတ်တော့ပါဘူး။်
ကိုမျက်လုံး ဘလော့မှ ကူယူဖော်ပြသည်။
Monday, June 23, 2008
To. RFA အာအက်ဖ်အေသို့ ပေးစာ
ပြည်ပနိုင်ငံအသီးသီးတွင် ရောက်ရှိနေကြသော မြန်မာပြည်ဖွား ပြည်သူပြည်သားအပေါင်းတို့ထံ ပန်ကြားလွှာ
ပြည်ပရောက် မြန်မာလူမျိုးအများစုတွင် ကိုယ်ပိုင်အသိစိတ်ဓာတ်… ကိုယ်ပိုင်အသိဥာဏ်နဲ့ အမှန်တရားကိုလိုလားသော စိတ်ဓာတ်ကောင်းလေးများ ရှိကြပါတယ်….. ဒါပေမဲ့ တချို့သော ပြောမှ သိမယ့်လူတန်းစား.. တကိုယ်ကောင်းဆန်တဲ့ လူတန်းစား… လူမိုက်အားပေးချင်တဲ့ စိတ်ဓာတ်ရှိတဲ့လူတန်းစားတွေ… ရှိနေသေးလို့သာ ဒီစာကို ရေးသားရခြင်း ဖြစ်ပါတယ်...... လူတိုင်းက ထင်နေကြတယ်.....ငါတို့လုပ်လို့ ဘာမှ ထူးလာမှာ မဟုတ်ဘူးရယ်လို့လေ...... ဟုတ်ပါတယ်.....နှမ်းတစေ့နဲ့ ဘာမှဖြစ်မလာပါဘူး......ဒါပေမဲ့ နှမ်းအားလုံးစုပေါင်းပြီး အင်အားကြီးကြီးမားမားနဲ့ သာ လုပ်မယ်ဆိုရင် မဖြစ်လာနိုင်စရာ အကြောင်းမရှိပါဘူး.......အဓိက က စိတ်ဓာတ်မြင့်မားဖို့နဲ့ မျှော်လင့်ချက်ကြီးကြီး ထားဖို့ရယ်ပါ...... မိမိကိုယ်တိုင် မလုပ်ချင် မလုပ်နိုင်ရင်တောင် အမှန်တရားဖက်ကို အားပေးအားမြှောက်ပြုသင့်ပါတယ်.... လူကိုယ်တိုင်မပါဝင်နိုင်ရင်တောင် စိတ်ဓာတ်ရေးရာအားဖြင့်၎င်း ငွေအင်အားဖြင့်၎င်း ကူညီသင့်ပါတယ်..... ဒီ့ထက်အရေးကြီးတာက တိုင်းပြည်ကို ဖျက်စီးနေတဲ့၊ တိုင်းသူပြည်သားတွေရဲ့ အသက်အိုးအိမ်စည်းစိမ်ကို အကာအကွယ်မပေးတဲ့ အပြင် လူ့အသက်ပေါင်းများစွာကို ပုရွက်ဆိတ်သာသာ သဘောထားပြီး သတ်ဖြတ်နေတဲ့ စစ်အာဏာရှင်တွေကို အကူအညီမပေးဖို့ပဲ ဖြစ်ပါတယ်......ဒီစာက မည်သူ၏ မျက်နှာမှ မထောက်ပဲ အမှန်ကို အမှန်အတိုင်း အရှိကိုအရှိအတိုင်း ဖော်ပြသွားမှာ ဖြစ်ပါတယ်......။
နိုင်ငံရေးဆိုတာဘာလဲ……..
နိုင်ငံရေးဆိုတာ နိုင်ငံ၏ ကောင်းကျိုးမှန်သမျှအတွက်ပြုလုပ်သော အရေးကိစ္စမှန်သမျှ…. လူမှုရေး စီးပွားရေး ပညာရေး သာသနာရေး ကျန်းမာရေး အားလုံးကို ဆိုလိုပါတယ်….. စစ်အာဏာရှင်အစိုးရ၏ ကြမ်းတမ်းရက်စက်လှသော ဖိနှိ်ပ်အုပ်ချုပ်မှုအောက်တွင် ကြီးပြင်းခဲ့ရသော ပြည်သူပြည်သားအများစုသည် နိုင်ငံရေးကို ကြောက်ရွံခြင်းကြီးစွာဖြင့် ဝေးဝေးရှောင်ခြင်းသည် အကျင့်တစ်ခုလို ဖြစ်ခဲ့ပါတယ်…. ဒါ့အပြင် အချို့သောနိုင်ငံရေးသမားများ၏ ကိုယ်ကျိုးရှာလုပ်ရပ်များကြောင့်လည်း နိုင်ငံရေးကို မုန်းတီးရွံရှာခဲ့ကြပါတယ်…. တကယ်တော့ မိမိကိုယ်အကျိုးစီးပွားအတွက် လုပ်နေသောသူများကို နိုင်ငံရေးသမားဟူ၍ သတ်မှတ်လို့မရပါဘူး…. တကိုယ်ကောင်းသမားလို့ပဲ ခေါ်ဆိုသတ်မှတ်ရမှာ ဖြစ်ပါတယ်…… ငါတို့က နိုင်ငံရေးကို မလုပ်ဘူး ဝေးဝေးကရှောင်တယ်ရယ်လို့ ကြံဖန်ဂုဏ်ယူ ကြွားဝါနေကြသူများသည် အမှန်စင်စစ် မိမိကိုယ်ကိုမိမိ တကိုယ်ကောင်းသမား၊ အချောင်သမားရယ်လို့ မီးမောင်းထိုးပြနေသူများသာ ဖြစ်ပေသည်…… အရှက်ရှိတတ်သူများဖြစ်ပါက ယင်းကဲ့သို့ကြွေးကြော်ရဲကြမည် မဟုတ်ပေ……..။
စစ်အာဏာရှင်အစိုးရ၏သရုပ်မှန်ကိုအမှန်အတိုင်းသိဖို့လိုခြင်း........
လူတိုင်းလူတိုင်း စစ်အာဏာရှင်အစိုးရ၏ သရုပ်မှန်ကို အမှန်အတိုင်းသိဖို့က အရေးကြီးဆုံး လိုအပ်ချက်တစ်ရပ်ဖြစ်ပါတယ်….. အထူးသဖြင့် ပြည်ပရောက် ပြည်သူပြည်သားတွေအနေနဲ့ သတင်းမှန်များကို မီဒီယာများ သတင်းစာများ အင်တာနက်သတင်းဋ္ဌာနများ တီဗွီ ရေဒီယိုများမှတဆင့် အချိန်မရွေး နေရာမရွေး ကြည့်ရှုနိုင် နားထောင်နိုင် ဖတ်ရှုနိုင်တဲ့ အခွင့်အရေးကို ပြည်တွင်းရှိလူများထက် ပိုမိုရရှိကြပါတယ်…. မိမိတို့၏ မျက်စိ နား များနဲ့ တပ်အပ်မြင်တွေ့ တပ်အပ်ကြားနိုင်လျက်နဲ့ တချို့လူများသည် မျက်စိစုံမှိတ်ပြီး စစ်အာဏာရှင်များကို အကူအညီပေး ထောက်ခံအားပေးခြင်းကို တိုက်ရိုက်၍်သော်၎င်း သွယ်ဝိုက်၍သော်၎င်း စိတ်ပါလက်ပါ ပြုလုပ်နေကြတာကို ဝမ်းနည်းဖွယ် တွေ့မြင်နေရပါတယ်….. ဘာကြောင့်သူတို့ ဒီလိုိ ပြုလုပ်နေကြသလဲ….. အဖြေကတော့ ရှင်းရှင်းလေးပါ….. တကိုယ်ကောင်းဆန်တဲ့ စိတ်ပေါ်အခြေခံပြီး မိမိတို့်အကျိုးစီးပွားအတွက် လူသန်းပေါင်းများစွာ၏ လူမှုဒုက္ခကို မျက်ကွယ်ပြုပြီး အရှက်ကင်းမဲ့စွာ ထောက်ခံနေကြပါတယ်…. အဲဒီလို လူမျိုးတွေ ရှိနေတာကြောင့်လည်း စစ်အာဏာရှင်အစိုးရ သက်ဆိုးရှည်နေတာပဲဖြစ်တယ်…. ။
ထောက်ခံအားပေးမှုပြုနေတဲ့သူတွေကိုအကြမ်းအားဖြင့်အောက်ပါအတိုင်းခွဲခြားနိုင်ပါတယ်…..
ရဟန်းသံဃာတော်များ……… ၂၀၀၇ ခုနှစ် စက်တင်ဘာလ ရွှေဝါရောင်တော်လှန်ရေးသည် ရဟန်းသံဃာတော်များ၏ ထင်ရှားလှသော မေတ္တာပို့ဆုတောင်း ဆန္ဒထုတ်ဖော်ပွဲဖြင့် ပြည်သူတို့၏ ဆင်းရဲဒုက္ခများကို ကူညီခဲ့ကြတဲ့ တော်လှန်ရေးဖြစ်ပါတယ်….. တစ်နိုင်ငံလုံးအတိုင်းအတာအနေနဲ့ စစ်အာဏာရှင်အစိုးရကို တညီတညွတ်တည်း ကံဆောင်ခဲ့ကြပါတယ်… ဒါပေမဲ့ ပြည်တွင်းရှိ အချို့သံဃာတော်များသာမက ပြည်ပရောက်အချို့သံဃာတော်များသည်လည်း စစ်အာဏာရှင်အစိုးရ၏ သံရုံးများမှ ဖိတ်ကြားသော ဆွမ်းအလှူများကို လက်ခံခြင်းဖြင့် ပျံလွန်တော်မူခဲ့ပြီးသော ရဟန်းသံဃာတော်များ၏ မျက်နှာတော်များကို မထောက်ထားမညှာတာပဲ ကံဆောင်မှုကို ဖောက်ဖျက်ခဲ့ကြပါတယ်…. မခိုင်လုံသော အကြောင်းပြချက်တို့ဖြင့် မည်မျှပင်ဖြေရှင်းချက်ထုတ်စေကာမူ မလုပ်သင့်မလုပ်ထိုက်သော သံဃာ့ စည်းကမ်းချိုးဖောက်မှုပင်ဖြစ်သည်….. ဒါ့အပြင် မိမိကိုယ်တိုင်မပါဝင်သည့်အပြင် ပါဝင်သူ တပည့်သားရဟန်းငယ်များအား ဆူပူကြိမ်းမောင်း ဟန့်တားခြင်းသည် ရဟန်းတစ်ပါးအနေဖြင့် ဘုရားရှင်၏ မျက်နှာတော်ကိုပင် မထောက်ထားမညှာတာ ပြုရာ ကျနေပါသည်…….. ယခုအချိန်အထိ စစ်အာဏာရှင်အစိုးရကို အကောင်းမြင်မျက်လုံးနဲ့ ပူးပေါင်းဆောင်ရွက်မှု ပြုလုပ်ဖို့ ဝန်မလေးသူများ အဖြစ် ရပ်တည်နေဆဲဖြစ်သည်…….။
နိုင်ငံရေးသမားအမည်ခံပုဂ္ဂိုလ်များ…… အကြောင်းအမျိုးမျိုးဖြင့် ပြည်ပသို့ရောက်ရှိနေထိုင်နေကြသော နိုင်ငံရေးသမားအမည်ခံ ပုဂ္ဂိုလ်များသည် ဆယ်စုနှစ် နှစ်ခု သုံးခုမက မြန်မာ့နိုင်ငံရေးကို မျက်ခြေမပြတ်လေ့လာ လိုက်စားနေကြသော်လည်း ယခုအချိန်အထိ ရှင်းလင်းပြတ်သားသော မူဝါဒသဘောတရားကို မချမှတ်နိုင်ကြသေးပေ……. သူတပါး၏ ပေးစာကမ်းစာ များကို မျှော်ကိုးရင်း၊ သူများနှာခေါင်းပေါက်နဲ့ အသက်ရှုနေကြရင်းနဲ့ မိမိတို့စားပေါက်များ မပျောက်ကွယ် ထာဝရအမြဲရရှိနေစေရန် ရည်သန်လျက် စစ်အာဏာရှင်အစိုးရ သက်ဆိုးရှည် အာဏာ တည်မြဲရေးကို တိတ်တခိုးမျှော်လင့် ဆုတောင်းနေကြသူများဖြစ်သည်…… အာဏာရူးတို့ ကပြနေသော ဇာတ်ကွက်များကို လိုက်ပါနင်းကရင်းနဲ့ သူ့လူ ကိုယ့်ဖက်သားဆန်ဆန် သစ္စာဖောက်ဖျက်ဖို့ အချိန်မရွေးပြုလုပ်နိုင်သူများ ဖြစ်ပေသည်….. ၄င်းတို့၏လုပ်ပေါက်များကြောင့်ပင် တကယ် တိုင်းပြည်ချစ်စိတ်နဲ့ ကိုယ်ကျိုးစွန့်အနစ်နာခံ ပြုလုပ်နေသူများမှာ ရောယောင်ပြီး သိက္ခာကျ လူအထင်သေး ခံနေကြရပါသည်……ယခုအချိန်အထိ စစ်အာဏာရှင်အစိုးရ၏ မူဝါဒလုပ်ငန်းစဉ်များကို ထောက်ခံအားပေးပြီး မိမိတို့ကိုယ်ကျိုးအတွက် နေရာမရွေး၊ အချိန်မရွေး လိုက်ပါဆောင်ရွက်ဖို့ အဆင်သင့်ရှိနေကြသူများဖြစ်ပေသည်……..။
နိုင်ငံရေးဒုက္ခသည်များအဖြစ် ခံယူကြသူများ.......ပြည်ပရောက် တချို့လူများသည် မိမိတို့၏ နေထိုင်ရေးအဆင်ပြေစေရန် နိုင်ငံရေး ဒုက္ခသည်များအဖြစ် လိမ်လည်၍ ခံယူကြပါသည်….. တချို့လူများမှာမူ အမှန်တကယ် နိုင်ငံရေးလုပ်ခဲ့ကြသူများဖြစ်ပါသည်…. တကယ်စိတ်ပါသည်ဖြစ်စေ စိတ်မပါသည်ဖြစ်စေ နိုင်ငံရေး ဒုက္ခသည်ခံယူသူများအနေနဲ့ မိမိတို့ ဘဝရပ်တည်မှု အဆင်ပြေစေရန် ကူညီထောက်ပံ့ပေးခဲ့သည့် နိုင်ငံရေးကို ထောက်ခံအားပေးသင့်ပေသည်….. တချို့မှာ မိမိတို့ဘဝရပ်တည်မှု အခြေအနေကိုပင် မေ့ချင်ယောင်ဆောင်လျက် နိုင်ငံရေးကို တကယ်စိတ်ပါလက်ပါ ပြုလုပ်နေသူများကို နှုတ်အားဖြင့် အမူအရာအားဖြင့် နောက်ကွယ်ရာတွင်သာမက လူရှေ့သူရှေ့ မှာပါ စော်ကားမော်ကားပြုလုပ်ကြပါတယ်…… ဒါဟာ မဖြစ်သင့်မဖြစ်ထိုက်ပါဘူး….. စိတ်ဓာတ်သေးသိမ် အောက်တန်းကျသော၊ နိုင်ငံကြီးသားမပီသရာ ကျသော လူများအဖြစ် မိမိကိုယ်ကို မိမိ ဝန်ခံနေသလို ဖြစ်နေပါတယ်…..နိုင်ငံအတွက် နိုင်ငံရေးလုပ်ရန် အချိန်မပေးနိုင်သူများ မအားလပ်သူများကို ပျော်ပွဲရွှင်ပွဲများတွင် ရှေ့ဆုံးမှာ ပျော်ပျော်ကြီး အားပေးနေတာကို မယုံကြည်နိုင်ဖွယ် အံ့အားသင့်ဖွယ် မြင်တွေ့နေရပါတယ်…… ထိုသူများသည် စစ်အာဏာရှင်အစိုးရကို တိုက်ရိုက် ထောက်ခံ အားမပေးသော်လည်း မိမိတို့၏ ဘဝသခင် နိုင်ငံရေးကို စိတ်မပါ စိတ်မဝင်စားခြင်းဖြင့် သွယ်ဝိုက်ပြီး ထောက်ပံ့နေသလို ဖြစ်နေပါတယ်………။
အတတ်ပညာရှင် အသိပညာရှင်များ……ပြည်ပနိုင်ငံများတွင် အဆင့်မြင့်ပညာရပ်များကို သင်ကြားတတ်မြောက်ထားသော အတတ်ပညာရှင် အသိပညာရှင်များအဖြစ် ခံယူထားကြသောသူများအနေနဲ့ မိမိတို့ ကြီးပြင်းခဲ့ရာ မွေးရပ်မြေ၏ အနာဂတ်ကောင်းကျိုးအတွက် တခုခုပြန်လည်ပေးဆပ်သင့်ပါတယ်….. အမိမြန်မာပြည်သို့ပြန်ပြီး မိမိတို့၏ အတတ်ပညာ အသိပညာများဖြင့် ယခု လောလောဆယ် အခြေအနေအရ အကျိုးမပြု နိုင်သေးသော်လည်း စစ်အာဏာရှင်အစိုးရ သက်ဆိုးရှည်စေနိုင်သည့် လှုပ်ရှားမှု ထောက်ပံ့မှု အားပေးမှုများကို မလုပ်သင့်ပါဘူး……မိမိတို့ တတ်မြောက်ထားတဲ့ အသိပညာ အတတ်ပညာများနဲ့ လျော်ညီစွာ အကောင်းအဆိုး အကြောင်းအကျိုးများကို နားလည်သဘောပေါက်သင့်ပါတယ်။ အထူးအားဖြင့် မိမိတို့ကိုယ်ကို မိမိတို့ အထက်တန်းစား ရေပေါ်ဆီအလွှာအဖြစ် ခံယူထားသူများသည် ခေတ်အဆက်ဆက် အုပ်ချုပ်သူလူတန်းစားများကို မိမိတို့ကိုယ်ကျိုးအတွက် ကြောင်ဖား စားဖားများအဖြစ် အောက်ကျို့ခံပြီး ဆက်ဆံနေကြပါတယ်…. လူ့အသက်ပေါင်းများစွာကို တန်ဖိုးမထား သတ်ဖြတ်နေသော စစ်အာဏာရှင်အစိုးရ၏ လုပ်ရပ်ကို သိသိကြီးနဲ့ စစ်အာဏာရှင် သံရုံးဝန်ထမ်းများနှင့် လိုက်လျောညီထွေ ဆက်ဆံနေသော၊ လူ့အသက်များ ကယ်တင်မှုတာဝန်ကို ထမ်းဆောင်နေသော ဆရာဝန်များ၏ လုပ်ရပ်မှာလည်း ဝမ်းနည်းအံသြဖွယ်ကောင်းလှပါတယ်…… မိမိတို့ ထမ်းဆောင်နေသောတာဝန်နဲ့ ထောက်ခံနေသောလုပ်ရပ်တို့၏လိုက်လျောညီတွေမရှိမှုကို သတိပြု ရှောင်ကျဉ်သင့်ပါတယ်…။
ဗုဒ္ဓဘာသာကို လေးလေးနက်နက် ယုံကြည်ကြသူများ…….. ဗုဒ္ဓဘာသာ၏ အနှစ်သာရ အစစ်အမှန်ကို လေးလေးနက်နက် ယုံကြည်သူများအနေနှင့် ဗုဒ္ဓမြတ်စွာဘုရား၏ လမ်းစဉ်နှင့် ပါရမီဖြည့်ကျင့်မှုကို လေးလေးစားစား လိုက်နာ သင့်ပေသည်…… ဗုဒ္ဓမြတ်စွာဘုရားသည် အမျိုး ဘာသာ သာသနာအတွက် ဘဝပေါင်း လေးသင်္ချေနှင့် ကမ္ဘာတစ်သိန်း ပါရမီ ဖြည့်ကျင့်၍ ကာကွယ်စောင့်ရှောက်ခဲ့ပေသည်……ယခု လက်ရှိ စစ်အာဏာရှင်တစ်စု၏ လုပ်ရပ်များသည် ရတနာသုံးပါးကို စော်ကားမော်ကား ပြုနေရုံသာမက ဘာသာ သာသနာ ပျောက်ကွယ်မည့် အခြေအနေများကို ဦးတည်လုပ်ဆောင် နေပါသည်…...မိမိတို့၏ အမျိုးဘာသာ သာသနာကို စော်ကားမော်ကားပြုနေသူများကို မထောက်ခံ မအားပေးသော်ငြားလည်း ယင်းတို့၏ လုပ်ရပ်များကို မတားဆီး မဆန့်ကျင်ပဲ လက်ပိုက်ကြည့် ဆိတ်ဆိတ်နေခြင်းသည် ဘာသာ သာသနာပျောက်ကွယ်မည့် အခြေအနေဆိုးကို လက်ခံ အားပေးနေသည်နှင့်တူပါသည်….. ကိုယ်တိုင်-ချီးမွမ်း-စိတ်တူ-အားပေးသူ အားလုံးတို့၏ ပြစ်ဒဏ်သည် အတူတူပင် ဖြစ်သည်ဟု မြတ်စွာဘုရားက ဟောကြားခဲ့ပါတယ်….. ထို့ကြောင့် စစ်အာဏာရှင်များကို ပြတ်ပြတ်သားသားဆန့်ကျင်ပြခြင်းသည် မြတ်စွာဘုရား၏စကားကို နားထောင်ရာ ရောက်ပါတယ်…….။
တခြားသော ဘာသာတရားများကို ယုံကြည်သက်ဝင်သူများ……… ကမ္ဘာပေါ်ရှိ အင်မတန် ဆိုးဝါးလှသော အာဏာရှင်များသည် ပင်လျှင် မိမိတို့ ကိုးကွယ်သောဘာသာတရားကို ထိပါးစော်ကားမှု မပြုခဲ့ပေ…… ယခု စစ်အာဏာရှင်များ၏ ရိုင်းစိုင်းယုတ်မာမှု များသည် ဗုဒ္ဓဘာသာကိုးကွယ်သူများကိုသာမက တခြားသော ဘာသာတရားများကို ကိုးကွယ်နေသူများအတွက်ပါ ဆိုးကျိုးသက်ရောက်မှု ရှိနေပါတယ်……မိမိဘာသာတရားအပေါ် စော်ကားမော်ကားပြုသူသည် တခြားဘာသာများကို စော်ကားမော်ကားပြုရန် ဝန်လေးလိမ့်မည် မဟုတ်ပေ……..။
ကိုယ်ကျိုးစီးပွားရှာ စီးပွားရေးလုပ်ငန်းရှင်များ………ပြည်ပတွင် နေထိုင်နေသော်လည်း မြန်မာနိုင်ငံနှင့် ကူးလူးဆက်ဆံနေပြီး စီးပွားရှာနေသော စီးပွားရေးလုပ်ငန်းရှင်များသည် မိမိတို့၏ ကိုယ်ကျိုးစီးပွားအတွက် စစ်အာဏာရှင်အစိုးရကို ထောက်ပံ့မှု အားပေးမှုပြုနေပါသည်…..မိမိတို့၏ မိသားစု ဆွေမျိုး တစ်စု ကောင်းစားရေးအတွက် တစ်မျိုးသားလုံး၏ ရန်သူကို ထောက်ခံမှု ပြုနေခြင်းသည် မြန်မာနိုင်ငံရှိ လူသန်းပေါင်းများစွာ၏ အသက်အိုးအိမ် စည်းစိမ်ကို ဂရုမစိုက် လစ်လျူရှုသကဲ့သို့ ဖြစ်နေပါတယ်…..ထို့ကြောင့် စီးပွားရေးလုပ်ငန်းရှင်များအနေနဲ့ ကိုယ်ချင်းစာ သနားစိတ်ဖြင့် စစ်အာဏာရှင်များကို ထောက်ခံအားပေးမှုပြုခြင်းကို ဝေးဝေးက ရှောင်သင့်ပါတယ်…….။
ပြည်ပနိုင်ငံသားအဖြစ် ခံယူထားကြသူများ……… ပြည်ပနိုင်ငံအသီးသီးတွင် နိုင်ငံသားအဖြစ် ခံယူထားကြသော မြန်မာပြည်ဖွားများ အနေဖြင့် ငါတို့နှင့် မဆိုင်တော့ဘူး ဟူသော စိတ်ဓာတ်ဖြင့် နေသာသလို မနေကြပဲ မိမိတုိ့ နေထိုင်ကြီးပြင်းခဲ့သော နိုင်ငံတစ်ခု၏ အရေးကိစ္စများကို လူသားချင်းစာနာသောအားဖြင့် စိတ်ဓာတ်အင်အား ငွေအင်အားဖြင့် တတ်အားသရွေ့ ထောက်ခံအားပေးသင့်ပါတယ်…… အခါအားလျော်စွာ အလည်အပတ်ပြန်လေ့ရှိသော မိမိတို့ နိုင်ငံ၏ ပကတိအခြေအနေကို ပြည်ပနိုင်ငံများ၏ တိုးတက်မှုအခြေအနေနှင့် နှိုင်းယှဉ်ပြီး နိုင်ငံနှင့်လူမျိုးအတွက် တတ်အားသရွေ့ ကူညီထောက်ပံ့သင့်ပါတယ်…….။
ယနေ့မြန်မာနိုင်ငံအခြေအနေ………
ယနေ့ မြန်မာနိုင်ငံ၏ ပကတိအခြေအနေကတော့ အားလုံးသိတဲ့အတိုင်းပါပဲ…..စစ်အာဏာရှင်အစိုးရအနေနဲ့ တိုင်းပြည်၏ တိုးတက်မှုကို ဆောင်ရွက်နိုင်စွမ်းမရှိသည့်အပြင် တိုင်းပြည်အလုံးစုံ ပျက်စီးရေးကို ဦးတည်ဆောင်ရွက်နေပါတယ်….. နာဂစ်မုန်တိုင်းအပေါ် ကိုင်တွယ်ဆောင်ရွက်မှုကို ကြည့်ခြင်းအားဖြင့် စစ်အာဏာရှင်များ၏ အရည်အချင်းမပြည့်ဝမှု ယုတ်မာရိုင်းစိုင်းသောသဘောထား နဲ့ ထင်ရာစိုင်း အနိုင်ကျင့်သော လုပ်ဆောင်ချက်များကို ထင်ထင်ရှားရှား တွေ့မြင်နိုင်ပါတယ်….. ဘာသာ သာသနာနှင့်တကွ တတိုင်းပြည်လုံး၏ အသက်အိုးအိမ် စည်းစိမ်ကို လက်နက်အားကိုးနဲ့ အနိုင်ကျင့်စော်ကားနေခြင်းသည် ပြတ်ပြတ်ထင်းထင်း ပေါ်လွင်နေပါတယ်……… တရားမျှတမှု နဲ့ တရားဥပဒေစိုးမိုးမှု ဟူ၍ မရှိတော့ပဲ မင်းမဲ့အကျင့်စရိုက်ဆန်ဆန် အဖြစ်အပျက်များကို နိုင်ငံအနှံ့အပြားတွင် အလွယ်တကူတွေ့မြင်နေရပါတယ်………။
တွေဝေမနေကြပါနဲ့တော့………
လက်ရှိအနေအထားအရ လူထုနှင့်တကွ ပြည်ပရှိ အဖွဲ့အစည်း အင်အားစုများသည် ဘာလုပ်လို့ ဘာကိုင်ရမှန်းမသိ၊ မည်သည့်မူဝါဒကို ကိုင်စွဲရမှန်းမသိ ဖြစ်နေပြီး… အစည်းအဝေးများပြုလုပ်ခြင်း… ရှိသမျှအင်အားစုများနှင့် ဆန္ဒပြတောင်းဆိုခြင်း…… ကြေညာချက်များထုတ်ပြန်ခြင်း….US / EU / UN တို့ထံမှ အကူအညီများမျှော်ကိုးနေကြခြင်း…… မီဒီယာများမှ ယောင်ဝါးဝါး အင်တာဗျူးများ ထုတ်ပြန်နေခြင်း စသည့် မထိရောက်သော လုပ်ဆောင်ချက်များကို ပြုလုပ်နေကြရင်းနဲ့ အချိန်ကုန်လွန်နေကြပါတယ်……စစ်အာဏာရှင်အစိုးရမှ ချမှတ် လမ်းပြနေသော လမ်းကြောင်းများ နောက်သို့ မျှောလိုက်ရင်းနဲ့ မိမိတို့၏ အင်အားစုများကို ဖြုန်းတီးနေကြပါတယ်….. ။
စစ်အာဏာရှင်တို့၏ ခိုင်မာသောမူဝါဒဖြစ်သည့် တိုင်းပြည်အား စစ်တပ်မှ ထာဝရ အုပ်ချုပ်ရေးကို အကောင်အထည်ဖော်နိုင်မည့် ဖွဲ့စည်းပုံအခြေခံဥပဒေ အတည်ပြုရေး ဆန္ဒခံယူပွဲအား ၄င်းတို့ လိုသလို မဲလိမ်ကာ အတည်ပြုခဲ့သည်ကို ကြည့်ခြင်းအားဖြင့် ၄င်းတို့ကြေညာထားသည့် အထွေထွေရွေးကောက်ပွဲ၏ ရလဒ် မည်သို့ရှိမည်ကို ပြေးကြည့်စရာမလို တွေးကြည့်ရုံနဲ့ သိနိုင်မြင်နိုင်ပါတယ်……….။
ကျွန်ုပ်တို့ ဘာလုပ်သင့်သလဲ……..
စစ်အာဏာရှင်တို့၏ အုပ်ချုပ်ခဲ့သော နှစ်ပေါင်း ၆၀ ကာလကို ပြန်ပြောင်းကြည့်မယ်ဆိုရင် ၄င်းတို့၏ ကတိမတည်ကြည်မှု လက်တလုံးခြား လိမ်လည်လှည့်စားမှု နှင့် ညစ်ပတ်အောက်တန်းကျသော လူကြီးလူကောင်းမဆန်မှုများကို ဖြတ်သန်းခဲ့သော သမိုင်းအထောက်အထားများအရ အလွယ်တကူ သိနိုင် တွေ့နိုင် မြင်နိုင်ကြပါတယ်…..။
အကြမ်းမဖက်နည်း၊ အနုနည်း၊ သွေးမဲ့နည်း၊ မဟတ္တမဂန္ဒီရဲ့ ငြိမ်းချမ်းရေးနည်း စသဖြင့် ပြောစရာမလိုလောက်အောင် ကောင်းမွန်သော ဤအနုတရ နည်းလမ်းသည် လူသားဆန်သော လူကြီးလူကောင်းများအတွက်သာဖြစ်သော်လည်း စစ်အာဏာရှင်များအတွက်ဆိုကာမူ ဆွေးမြေ့သော သမိုင်းစာမျက်နှာမှာ ကျန်ခဲ့သော အသုံးမဝင်သော နည်းလမ်းအကျိုးအပဲ့ကြီးသာ ဖြစ်ပေလိမ့်မည်…….။
စစ်အာဏာရှင်အစိုးရ အတွက် လက်နက်ကိုင်တော်လှန်ရေး နဲ့သာ သင့်လျော်ပါတယ်လို့ ယေဘူယျအားဖြင့် ထင်စရာရှိသော်လည်း နှစ်ပေါင်း ၆၀ နီးပါး လက်နက်ကိုင်တော်လှန်နေသော်လည်း ယနေ့အထိ တိုးတက်မှု အခြေအနေ တစုံတရာ မရှိတဲ့ သာဓက အခြေအနေများကြောင့် ယင်းအပေါ် အားပြုနေခြင်းသည်လည်း အလုံးစုံမမှန်ကန်နိုင်ပေ………..။
အကြမ်းဖျင်းချမှတ်သင့်သော မူဝါဒလမ်းစဉ်များ
ယေဘူယျအားဖြင့် အောက်ပါလုပ်ငန်းစဉ် ၅ ရပ်ကို လူထုအားနဲ့စည်းလုံးညီညွတ်စွာ ချမှတ်အကောင်အထည်ဖော် ဆောင်ရွက်သင့်ပါတယ်…….။
၁) စစ်အာဏာရှင်အစိုးရကို လုံးဝ အယုံအကြည်မရှိရေး (မည်သည့်အကြောင်းပြချက်နဲ့မျှ မယုံကြည်ရ)
၂) စစ်အာဏာရှင်အစိုးရ၏ လုပ်ငန်းစဉ် လမ်းကြောင်းနောက်သို့ လုံးဝ မလိုက်ရေး (မည်သည့်လိုက်လျောမှုမျိုးမျှ မလုပ်ရ)
၃)စစ်အာဏာရှင်အစိုးရ၏ အောက်ခြေ အုပ်ချုပ်သူ လက်ပါးစေ၊ လက်ကိုင်တုတ်များ (အထူးသဖြင့် စွမ်းအားရှင်နဲ့ ကြံ့ဖွတ်များ)ကို ဖြစ်သင့်သော နည်းလမ်းပေါင်းစုံ (အနုနည်း၊ အကြမ်းနည်း) များနှင့် နှိမ်နင်းရေး
၎) စစ်အာဏာရှင်အစိုးရ၏ အုပ်ချုပ်ရေး ယန္တရားတွင် ပါဝင်နေသော လူတန်းစားအသီးသီးတို့အား ဖြစ်နိုင်သော နည်းလမ်းပေါင်းစုံဖြင့် ဆွဲဆောင်စည်းရုံးသိမ်းသွင်းရေး
၅) လူတန်းစားပေါင်းစုံပါဝင်သော၊ အနုနည်းမက အကြမ်းနည်းမကျသော အလယ်အလတ်နည်းလမ်းဖြင့် လူထု ခေတ်ပြောင်း တော်လှန်ရေးတရပ်ကို အရှိန်အဟုန်ဖြင့် ဆင်နွှဲရေး စသည်တို့ဖြစ်ပါတယ်……….။
အရေးကြီးသော ကူညီပံ့ပိုးမှုများ
ပြည်တွင်းမှ အင်အားစုများ၏ လုပ်ငန်းစဉ်များကို အကူအညီပေးရေး… ငွေကြေး ထောက်ပံ့မှုပေးရေးနဲ့ … အားဖြည့်ပံ့ပိုးရေးသည် ပြည်ပမှ အင်အားစုများ၏ လုပ်ငန်းစဉ်များဖြစ်ပေသည်……။
စီးပွားရေး..လူမှုရေး..ကျန်းမာရေး..ပညာရေးသာမက ဘာသာ သာသနာရေး အဖက်ဖက်မှ ယိုယွင်းပျက်စီးလာအောင် ဖိနှိပ်အုပ်ချုပ်နေသော စစ်အာဏာရှင်များသည် တိုင်းပြည်ကောင်းစားဖို့ လှုပ်ရှားရုန်းကန်နေသော ပြည်တွင်းမှ မျိုးချစ်ပြည်သူများအား ရက်ရက်စက်စက် ဖိနှိပ်အုပ်ချုပ် ထောင်သွင်းအကျဉ်းချ ညှင်းပန်းနှိပ်စက် သတ်ဖြတ်လျက် ရှိပါသည်….. စီးပွားရှာ ငွေရှာဖို့ အချိန်မပေး အခြေအနေမပေးနိုင်လောက်အောင် ထွက်ပြေးတိမ်းရှောင်နေရသော မျိုးချစ်ပြည်သူများအတွက် အလိုအပ်ဆုံး အရာမှာ ငွေကြေးအကူအညီပင်ဖြစ်ပါတယ်….
ဤကဲ့သို့သော အခြေအနေမျိုးတွင် ဘေးအန္တရာယ်ကင်းဝေးစွာ အေးချမ်းစွာနေရသော..ရန်သူမျိုး ငါးပါးသာမက ကပ်သုံးပါးနဲ့ပါ ကင်းဝေးနေသော ပြည်ပမှ ပြည်သူများအနေနဲ့ ငွေကြေးဖြင့် အားပေး ထောက်ပံ့ကူညီသင့်လှပေသည်……။
ကူညီသင့်ပါတယ်လေ……
ပြည်ပနိုင်ငံအသီးသီးတွင် အခြေချနေသော မြန်မာပြည်ဖွားများကို စာရင်းကောက်ယူကြည့်မည်ဆိုပါက အကြမ်းဖျင်းအားဖြင့် သန်းနဲ့ချီပြီး ရှိနိုင်ပါတယ်…..လူတစ်ဦးလျှင် တစ်ဒေါ်လာမှ တစ်ဆယ်ဒေါ်လာအထိ ကူညီသည်ထားဦး….ဒေါ်လာသန်းနဲ့ချီပြီး ပြည်တွင်းမှ မျိုးချစ်ပြည်သူများအား ကူညီထောက်ပံ့နိုင်ပါတယ်…..တစ်ဒေါ်လာ တစ်ဆယ်ဒေါ်လာဆိုသည်မှာ လူတိုင်းအတွက် မုန့်ဖိုးသာသာ သာဖြစ်ပါတယ်…… စစ်အာဏာရှင်လက်အောက်တွင် သန်းပေါင်းများစွာသော ပြည်သူတွေ၏ ဘဝများစွာကို ကူညီဖို့အတွက် ဤမျှလောက်သော ငွေပမာဏကလေးကို မစွန့်လွှတ်သင့်ပေဘူးလား……….။
ကျွန်ုပ်တို့ဆိုသည်မှာ……
ကျွန်ုပ်တို့ဆိုသည်မှာ ယခင်တုန်းက နိုင်ငံ့အရေးများကို မသိလိုက်မသိဖာသာ နေခဲ့သောသူများဖြစ်ပါတယ်……ကျွန်ုပ်တို့တွင် ယခင်တုန်းက လုပ်ဆောင်ခဲ့ဖူးသော စွန့်လွှတ်အနစ်နာခံခဲ့ဖူးသော သမိုင်းအထောက်အထားများလည်း မရှိခဲ့ပါဘူး……သို့သော်ငြားလည်း ယနေ့ဖြစ်ပေါ်နေသော အခြေအနေ အကြောင်းအရာ အဖြစ်အပျက်များသည် ကျွန်ုပ်တို့၏ စိတ်အစဉ်အား များစွာ အနှောက့်အယှက်ပေးနေရုံသာမက နိုင်ငံအတွင်းရှိ လူသားများစွာ၏ အသက် အိုးအိမ်ကို ခြိမ်းခြောက်နေပါတယ်…… လူသားများစွာ၏ အသက်ပေါင်းများစွာ စတေးခံခဲ့ရတဲ့ နာဂစ်မုန်တိုင်းအပေါ် ကိုင်တွယ်ခဲ့သော စစ်အာဏာရှုင်များ၏ လုပ်ရပ်ကို ကြည့်ခြင်းအားဖြင့် အနာဂတ်မြန်မာနိုင်ငံ၏ အခြေအနေဆိုးကို ခန့်မှန်းနိုင်ပါတယ်…… ကမ္ဘာ့မြေပုံပေါ်တွင် မြန်မာ့မြေပုံ ပျောက်မည့်အခြေအနေဆိုးသို့ ဦးတည်လျက်ရှိပါတယ်…….. ကျွန်ုပ်တို့အနေနဲ့ မိမိတို့၏ မျိုးဆက်သစ်များအတွက် သမိုင်းပေးတာဝန်တစ်ရပ်အနေနဲ့ တာဝန်ကျေချင်ရုံသာမက လူသားချင်းစာနာသော စိတ်ထားဖြင့် မဖြစ်မနေ ပါဝင်လာရခြင်းဖြစ်ပါတယ်………..။
ယုံကြည်မှု…….. ကျွန်ုပ်တို့အား ယုံကြည်ကြပါလို့ မတိုက်တွန်းလိုသော်လည်း ကျွန်ပ်တို့အနေနဲ့ ကျွန်ုပ်တို့၏ ကိုယ်ကျိုးအတွက် ဘယ်တော့အခါမျှ လုပ်မည်မဟုတ်ကြောင်းကိုသာ ရိုးသားစွာ ပြောလိုပါတယ်………..။
ထို့ကြောင့် ကျွန်ုပ်တို့ စိတ်တူသဘောတူ ဆောင်ရွက်ချက်ချင်းတူညီသော လူတစုက စုပေါင်းပြီး ပြည်တွင်းမှ တိုက်ပွဲဝင်လျှက်ရှိသော ပြည်ချစ်ရဲဘော်များအား ကူညီထောက်ပံ့မှုပေးရန် စည်းရုံးဆောင်ရွက်လျှက်ိနေပါတယ်……. ကျွန်ုပ်တို့အား အကြံဥာဏ်များ အကူအညီများ ပေးလိုပါက အောက်ပါ ဘလော့နဲ့ အီးမေးလိပ်စာများသို့ ဆက်သွယ်မေးမြန်းကူညီနိုင်ပါတယ်……….။
http://www.sooner-is-better.blogspot.com/
sooner.is.better@gmail.com
Sunday, June 22, 2008
ထိပ်သီးစစ်ခေါင်းဆောင်နှစ်ဦး စစ်တပ်ရာထူးမှ အနားယူ
ဗထူး။ ဇွန် ၂၂၊ ၂၀၀၈
မြန်မာစစ်အစိုးရ ထိပ်သီးခေါင်းဆောင်နှစ်ဦးဖြစ်သည့် ဗိုလ်ချုပ်မှူးကြီး သန်းရွှေနှင့် ဒုတိယ ဗိုလ်ချုပ်မှူးကြီး မောင်အေးတို့နှစ်ဦး စစ်တပ်တွင် ထိန်းချုပ်ထားသည့် တာဝန်များမှ အနားယူ သွားသည်ဟု စစ်တပ်အသိုင်းအ၀ိုင်းက ယနေ့ပြောဆိုသည်။
တပ်မတော်ကာကွယ်ရေးဦးစီးချုပ်နှင့် ဒုတိယ တပ်မတော်ကာကွယ်ရေးဦးစီးချုပ် နေရာများမှ အနားယူကာ အခြားအဆင့်မြင့်ဗိုလ်ချုပ်ကြီးများနှင့် အစားထိုးခဲ့ခြင်းဖြစ်သည်။
၎င်းတို့နှစ်ဦးနေရာတွင် ဗိုလ်ချုပ်ကြီးသူရရွှေမန်းနှင့် ကာကွယ်ရေးဝန်ကြီးဌာန စစ်ဆင်ရေး အထူးအဖွဲ့(ကစထ)မှူး တဦးဖြစ်သူ ဒုတိယဗိုလ်ချုပ်ကြီး မြင့်ဆွေအား အစားထိုးခန့်အပ်ခဲ့သည် ဟု အမည်မဖော်လိုသည့် စစ်ဖက်အရာရှိတဦးက ပြောသည်။
“တပ်ချုပ်နဲ့ ဒုချုပ်က တပ်အမိန့်ပုံစံမျိုးနဲ့ တပ်က အနားယူတဲ့သဘောပဲ၊ (နယက)ကောင်စီမှာ တော့ ဆက်ရှိနေမယ်၊ အရင် (ကစထ)မှူးတွေလည်း အနားယူတယ်ဆိုပေမဲ့ အဲ့ဒီကောင်စီမှာ ဆက်ပါနေအုံးမယ်၊ တပ်ချုပ်နဲ့ ဒုချုပ်က ရန်ကုန်ပြန်လာမယ်၊ သူတို့နဲ့အတူ (ကစထ)မှူးတွေ ထဲက ဒုတိယဗိုလ်ချုပ်မှူးကြီး ခင်မောင်သန်းလည်း ပါလာမယ်၊ သူလည်း အနားယူပြီ”ဟု အဆိုပါတပ်မတော်အရာရှိတဦးက ပြောသည်။
ထို့အပြင် ရန်ကုန်တိုင်း၊ တောင်ပိုင်းတိုင်းနှင့် အရှေ့မြောက်တိုင်းမှ တိုင်းမှူးသုံးဦးမှာလည်း ကာကွယ်ရေးဝန်ကြီးဌာန စစ်ဆင်ရေးအထူးအဖွဲ့မှူးများအဖြစ် တဆင့်တိုးခန့်အပ်လိုက်ပြီး ထိပ်ပိုင်းခေါင်းဆောင်အများအပြား အပြောင်းအလဲပြုလုပ်ခဲ့သည်ဟု ၎င်းက ဆက်လက်ပြောဆို သည်။
ရန်ကုန်တိုင်း တိုင်းမှူးအဖြစ် အမှတ် (၇၇) ခြေမြန်တပ်မဌာနချုပ် တပ်မမှူး ဗိုလ်ချုပ်ဝင်းမြင့်နှင့် မုံရွာခရိုင်မှ အနောက်မြောက်တိုင်းစစ်ဌာနချုပ် တိုင်းမှူးအဖြစ် တပ်မတော်ဆေးတက္ကသိုလ် ပါမောက္ခချုပ် ဗိုလ်ချုပ်ရာပြည့်တို့ ပြောင်းလဲရောက်ရှိလာမည်ဖြစ်ကြောင်း သတင်းများ ထွက်ပေါ်နေသည်။
“ဒါက တပ်တွင်းနေရာအပြောင်းအလဲတွေဖြစ်တော့ သတင်းစာတွေကတော့ တရားဝင် ပုံ ဘယ်သူဘာညာဆိုပြီးတော့ ထွက်လာမှာမဟုတ်ဘူး၊ အရင် (ကစထ)မှူးဟောင်းတွေ နားတယ် ဆိုပေမဲ့ နိုင်ငံတော်ကောင်စီထဲမှာ ဆက်ရှိနေအုံးမယ်၊ ၂၀၁၀ ကျရင် နေရာယူမယ်လို့တော့ ခန့်မှန်းနေတာပဲ”ဟု ပြောသည်။
တိုင်းတပ်မအတွင်းရှိ စစ်ဦးစီးအရာရှိ ပထမတန်း အယောက် (၂၀) ခန့်မှာလည်း တိုင်းတပ်မ ဗျူဟာမှူး များအဖြစ်အပြောင်းအလဲများရှိမည်ဖြစ်သည်ဟု ၄င်းက ဆက်လက်ပြောဆိုခဲ့သည်။
ယခုအပြောင်းအလဲများနှင့်ပတ်သက်၍ တပ်တွင်းတင်းကြပ်နေသော ရာထူးနေရာအများအပြား အပြောင်းအရွှေ့များ ဖြစ်ပေါ်လာသည့်အတွက် ရှေ့အလားအလာကို ခန့်မှန်းရခက်နေသေးပြီး အာဏာအရပ်ရပ်အား ဗိုလ်ချုပ်မှူးကြီးသန်းရွှေ ဆက်လက်ထိမ်းနိုင်မည့် အခွင့်အလမ်းအချို့ အတွက် စဉ်းစားစရာဖြစ်နေသည်ဟု အဆိုပါစစ်ဘက်အရာရှိက ပြောဆိုသွားခဲ့သည်။
ရိုးမ သတင်းဌာနမှ ကူယူဖော်ပြသည်
Saturday, June 21, 2008
စစ်အစိုးရ၏ အရေးပါသော ရာထူးများတွင် အပြောင်းအလဲများလုပ်
မဇ္ဈိမသတင်းဌာန
သောကြာနေ့၊ ဇွန်လ 20 2008 21:15 - မြန်မာစံတော်ချိန်
နယူးဒေလီ။ ။ မြန်မာနိုင်ငံမှ လျှို့ဝှက် သိပ်သည်းလှသော ဗိုလ်ချုပ်ကြီးများသည် အစိုးရ အဖွဲ့တွင်းနှင့် တပ်တွင်း အရေးပါသော ရာထူး နေရာများကို အပြောင်းအလဲ ပြုလုပ်လိုက်သည်။
ကက်ဘိနက်အတွင်း အပြောင်းအလဲများကို စစ်အစိုးရက တရားဝင် ကြေညာသော်လည်း စစ်တပ်တွင်း တပ်မှူး အပြောင်းအလဲများနှင့် စစ်ဆင်ရေးနှင့် ကွပ်ကဲမှု ဌာနချုပ်များ (ကစထ) အပြောင်းအလဲများကိုမူ ထုံးစံအတိုင်းပင် ထုတ်ပြန် ကြေညာခြင်း မပြုပါ။
ယခင်က ဝန်ကြီးဌာန ၂ ခုကို ပူးတွဲ ကိုင်ထားခဲ့သော ဗိုလ်ချုပ် မောင်မောင်ဆွေကို လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာန တနေရာကိုသာ တာဝန်ယူရန် လျှော့ချလိုက်သည်။ အခြား ဝန်ကြီးဌာနတခု ဖြစ်သော လူဝင်မှု ကြီးကြပ်ရေး နှင့် ပြည်သူ့အင်အား ဌာနကိုမူ အသစ် ခန့်အပ်လိုက်သော ဗိုလ်ချုပ် စောလွင်က တာဝန်ယူမည် ဖြစ်သည်။
ဗိုလ်ချုပ် စောလွင်၏ ယခင် ရာထူးဖြစ်သော စက်မှု (၂) ဝန်ကြီး တာဝန်ကို ရေတပ် စစ်ဦးစီးချုပ် ရေတပ် ဒုတိယဗိုလ်ချုပ်ကြီး စိုးသိန်းက လွှဲပြောင်း တာဝန်ယူမည် ဖြစ်သည်။
ယင်းကို လေ့လာသူများက အာဏာ လျောကျသွားခြင်း ဖြစ်သည် ဟု သုံးသပ် ပြောဆိုနေကြသည်။
ထိုအတောအတွင်း တပ်မှူး အပြောင်းအလဲ အများအပြားကို မြန်မာ စစ်အစိုးရက ကြေညာခြင်း မပြုဘဲ ပြုလုပ်ခဲ့ သည်။ ငယ်ရွယ်သော အရာရှိများကို တပ်မှူးများအဖြစ် ရာထူး တိုးမြှင့်ပေးခဲ့ပြီး ကစထ သို့ တိုးမြှင့် ခန့်အပ်ခဲ့သည်။
စစ်တပ် အသိုင်းအဝိုင်းမှ လာသော သတင်းအရ အရေးပါသော စစ်တပ် တပ်မှူး ၄ ဦးကို ကစထမှူးများအဖြစ် ခန့်အပ်ခဲ့သည်ဟု သိရသည်။
အဆိုပါတပ်မှူးကြီး ၄ ဦးမှာ အရှေ့မြောက်တိုင်းမှူး ဗိုလ်ချုပ် အောင်သန်းထွဋ်၊ မြောက်ပိုင်းတိုင်းမှူး ဗိုလ်ချုပ်အုန်းမြင့်၊ ဗိုလ်ချုပ်မင်းအောင်လှိုင်၊ တောင်ပိုင်းတိုင်းမှူး ဗိုလ်ချုပ်ကိုကို တို့ ဖြစ်ကြသည်ဟု မဇ္ဈိမက စုံစမ်း သိရှိရသည်။
မြန်မာစစ်တပ်တွင် ကထစမှူးရာထူး ၅ နေရာရှိပြီး ယခင် ကစထမှူးများထဲမှ ဗိုလ်ချုပ်မောင်ဘို တဦးသာ မူလရာထူးတွင် ကျန်ရစ်သည်။ ဗိုလ်ချုပ် ရဲမြင့်၊ ဗိုလ်ချုပ် အောင်ထွေး၊ ဗိုလ်ချုပ် ကျော်ဝင်း နှင့် ဗိုလ်ချုပ် ခင်မောင်သန်း တို့ကိုတော့ အငြိမ်းစားပေးလိုက်သည်။
အနားယူသွားရပြီ ဖြစ်သော ကစထမှူးများမှာ စစ်အစိုးရ အဖွဲ့အတွင်း နံပါတ် ၃ ခေါင်းဆောင် ပူးတွဲညှိနှိုင်း ကွပ်ကဲရေးမှုး (ကြည်း၊ ရေ၊ လေ) ဒုဗိုလ်ချုပ်ကြီး ရွှေမန်းထက် ဝါရင့်သူ (သို့မဟုတ်) အကြီးအကဲဟောင်းများ ဖြစ်ခဲ့ကြခြင်းကြောင့် စစ်တပ်ပုံစံ အမိန့်ပေး ကွပ်ကဲမှုအရ ကသိကအောက် ဖြစ်ခဲ့ကြသည်။
အသစ်ခန့်အပ်မည့် တိုင်းမှူးသစ်များတွင် ကလော စစ်ဦးစီးတက္ကသိုလ် ကျောင်းအုပ် ဗိုလ်မှူးချုပ် ကျော်ဖြိုးနှင့် သံတောင် စစ်ဦးစီးတက္ကသိုလ် ကျောင်းအုပ် ဗိုလ်မှူးချုပ် ရာပြည့် တို့ ပါဝင်မည် ဖြစ်သည်။ အခြား ၂ ဦး၏ အမည်ကိုမူ ဆက်လက် စုံစမ်းဆဲ ဖြစ်သည်။
ဤအတောအတွင်း အရေးပါသော ရန်ကုန်တိုင်း တိုင်းမှူး ဗိုလ်ချုပ်လှဌေးဝင်း ကိုလည်း တပ်မတော် လေ့ကျင့်ရေး အရာရှိချုပ်အဖြစ် ခန့်ထားလိုက်သည်။ ယခင်က အဆိုပါတာဝန်ယူထားသော ဒုတိယ ဗိုလ်ချုပ်ကြီး အောင်ထွေးမှာမူ အငြိမ်းစား ယူလိုက်သည်ဟု သတင်းရပ်ကွက်များကပင် ပြောကြားသွားပါသည်။
"တပ်မှူးတွေ အကုန်လုံး အပြောင်းအလဲ ရှိတယ်၊ မပြောင်းတာဆိုလို့ (ဗိုလ်ချုပ်မှူးကြီး) သန်းရွှေနဲ့ (ဒုဗိုလ်ချုပ်မှူးကြီး) မောင်အေးဘဲ ရှိတယ်" ဟု စစ်တပ် အသိုင်းအဝိုင်းက ပြောသည်။
နိုင်ငံ + ပြည်သူ = နိုင်ငံ့အရေး = နိုင်ငံရေး
နိုင်ငံ + ပြည်သူ = နိုင်ငံ့အရေး = နိုင်ငံရေး
June 18th, 2008
ကလိုစေးထူး
လွန်ခဲ့တဲ့ ရက်အနည်းငယ်က ဖြစ်ပါတယ်။
ဖို့ဝိန်းမှာကျင်းပသွားတဲ့ တင့်တင့်ထွန်း စတိတ်ရှိုးပွဲကိုသွားတော့ ခန်းမရဲ့အ၀င်ဝမှာ မတွေ့ရတာ ကြာပြီဖြစ်တဲ့ အန်တီကြီးနှစ်ယောက်နဲ့ ဆုံပါတယ်။ `အန်တီတို့၊ စတိတ်ရှိုးပွဲလာကြည့်တာလား´ လို့ နှုတ်ဆက်မေးမိပါတယ်။ ဒါပေမယ့် အဲဒီအန်တီကြီးတွေက မျက်နှာထားမသာမယာနဲ့ တယောက်စီ ဒီလိုပြန်ဖြေပါတယ်။
`မဟုတ်ဘူး၊ ကလေးမလေးတွေကို လိုက်ပို့တာ၊ တို့တွေက ပြန်မှာ´
`ကြည့်စမ်းပါဦးကွာ၊ တခုခုလုပ်ကြမယ်ဟေ့ဆိုပြီး လူစုရင်၊ အစည်းအဝေးတို့ ဘာတို့ဆိုရင် လူတွေက ဒီလို မတက်ကြွဘူး´
`မင်းလည်း တို့နဲ့တွေ့ရအောင်၊ တို့နဲ့တွေ့ချင်လို့ ဖို့ဝိန်းလာတာမှ မဟုတ်တာ၊ တင့်တင့်ထွန်းစတိတ်ရှိုးပွဲ လာတာ မဟုတ်လား´
`အန်တီတို့ကတော့ ၀မ်းနည်းတယ်၊ ကဲ.. သွားမယ်ဟေ့´
***
လွန်ခဲ့တဲ့ လအနည်းငယ်က ဖြစ်ပါတယ်။
ဂျပန်မှာ ပညာလာသင်နေတဲ့ အမျိုးသမီးတယောက်နဲ့ စကားပြောဖြစ်တော့ သူက ဒီလိုပြောပါတယ်။
`ကျမတို့က မိဘတွေက ချမ်းသာကြတာ မဟုတ်ဘူး၊ ရှိတဲ့ငွေလေးကို ခြစ်ခြုတ်ပြီး ဒီမှာ ပညာ လာသင်နေရတာ၊ နိုင်ငံရေးတွေဘာတွေ စိတ်ဝင်စားဖို့ အချိန်မရှိဘူး။ အဲဒါတွေလုပ်လို့လည်း တခုခု အထိခိုက်မခံနိုင်ဘူး´
***
လွန်ခဲ့တဲ့ တနှစ်ကျော်ကျော်က ဖြစ်ပါတယ်။
မြန်မာပြည်တွင်းက နာမည်ကြီး ၀က်ဘ်ဆိုက်တခုရဲ့ တာဝန်ရှိသူ လူငယ်တယောက်က ဒီလိုပြောတာကို တွေ့ဖူးပါတယ်။
`ဒီထဲမှာ နိုင်ငံရေးတွေ မပြောကြပါနဲ့ဗျာ၊ ကျနော်တို့ အရေးယူခံရပါလိမ့်မယ်။ ကျနော်က မိဘကို လုပ်ကျွေးနေရတာ၊ အဲဒါတွေအတွက်နဲ့ ကျနော့်ဘ၀ အနစ်မွန်းမခံနိုင်ဘူး´
***
အထက်ပါဖြစ်ရပ်တွေကိုကြည့်ရင် `နိုင်ငံရေး´ဆိုတဲ့ စကားရပ်လေးတခုကို လူတွေ နားလည်လက်ခံကြ တာဟာ မတူညီဘူးဆိုတာ သိလာစေပါတယ်။ အဲဒီလို မတူညီမှုနဲ့အတူ လူတန်းစားတွေ တစတစနဲ့ ကွဲပြားနေလေ မလားလို့ တွေးမိတော့ ဒီစာကို ရေးမိပါတယ်။
တကယ်တော့ ကျနော်တို့နိုင်ငံမှာ `နိုင်ငံရေး´လို့ ပြောလိုက်တာနဲ့ လူတော်တော်များများက တွန့်ခနဲ ဖြစ်သွားတတ်တာ အစဉ်အလာတခုလို ဖြစ်နေပါပြီ။ နိုင်ငံရေးသမားများဆိုတာနဲ့ လက်ရှိအုပ်ချုပ်နေတဲ့ ပုဂ္ဂိုလ်တွေကို ဆန့်ကျင်သူများလို့ မျက်လုံးထဲမှာ အရင်ဆုံး မြင်ယောင်ပစ်လိုက်ကြတာ များနေပါပြီ။ သူတို့သည်သာလျှင် နိုင်ငံရေးသမား၊ အဲဒီတော့ အချိန်မရွေး ဖမ်းဆီးထောင်ချခံရနိုင်တယ်။ ယုတ်စွ အဆုံး ဘ၀ပျက်သွားနိုင်တယ်..၊ အဲဒီလို တွေးပစ်လိုက်တာများပါတယ်။
တကယ်တော့ နိုင်ငံရေးဆိုတာ နိုင်ငံရဲ့အရေး၊ ပြည်သူရဲ့အရေးဆိုတာ ရှင်းနေပါတယ်။ ခေါင်းဆောင်ကြီး တွေကလည်း ဒီလိုပဲ အနက်ဖွင့်ဆိုပါတယ်။ ပါတီထောင်မှ နိုင်ငံရေးမဟုတ်သလို ပါတီအဖွဲ့အစည်းဝင်ဖြစ်မှ နိုင်ငံရေးသမား မဟုတ်ပါဘူး။ အခုတော့ နိုင်ငံရေးသမားနဲ့ ပြည်သူဆိုပြီး လူတန်းစားနှစ်ရပ်က ကွဲပြားမှန်းမသိ ကွဲပြားလာနေပါပြီ။
ခြိမ်းခြောက်မှုအောက်မှာ ဆယ်စုနှစ်ပေါင်းများစွာ အသားကျလာတဲ့ ပြည်သူတွေမှာလည်း သူတို့ရဲ့ ရပိုင်ခွင့်၊ ရပ်တည်ပိုင်ခွင့်ကိုတောင်မှ (အုပ်ချုပ်သူကို ဆန့်ကျင်ရမယ်ဆိုရင်)လွတ်လပ်ပွင့်လင်းစွာ ထုတ်ဖော်မပြောရဲတော့ပါဘူး။ ပြောတဲ့လူတွေကိုလည်း `သူတို့က နိုင်ငံရေးသမားတွေ´လို့ သတ်မှတ် ပစ်လိုက်ကြပါတယ်။ သတ်မှတ်ရလောက်အောင်လည်း အခြေအနေတွေက ဖန်တီးပေးနေပါတယ်။ အဲဒီလိုနဲ့ နိုင်ငံရေးသမားလို့ သတ်မှတ်ခံရသူတွေကလည်း သူတို့လိုမလုပ်၊ မပြောတဲ့ ပြည်သူကို အားမရ၊ ပြည်သူကလည်း သူတို့နဲ့ အသားမကျ၊ တဖြည်းဖြည်းနဲ့ ဝေးသထက် ဝေးသွားပါတော့တယ်။
တနေ့လုပ်မှ တနေ့စား၊ ၀မ်းရေးတောင် အနိုင်နိုင်ရုန်းကန်နေရတဲ့ သာမန်ပြည်သူတယောက်က `စစ်အာဏာရှင် ပြုတ်ကျရေး´ဆိုတာကို ထည့်မစဉ်းစားအားသလို အစိုးရစရိတ်နဲ့ ပညာတော်သင် ထွက်လာရတဲ့ လူငယ်တယောက်ကလည်း သူ မြန်မာပြည်ပြန်ရောက်ရင် ရမယ့်အခွင့်အရေးကို အုပ်ချုပ်နေသူကိုဆန့်ကျင်လို့ ရလာမယ့် လတ်တလောရလဒ်နဲ့ မလဲလှယ်ရဲပါဘူး။ အဲဒီတော့ သူတို့ အတွေးတွေ၊ သူတို့စဉ်းစားချက်တွေထဲမှာ အုပ်ချုပ်သူတွေကို ဆန့်ကျင်နေတဲ့လူတွေဟာ သူတို့နဲ့ တသားတည်း မကျတော့ပါဘူး။ တခါတရံမှာဆိုရင် `ဒီလူတွေနဲ့ပတ်သက်မိရင် ငါ့ကိုပါ ထိခိုက်လာ နိုင်တယ်´လို့တောင် တွေးပစ်လိုက်ပါတယ်။
တကယ်တမ်း သေချာစဉ်းစားကြည့်ရင် လူတိုင်းဟာ နိုင်ငံရေးသမားတွေလို့ ပြောလို့ရပါတယ်။ ပညာသင်နေတဲ့ ကျောင်းသားတယောက်ဟာလည်း ပညာသင်ခြင်းအားဖြင့် နိုင်ငံ့အရေးကို ပါဝင်နေ သလို လုပ်ငန်းခွင်ဝင်နေတဲ့ လုပ်သားတွေကလည်း အလုပ်လုပ်ခြင်းအားဖြင့် နိုင်ငံ့အရေးကို ဆောင်ရွက် နေပါတယ်။
Seminar တခုမှာ ဆွေးနွေးသူ အမျိုးသမီးတယောက်က `လူတွေရဲ့ နေ့စဉ်ရှင်သန် သွားလာလှုပ်ရှားမှု တိုင်းဟာ နိုင်ငံရေးနဲ့ ဆက်စပ်နေတယ်´ လို့ အဆိုပြု ဆွေးနွေးဖူးပါတယ်။ အဲဒီတော့ တခြားသော ဆွေးနွေးသူ အမျိုးသားတယောက်က `အိမ်သာတက်တာကရော နိုင်ငံရေးနဲ့ ဆိုင်ပါသလား´လို့ မေးလိုက်ပါတယ်။ အဲဒီအမျိုးသမီးငယ် ပြန်ဖြေတာကတော့ …
`အိမ်သာတက်ခြင်းဟာလည်း နိုင်ငံရေးနဲ့ ဆက်စပ်ပါတယ်။ အိမ်သာတက်သူဟာ အိမ်သာတက်ပြီးရင် လက်ဆေးဖို့ အရေးကြီးသလို အိမ်သာကိုလည်း သန့်ရှင်းအောင်၊ ယင်လုံအောင် ထားဖို့လိုပါတယ်။ မသန့်ရှင်းတဲ့ အိမ်သာကိုတက်ပြီး လက်ကို စင်ကြယ်စွာမဆေးတဲ့ အိမ်သာတက်သူဟာ ၀မ်းရောဂါလို ရောဂါမျိုးတွေရနိုင်ပြီး သူကမှတဆင့် သူ့မိသားစုကို ရောဂါကူးစေနိုင်ပါတယ်။ အဲဒီလို မိသားစုတွေ များလာရင် တဖြည်းဖြည်းနဲ့ နိုင်ငံကိုပါ ထိခိုက်စေနိုင်လို့ အိမ်သာတက်ခြင်းဟာလည်း နိုင်ငံရေးနဲ့ ဆိုင်ပါတယ်´
တကယ်တော့ လူတွေအားလုံး နေ့စဉ် ရှင်သန်သွားလာလှုပ်ရှား ရုန်းကန်မှုတိုင်းဟာ နိုင်ငံရေးပါ။ ပါတီထောင်မှ၊ အုပ်ချုပ်သူကိုဆန့်ကျင်မှ နိုင်ငံရေးမဟုတ်ပါဘူး။ ဆင်းရဲချို့ငဲ့သူတယောက်ကို မိမိတတ်နိုင်သလောက်လေး ဝေငှပေးလိုက်တာနဲ့ အဲဒီပေးလိုက်တဲ့ ခဏမှာတင် နိုင်ငံရေးလုပ်ပြီးသား ဖြစ်သွားပါတယ်။ မိမိသိထားတာကို မသိသေးတဲ့လူတွေကို ဝေငှပေးလိုက်တာဟာလည်း နိုင်ငံရေး လုပ်နည်းတမျိုးပါပဲ။ အဲဒီတော့ `ကျနော်/ကျမ နိုင်ငံရေးမလုပ်ပါဘူး´ဆိုတာ မရှိပါဘူး။ လူတိုင်း နိုင်ငံရေးလုပ်နေကြပါတယ်။ နိုင်ငံရဲ့အရေးကို ဆောင်ရွက်နေကြပါတယ်။ ကောင်းသောဆောင်ရွက်ခြင်းနဲ့ ဆိုးသောဆောင်ရွက်ခြင်းကတော့ မိမိရဲ့ ရွေးချယ်ယုံကြည်မှုပါပဲ။
လက်ရှိအုပ်ချုပ်သူတွေကို ဆန့်ကျင်ပြီး သူတို့ရဲ့ မတရားမှုတွေကို ထုတ်ဖော်ပြောနေတဲ့ လူတွေကလည်း မိမိပြောနေသလို တခြားလူတွေက မပြောရကောင်းလားလို့ အားမလို အားမရဖြစ်နေလို့ မဖြစ်ပါဘူး။ အဲဒီလို အားမလိုအားမရ ဖြစ်လေလေ လူထုနဲ့ဝေးသွားလေလေ ဖြစ်တော့မှာပါ။
`နိုင်ငံရေး´ဆိုတဲ့ စကားလုံးရဲ့ ကန့်သတ်မှုအောက်မှာ အဖိနှိပ်ခံ ပြည်သူချင်းအတူတူ အစုမကွဲစေချင်ပါ။ `နိုင်ငံရေး´ဆိုတာဟာ ပါတီတွေထောင်၊ သာမန် တော်ရုံတန်ရုံလူတွေ နားမလည်နိုင်တဲ့ ဟိုစနစ်၊ ဒီစနစ်တွေ ပြောတဲ့အလုပ်၊ လက်ရှိအုပ်ချုပ်နေသူတွေကို ဆန့်ကျင်တဲ့အလုပ်လို့ မြင်လာနေတာက တစတစနဲ့ များလာနေပါပြီ။
တကယ်တော့လည်း အုပ်ချုပ်သူကို ဆန့်ကျင်တဲ့လူနဲ့ ပြည်သူတွေနဲ့က တဖြည်းဖြည်းနဲ့ ဝေးလာသလိုလို ဖြစ်လာနေပါတယ်။ ဒီခေတ်မှာ မိဘက အုပ်ချုပ်သူတွေကိုဆန့်ကျင်တဲ့ သားသမီးကို `နင်ဒါမျိုးတွေ လုပ်တာနဲ့ ငါတို့ပါရောပြီး ဒုက္ခမရောက်ချင်ဘူး၊ ငါတို့ အသက်ကြီးပြီ´ လို့ ဆိုဆုံးမနေတဲ့ခေတ်ကို ရောက်နေပါပြီ။ ဒါဟာ ပြည်သူနဲ့ နိုင်ငံရေးကို တသီးတခြားစီလုပ်ခဲ့တဲ့၊ လုပ်နေဆဲဖြစ်တဲ့ ကျနော်တို့ တိုင်းပြည်ရဲ့ လက်ရှိအုပ်ချုပ်သူတွေရဲ့ မကောင်းတဲ့ အောင်မြင်မှုပါပဲ။ နိုင်ငံခြားကိုရောက်နေတဲ့ လူတွေရဲ့ တ၀က်ဝန်းကျင်လောက်မှာကိုက `ငါသူတို့ကို ဆန့်ကျင်ရင် ငါ့နိုင်ငံပြန်ခွင့်ရပါ့မလား´ဆိုတဲ့ စိုးရိမ် စိတ်က ကြီးစိုးနေပါပြီ။ ဒါကြောင့်လည်း `ကျနော်/ကျမတော့ဖြင့် နိုင်ငံရေးမလုပ်ပါ´ လို့ ဖွင့်ဟ ပြောဆိုလာသူတွေ များလာနေပါတယ်။ နေရပ်ကို ပြန်ခွင့်မရမှာကို စိုးရိမ်စိတ်တခုတည်းနဲ့ ခံစားတတ်တဲ့နှလုံးသား မဲ့နေလေရော့သလားလို့ တွေးထင်ရလောက်အောင်ကို လျစ်လျူရှုနိုင်စွမ်းတွေ ရှိနေကြပါပြီ။
ဘယ်လိုပဲဖြစ်ဖြစ် သူတို့ (အုပ်ချုပ်သူလူတန်းစား)တွေသည်လည်း ပြည်သူတွေထဲကပြည်သူ၊ ကျနော်တို့ (သူတို့ကိုဆန့်ကျင်နေသူ)တွေသည်လည်း ပြည်သူတွေထဲက ပြည်သူချင်းအတူတူ ကျနော်တို့တတွေ ပြည်သူနှင့် မဝေးလိုပါ။
`နိုင်ငံရေး´ဆိုသည်မှာ နိုင်ငံအတွင်းတွင် နေထိုင်ကြကုန်သော ပြည်သူများ၏အရေး၊ နိုင်ငံ့အရေး ဖြစ်တာကြောင့် ပြည်သူနှင့်နိုင်ငံရေး တသီးတခြားစီ မဖြစ်စေလိုပါ။ ဒါကြောင့်..၊ နိုင်ငံရေး= ပြည်သူ + နိုင်ငံ = နိုင်ငံ့အရေး = နိုင်ငံရေး …….။ ။
http://komyo.burmachannel.com
Friday, June 20, 2008
အမျိုးသားဒီမိုကရေစီ အဖွဲ့ချုပ်ရုံးရှေ့တွင် ကျင်းပသော ဗွီဒီယိုမှတ်တမ်း
ရန်ကုန်မြို့ ရွှေဂုံတိုင်လမ်းရှိ အမျိုးသား ဒီမိုကရေစီ အဖွဲ့ချုပ်ရုံး ရှေ့မှာ ဇွန်လ ၁၉ ရက်နေ့ မနက်ပိုင်းက ဒေါ်အောင်ဆန်းစုကြည် လွတ်မြောက်ရေးအတွက် စာကလေး ၆၃ ကောင်ကို လွှတ်ပြီး ဆုတောင်းနေစဉ် စွမ်းအားရှင်လို့ ယူဆရသူများဟာ ကား ၁၀ စီးခန့်နဲ့ ရောက်ရှိလာပြီး အမျိုးသား ဒီမိုကရေစီ အဖွဲ့ချုပ်ဝင် များကို ရိုက်နှက် ထိုးကြိတ် ဖမ်းဆီးသွားကြကြောင်း သိရ ပါတယ်။ မြန်မာပြည်ဆိုင်ရာသတင်းများမှာ ဖမ်းဆီးသွားသူ စုစုပေါင်း ၁၃ ဦး ရှိကြောင်း ဖော်ပြထားပါတယ်။
အခုလို စွမ်းအားရှင်လို့ ယူဆရသူများက တရားမဲ့ ရိုက်နှက် ထိုးကြိတ် ဖမ်းဆီးတာနဲ့ ပတ်သက်ပြီး အမျိုးသား ညွန့်ပေါင်း အစိုးရ ၀န်ကြီးချုပ် ဦးစိန်ဝင်းရဲ့ သဘောထားကို မေးမြန်း ကြည့်ရာ “စွမ်းအားရှင် ဆိုတာ မရှိသင့်ဘူး ဗျ။ စွမ်းအားရှင် ဆိုတာ ဘာလဲ၊ နိုင်ငံရေး လူမှုရေး အဖွဲ့အစည်းလား၊ ဒါမှမဟုတ် စစ်တပ်၊ ရဲ အဖွဲ့အစည်းလား၊ ဘာတွေလဲ။ လူမိုက်တွေကို မြှောက်ပင့်ပေးပြီး ပြည်သူလူထုဆိုတဲ့ အမည်တပ်ပြီးတော့ နအဖ ခိုင်းသမျှ လုပ်တဲ့ လူတွေ ဖြစ်နေတယ်။ ဒါကို ကျွန်တော်တို့အနေနဲ့ လုံးဝ လက်မခံဘူး။ ဒါဟာ တရားဥပဒေနဲ့ မညီဘူး။ (လူငယ်စကားနဲ့ ပြောရင်) လူမိုက် ဆန်တယ် ပေါ့ဗျာ။” လို့ မှတ်ချက်ပေးပါတယ်။
၂၀၀၇ စက်တင်ဘာ အရေးအခင်းမတိုင်မီက ဓါတ်ဆီဈေး ကြီးမြင့်တဲ့အတွက် ငြိမ်းချမ်းစွာ ဆန္ဒပြသူများကို မြန်မာစစ်အစိုးရက အကြမ်းဖက် ရိုက်နှက် ထိုးကြိတ်ခဲ့ရာ စစ်အစိုးရရဲ့ လူမှုရေးအဖွဲ့ အမည်ခံ ကြံ့ဖွံ့အဖွဲ့ဝင်များပါ ပါဝင်ပတ်သက်ကြောင်း ဝေဖန်မှုတွေ ထွက်ပေါ်ခဲ့ပါတယ်။ သာမာန်ကြံ့ဖွံ့အဖွဲ့ဝင်များက အဲဒီလို ဝေဖန်မှုတွေကို ဒီ လုပ်ရပ်တွေဟာ သူတို့နဲ့ မပတ်သက်ကြောင်း၊ အခုလုပ်ရပ်ဟာ စစ်အစိုးရ တာဝန်ရှိသူ များ သီးသန့် ဖွဲ့စည်းထားတဲ့ စွမ်းအားရှင်ဆိုသူများက လုပ်ကိုင်တာဖြစ်ကြောင်း တုံ့ပြန် ပြောကြားခဲ့ပါတယ်။
ဘားမားတူဒေးမှ ကောက်နုတ်ဖော်ပြသည်။
ဒီချုပ် အစည်းအဝေးလုပ်စဉ် အာဏာပိုင်များ အင်အားပြ စောင့်ကြည့်
ဖနိဒါ၊ မြင့်မောင်
သောကြာနေ့၊ ဇွန်လ 20 2008 17:23 - မြန်မာစံတော်ချိန်
ချင်းမိုင်-နယူးဒေလီ။ ။ အမျိုးသား ဒီမိုကရေစီ အဖွဲ့ချုပ် လူငယ်များ အစည်းအဝေး လုပ်နေစဉ် အနီး ပတ်ဝန်းကျင်တွင် အာဏာပိုင်များက အင်အားပြကာ အနီးကပ် စောင့်ကြည့်မှုများ ပြုလုပ်ခဲ့သည်။
ရန်ကုန်မြို့ ဗဟန်းမြို့နယ်ရှိ အတိုက်အခံ နိုင်ငံရေးပါတီ၏ လူငယ်အဖွဲ့ဝင်များ ပုံမှန် အစည်းအဝေးလုပ်ရာ စွမ်းအားရှင်၊ လုံထိန်း၊ ထောက်လှမ်းရေးများသည် အချုပ်ကားတစီးပါ အသင့် ခေါ်ဆောင်ထားကာ ယနေ့ နံနက်ကတည်းက ရောက်ရှိ စောင့်ဆိုင်းနေသည်။
အဖွဲ့ချုပ် လူငယ်နှင့် သတင်း ပြန်ကြားရေးအဖွဲ့မှ တာဝန်ရှိသူတဦးက “ရုံးနဲ့ မျက်စောင်းထိုးမှာရှိတဲ့ ကျောက်ဆည် ဓမ္မာရုံမှာ စွမ်းအားရှင်ကား ၈ စီး ရှိတယ်။ စွမ်းအားရှင်တွေက အဲဒီထဲမှာ ထိုင်နေကြတယ်။ ရေတာရှည် လမ်းဟောင်းရဲ့ တဘက်မှာ၊ ယုဇနစင်တာ ခြံဝန်းထဲမှာက စွမ်းအားရှင် ဒိုင်နာကား ၅ စီးနဲ့ အင်အား ၂ဝဝ လောက် ထိုင်နေတာ ရှိတယ်” ဟု ပြောသည်။
ရန်ကုန်တိုင်း မြို့နယ် ၃ဝ မှ အဖွဲ့ချုပ်လူငယ် ခေါင်းဆောင်များသည် ၆ လပတ် အစည်းအဝေး ကျင်းပကာ ပြီးခဲ့သည့်လတွင် အခြေခံဥပဒေ အတည်ပြုရေး ပြည်သူ့ဆန္ဒခံယူပွဲ အတွေ့အကြုံများကို အပြန်အလှန် ဆွေးနွေးခဲ့ကြသည်ဟု ပါတီ ပြန်ကြားရေးဌာနက ပြောသည်။
အစည်းအဝေး တက်ရောက်ခဲ့သူ အဖွဲ့ဝင် လူငယ်တဦးက “လူငယ်အကုန်လုံး တက်ရောက်တဲ့အတွက် အဲဒီ အပေါ်မှာ စိုးရိမ်စိတ်ဝင်တာ ဖြစ်နိုင်တယ်” ဟု ပြောသည်။
ထောက်လှမ်းရေးများက အစည်းအဝေး တက်ရောက်သော လူငယ်များ၏ အမည်များကို မှတ်တမ်းတင်ခြင်းများ ပြုလုပ်နေသည်ဟု ပြည်ထဲရေး သတင်းရပ်ကွက် အရလည်း သိရသည်။
Thursday, June 19, 2008
ဗိုလ် သို့မဟုတ် မြင့်မြတ်သော အနိုင်ယူခြင်း
ဗိုလ်ဆိုတဲ့စကားက လောကမှာ အတော်အပြောများတဲ့စကားပါ။ ဗိုလ်ဆိုတဲ့စကားလုံးကို ပါးစပ်က ပြောနေရင်တောင် လက်မက အလိုလို ထောင်မိသွားတတ်တယ်။ “ဒို့ရပ်ကွက်မှာ ဒီကောင် ကတော့ ဗိုလ်ပဲ”။ “ဒို့ ကျောင်းမှာ……ဒို့အတန်းမှာ သူကတော့ ဗိုလ်ပဲ”။ နေရာတိုင်းမှာ ဗိုလ်တွေ ရှိကြပါတယ်။ တစ်နေရာရာမှာ ထိပ်တန်းက ပါဝင်နေသူတွေ၊ သူများတွေထက် ပိုပြီးစွမ်းဆောင်နေတဲ့၊ စွမ်းဆောင်နိုင်တဲ့ ပုဂ္ဂိုလ်တွေကို ဗိုလ်လို့ ခေါ်တာပါပဲ။ လောကက သမုတ်လိုက်ကြတာပါပဲ။
လောကမှာ လုပ်တိုင်း မဖြစ်လို့သာရယ်။ လူတိုင်းကတော့ ဗိုလ်ဖြစ်ချင်ကြတာပဲ။ ဒါဟာ လူတွေရဲ့ ဗီဇ စိတ်ပဲ။ အိမ်မှာ ဗိုလ်လုပ်ချင်တယ်။ ကျောင်းမှာ ဗိုလ်လုပ်ချင်တယ်။ ရပ်ကွက်ထဲမှာ ဗိုလ်လုပ်ချင်တယ်။ မြို့မှာ.. တိုင်းမှာ..ပြည်နယ်မှာ…နိုင်ငံမှာ…ကမ္ဘာမှာ…ဗိုလ်လုပ်ချင်ကြတာပဲ။ ကိုယ် လက်လှမ်းမီသလောက်၊ ကိုယ့်အစွမ်း ရှိသလောက်အတိုင်းအတာနဲ့ ဗိုလ်လုပ်ချင်ကြတာပဲ။ ဒီလောက် သည်းခြေကိုက်ဖြစ်နေရအောင် ဗိုလ်ဆိုတာ ဘာလဲ။
ဗိုလ်ဆိုတာ အမှန်တော့ ပါဠိသက် မြန်မာစကားပါ။ “ဗလ”ဆိုတဲ့ ပါဠိစကားကနေ ဗိုလ်လို့ ဖြစ်လာတာ။ အဓိပ္ပါယ်ကတော့ လိုရင်းဆိုရရင် “အား” သို့မဟုတ် “အစွမ်း”ပါပဲ။ ဗုဒ္ဓစာပေမှာတော့ ဗိုလ်နဲ့ပတ်သက်ပြီး စာရေးသူ လက်လှမ်းမီသလောက် နှစ်မျိုးတွေ့ရပါတယ်။ အဘိဓမ္မာမှာက ဗိုလ် (၅)ပါး။ သုတ္တန်မှာက ဗိုလ် (၇)ပါးလို့ ပြပါတယ်။ အဘိဓမ္မာက ပြတဲ့ ဗိုလ်(၅)ပါးက သဒ္ဓါဗိုလ်၊ ၀ီရိယဗိုလ်၊ သတိဗိုလ်၊ သမာဓိဗိုလ်၊ ပညာဗိုလ်တို့ ဖြစ်ပါတယ်။ သုတ္တန်က အဆိုပါ (၅)ပါးမှာ ဟိရိဗိုလ်နဲ့ သြတ္တပ္ပဗိုလ်နှစ်ပါးပေါင်းထည့်ပြီး (ရ)ပါးလို့ ပြပါတယ်။ မြတ်ဗုဒ္ဓလမ်းညွှန်တော်မူခဲ့တဲ့ ဗိုလ်ဖြစ်ကြောင်းတရားများလို့ ပြောရင်လဲ ရပါလိမ့်မယ်။
ချားလ်စ်ဒါဝင်က ပြောတယ်။ “might is right” “အားကြီးသူက အနိုင်ရစမြဲပဲ”တဲ့။ မှန်ပါတယ်။ ဗိုလ်ဆိုတာ “အား”ပဲ မဟုတ်လား။ ဒီဗိုလ် (၇)ပါး အားအစွမ်းနဲ့ ပြည့်စုံရင် လောကီဘ၀တိုက်ပွဲမှာ အောင်မြင်စွာ အနိုင်ရချင်သလား၊ လောကုတ္တရာဘ၀လွတ်မြောက်ရေးတိုက်ပွဲမှာ အနိုင်ရချင်သလား။ တိုက်ပွဲအားလုံးအတွက် အားအစွမ်းက အခရာကျနေပါလိမ့်မယ်။ ဒီ “အားအစွမ်း”နဲ့ အနိုင်ယူတာဟာ သန့်လဲ သန့်ရှင်းသလို ဖြူလဲ ဖြူစင်ပါတယ်။ မြင့်လဲ မြင့်မြတ်ပါတယ်။ ဒါကလဲ ဖော်ပြပါ ဗိုလ်(၇)ပါး အားအစွမ်းနဲ့ အနိုင်ယူမှသာ ဖြစ်နိုင်ပါတယ်။ ဒါမှသာ စစ်မှန်တဲ့အောင်ပွဲလို့ ခေါ်နိုင်မှာဖြစ်သလို တည်ငြိမ်အေးချမ်းတဲ့ဘ၀ကို တည်ဆောက်ပြီးသား ဖြစ်မှာပါ။ တကယ့်ဗိုလ်အစစ် ဖြစ်နိုင်မှာပါ။
အားကြီးသူသာ အနိုင်ရစတမ်း၊ ဘယ်သူသေသေ ငတေမာရင်ပြီးရောဆိုတဲ့ စိတ်ဓာတ်နဲ့ လက်နက်အား၊ ငွေအား၊ အာဏာအားတွေနဲ့ ပတ်ဝန်းကျင်မှာ ဗိုလ်ကျစိုးမိုးနေရင်တော့ သူ့ကို ဗိုလ်အတုလို့ ခေါ်ရမှာ ဖြစ်သလို သန့်စင်မှု၊ မြင့်မြတ်မှုဆိုတာလဲ ဝေးပါပြီ။ ဒါဆိုရင် ဘယ်လောက်ပဲ ဗိုလ်လို့ အမည်တပ် အခေါ်ခံနေရပါစေ တည်ငြိမ်အေးချမ်းတဲ့ဘ၀ကို သူ ရတော့မှာ မဟုတ်ပါဘူး။
လက်နက်အား၊ ငွေအားစသည်နဲ့ ဗိုလ်ကျခဲ့သူတွေဟာ ဘယ်သောအခါမှ သမိုင်းမလှခဲ့ကြဘူး။ ရိုးသားမှု၊ မြင့်မြတ်စိတ်ထားနဲ့ တည်ဆောက်ရယူခဲ့တဲ့ ဗိုလ်လုပ်ခြင်း၊ အနိုင်ယူခြင်းကသာ ဗိုလ်အစစ် အမှန် ဖြစ်နိုင်ပါလိမ့်မယ်။
တစ်နည်းပြောရရင် ဗိုလ်ဖြစ်တယ်ဆိုတာ အောင်မြင်မှုရတာပါပဲ။ “အောင်မြင်မှုဆိုတာ လူတစ်ယောက်ရဲ့ ကိုယ်ရည်ကိုယ်သွေးကို ပုံကြီးချဲ့ပြတဲ့ မှန်ဘီလူးဖြစ်တယ်”လို့ ဆိုတဲ့စကားတစ်ခု ရှိပါတယ်။ မှန်ပါတယ်။ လူတွေဟာ တစ်ယောက်ကိုတစ်ယောက် အကဲခတ်ရင် ဘယ်လောက်အောင် မြင်မှုရှိလဲ ဆိုတာကို ကြည့်တတ်ကြတယ်။ အောင်မြင်မှုဆိုတဲ့ မှန်ဘီလူးနဲ့ ကြည့်ကြတယ်။ အကဲခတ် ကြတယ်။ အဲဒိလို ကြည့်လိုက်တဲ့အခါမှာ အောင်မြင်မှု သို့မဟုတ် ဗိုလ်ဖြစ်နေမှုရဲ့ နောက်ကွယ်က ဘယ်လိုအောင်မြင်လာသလဲ၊ ဘယ်လို အောင်မြင်နေ သလဲ (ဘယ်လို ဗိုလ်ဖြစ်လာသလဲ) ဆိုတာကို လဲ မြင်သွားကြရပါတယ်။ အောင်မြင်မှုရနေပေမယ့် (ဗိုလ်ဖြစ်နေပေမယ့်) အောင်မြင်ရခြင်းရဲ့ အကြောင်းက ရိုးသားမှုမရှိရင်၊ မျှတမှုမရှိရင် အောင်မြင်မှုဆိုတာလဲ တန်ဖိုးမရှိတော့ပါဘူး။
ဒီ ဗိုလ် (၇)ပါးကို လေ့လာဖြည့်ဆည်းမှသာလျှင် စစ်မှန်တဲ့၊ တည်ငြိမ်တဲ့၊ မျှတတဲ့ စွမ်းအားရှင် ဗိုလ်အစစ်ဖြစ်နိုင်ပါတယ်။ ပထမအချက်က သဒ္ဓါဆိုတဲ့ ယုံကြည်မှုပါပဲ။ ဘယ်အလုပ်ကိုပဲလုပ်လုပ် ယုံကြည်မှုမရှိရင် ဘာမှ ဖြစ်မလာနိုင်ပါဘူး။ ယုံကြည်မှုရှိဖို့ဆိုတာ နေရာတိုင်း၊ နယ်ပယ်တိုင်းအတွက် အရမ်းကို လိုအပ်ပါတယ်။ ဘောလုံးပွဲတွေမှာ ခြေစွမ်းအရ၊ အစဉ်အလာအရ နိမ့်ကျပေမယ့် နိုင်ကိုနိုင်ရ မယ်ဆိုတဲ့ ယုံကြည်မှုရှိထားတဲ့ အသင်းဟာ တည်ငြိမ်မှု ရှိလာပါတယ်။ တည်ငြိမ်မှုရှိလာတော့ အောင်ပွဲက နီးစပ်လာပါတယ်။ ရန်သူနဲ့ ထိပ်တိုက်တွေ့ပြီဟေ့ဆိုရင် တည်ငြိမ်မှုက တစ်ဖက်သား အတွက် အဟန့်ဖြစ်စေပါတယ်။
ယုံကြည်မှုရဲ့ဆန့်ကျင်ဘက်က တွေဝေမှု၊ သံသယပါပဲ။ ဖြစ်နိုင်ပါ့မလာဆိုတဲ့ တွေဝေမှုဟာ အောင်မြင်မှုဆီ လျှောက်လှမ်းရာမှာ ခလုတ်ကန်သင်းဖြစ်ပါတယ်။ “ကျွန်မအတွက်တော့ စိတ်ထဲမှာ (doubt) မသိုးမသန့် ဖြစ်နေရင် ဘာမှမလုပ်နဲ့ (don’t) ပဲ။ စိတ်ထဲမှာ ဝေခွဲမရနဲ့ သံသယတွေများ နေရင် သံသယတွေ မပျောက်မချင်း ဘာကိုမှ မလုပ်နဲ့တော့ပဲ”ဆိုတဲ့ အော်ပရာဝင်းဖရီးရဲ့စကားကလဲ မှတ်သားစရာပါ။ ယုံကြည်မှုရှိရင် ယုံကြည်မှု တွေအားကောင်းလာရင် အလုပ်လုပ်ရတာ လန်းဆန်း လာတယ်။ အားပြည့်လာတယ်။ ယုံကြည်မှုတွေနဲ့သာ အားထုတ်ရင် ဗိုလ်ဖြစ်ဖို့ တစ်ချက်ပြည့်စုံသွားပြီ ဆိုရပါမယ်။ ယုံကြည်မှုတွေ ခိုင်ခိုင်မာမာ ပြတ်ပြတ်သားသား ရှိနေပြီဆိုရင် ယာယီကျရှုံးမှုတွေနဲ့ ကြုံနေရင်တောင် ဘယ်တော့မှ စိတ်ဓာတ်မကျတော့ဘူး။
နောက်တစ်ချက်က ၀ီရိယ။ အဓိပ္ပါယ်ကတော့ အားထုတ်ခြင်းပါပဲ။ အားထုတ်တယ်ဆိုတာ ရဲ့ရင့်သူတွေ၊ အောင်မြင်သူတွေရဲ့ လိုအပ်ချက်ဖြစ်တယ်။ ပျော့ညံ့သူ၊ ပျင်းရိသူတွေမှာ အားထုတ်မှု မရှိပါဘူး။ ဗိုလ်ဖြစ် ချင်ရင်တော့ “အားထုတ်မှု”ဟာ မဖြစ်မနေ ရှိကိုရှိရမယ်။ ထိုင်နေလို့တော့ ဘာမှဖြစ် မလာဘူး။ တစ်ချို့က ဗိုလ်လုပ်ချင်တယ်။ ဒါပေမယ့် အလုပ်တော့ မလုပ်ချင်ဘူး။ အားထုတ်မှုတစ်ခုမှ မပါဘဲ ဗိုလ်ဖြစ်ချင်နေရင်တော့ ဒါဟာ တကယ့်ကို မမျှတတဲ့ ဆန္ဒပါပဲ။
နောက်တစ်ခုက သတိ။ ဗိုလ်ဖြစ်ချင်သူတွေအတွက် အရေးကြီးတဲ့ အချက်ပါပဲ။ ဟုတ်ပါပြီ။ ဗိုလ်လုပ် ချင်တယ်။ ဘာကြောင့် ဗိုလ်လုပ်ချင်တာလဲ။ ဗိုလ်ဖြစ်အောင်အားထုတ်နေတဲ့ငါဟာ ဖြစ်သင့် ဖြစ်ထိုက်တဲ့ အနေအထားမျိုးရှိရဲ့လား။ ways and means တွေက မှန်ရဲ့လား။ သဘာဝကျရဲ့လား။ ဒါတွေကို အမြဲတမ်း ကြည့်ရှု သုံးသပ်မှုမျိုးရှိနေရမယ်။ ယုံကြည်မှုနဲ့အားထုတ်မှုတော့ ရှိပါရဲ့။ အခြေအနေတွေကို လေ့လာစောင့်ကြည့်မှု မရှိရင်၊ အမှတ်တမဲ့တွေ လုပ်မိရင် သင် ဗိုလ်ဖြစ်ဖို့ မလွယ်ပါဘူး။
ဗိုလ်ဖြစ်ချင်သူတွေ သိရမယ့်နောက်တစ်ချက်က သမာဓိ။ ဗိုလ်ဖြစ်ချင်ရင် ဗိုလ်ဖြစ်ကြောင်း နည်းလမ်းတွေကို စိုက်လိုက်မတ်မတ် လုပ်ဖို့ လိုအပ်ပါတယ်။ ဒီနည်းလမ်းတွေပေါ်မှာပဲ တိုးတက် သထက် တိုးတက်အောင် ဖြည့်ဆည်းသွားဖို့ လိုပါတယ်။ ဟိုနည်းပြောင်းလိုက်၊ ဒီနည်းပြောင်းလိုက်နဲ့ အချိန်ရှိသမျှ မတည်မငြိမ်ရွေ့လျားနေရင်တော့ ပန်းတိုင်ရောက်ဖို့ သိပ်ဝေးနေပါအုံးမယ်။
အရေးကြီးတဲ့နောက်တစ်ချက်က ပညာဖြစ်ပါတယ်။ သိပ်ကို အခရာကျပါတယ်။ ဒီအချက် အားလုံးကို မီးခလုတ်တွေနဲ့ တင်စားရရင် ပညာဟာ မိန်း(main) ခလုတ်ပါ။ ခလုတ်အားလုံးကို ပညာဆိုတဲ့ မိန်းကနေ ထိန်းချုပ်ထားတာ။ မိန်းချထားရင်တော့ အားလုံးဟာ ဘာမှ လုပ်လို့ ရမှာ မဟုတ်တော့ဘူ။ ပညာက ways and means တွေကို ဖန်ဆင်းပေးတာပဲ။ ပညာကောင်းရင် ကောင်း သလောက် နည်းစနစ် မှန်ပြီး အင်အားပိုရှိပါလိမ့်မယ်။
အထက်ပါအချက် (၅)ချက်ကို အောင်အောင်မြင်မြင် ဖြည့်ဆည်းပြီးရင် သူဟာ ဗိုလ်ဖြစ်ပါပြီ။ စည်းကမ်းရှိတဲ့ဗိုလ်၊ သမာသမတ်ကျတဲ့ ဗိုလ်ဖြစ်ပါပြီ။ တရားမျှတတဲ့ ဗိုလ်ဖြစ်ပါပြီ။ ဒါပေမယ့် သုတ္တန်က နောက်ထပ် နှစ်ပါးထပ်တိုးထားတယ်။ အဲဒါက ဟိရီနဲ့ သြတ္တပ္ပ။ အဘိဓမ္မာကပြတဲ့ ဗိုလ်ငါးပါး ပြည့်စုံရင် ဟိရီနဲ့ သြတ္တပ္ပက ကျွဲကူးရေပါဆိုသလို ပါလာမှာပါပဲ။ ဒါပေမယ့် လူအမျိုးမျိုးလိုက်ပြီး ပိုပြီး ရှင်းရှင်းလင်းလင်း နားလည်အောင် ထပ်ဖြည့်လိုက်တဲ့သဘောပါပဲ။
“ဟိရိ”ဆိုတာက အရှက်တရား။ မဟုတ်တာ၊ မတရားတာကို လုပ်ရမှာ ရှက်တဲ့စိတ်ကို ဆိုလိုတာပါ။ “သြတ္တပ္ပ”ဆိုတာက အကြောက်တရား။ မဟုတ်မတရားတာ၊ မမျှတတာကို လုပ်ရမှာ ကြောက်တဲ့စိတ်ကို ဆိုလိုပါတယ်။ အင်မတန်မှ အရေးကြီးပါတယ်။ အရှက်အကြောက်တရားဆိုတာ လုပ်သင့်လုပ်ထိုက်တာကို ရဲရဲဝံ့ဝံ့ လုပ်ရဲရတယ်။ ရှက်သင့်တဲ့နေရာတွေမှာ ရှက်တတ်တဲ့စိတ်ရှိရတယ်။ မလုပ်သင့်တဲ့အရာတွေကို မလုပ်ရဲတဲ့စိတ်၊ ကြောက်တဲ့စိတ်ရှိရတယ်။ ဗိုလ်လို့အမည်ခံပြီး အရှက် အကြောက်တရားမရှိရင် ဘယ်သူကမျှ လေးစားမှာ မဟုတ်ပါဘူး။ ဗိုလ်အစစ်ဖြစ်ပြီလို့ မဆိုနိုင်ပါဘူး။ အမည်ခံဗိုလ်၊ ဗိုလ်အတုသာ ဖြစ်ပါလိမ့်မယ်။ အော့ကြော လန်ဗိုလ်သာ ဖြစ်ပါလိမ့်မယ်။ အများရဲ့ တံတွေးခွက်ထဲမှာ ပေါလောမျောနေတဲ့ ဗိုလ်သာ ဖြစ်ပါလိမ့်မယ်။
ဆိုတော့…………….။ “ဗိုလ်”ဆိုတာကို ကောက်ချက်ချကြည့်ရရင် လက်နက်အားကိုးနဲ့ မိုက်ရူးရဲဆန် ဆန် အနိုင်ကျင့်၊ နှိပ်စက်၊ ထင်ရာကြဲရမ်းကားနေသူတွေဟာ ဗိုလ်မဟုတ်ဘူး။ “ဗိုလ်” ဆိုတာ ယုံကြည်မှုအား၊ ကြိုးစားမှုအား၊ နိုးကြားမှုအား၊ တည်ကြည်မှုအား၊ ချင့်ချိန်နိုင်မှု အားတွေနဲ့ အရှက်အကြောက်တရားတွေရဲ့ အမည်နာမသာ ဖြစ်ကြောင်း မှတ်သားမိပါတယ်။
“ယခုအချိန်တွင်မူ မြန်မာနိုင်ငံ၌ မြင်မြတ်သူများကို များစွာ လိုအပ်လျှက်ရှိ၏။ နိုင်ငံတော် အတွက်နှင့် နိုင်ငံသူနိုင်ငံသားများအတွက်…….အနစ်နာခံနိုင်သူများကို ဤမြန်မာနိုင်ငံ၌ အလုအယက် ပေါ်ထွက်စေချင်ပါ၏”လို့ ဆရာကြီးဦးရွှေအောင်က အားမလိုအားမရ တမ်းတသွားခဲ့ဖူးပါတယ်။
စာရေးသူကလဲ ပြည်ထောင်စုမြန်မာနိုင်ငံတော်၌ ဗိုလ်အစစ်ဗိုလ်အမှန်လေးများ ပေါ်ထွက်လို ပေါ်ထွက်ငြား ဒီဆောင်းပါးကို ရေးပါတယ်။
ပြည်ချစ်ဘုန်းဘုန်း
10, 06, 2008
်
ဒီချုပ် ရုံးချုပ်ရှေ့ စစ်အစိုးရ လုံခြုံရေးများ တိုးမြှင့်
နေသွင်
ကြာသပတေးနေ့၊ ဇွန်လ 19 2008 15:53 - မြန်မာစံတော်ချိန်
ချင်းမိုင်။ ။ အန်အယ်ဒီ ရုံးချုပ်တွင် ယနေ့ ကျင်းပသည့် ပါတီ ခေါင်းဆောင်၏ မွေးနေ့ အခမ်းအနား ပြီးဆုံးသွားသော်လည်း လုံခြုံရေးကိုမူ ဆက်လက် တင်းကျပ်ထားဆဲ ဖြစ်သည်။
နံနက်ပိုင်းက ရဲ၊ လုံထိန်း၊ ကြံ့ဖွံ့၊ စွမ်းအားရှင် အင်အား ၁ဝဝဝ ခန့် ချထားစဉ် ကြံ့ဖွံ့များက ပါတီရုံးဝင်းအတွင်း အတင်းအကျပ် ဝင်ရောက်ကာ သံဃာတော် တပါးနှင့် ပါတီဝင် ၃ ဦးကို ဝင်ရောက် ဖမ်းဆီးပြီးနောက် အခမ်းအနား ဆက်လက် ကျင်းပရာ နေ့လယ် ၂ နာရီတွင် ပြီးဆုံးခဲ့ သော်လည်း အာဏာပိုင်များဘက်က လုံခြုံရေးကို ဆက်ချထားဆဲပင် ဖြစ်သည်။
အဖွဲ့ချုပ် လူငယ်တဦးက “လုံခြုံရေး အခြေအနေက သူတို့ဘက်က မလျှော့ဘူး။ တထောင်ကျော်တော့ ရှိမယ်။ ကြံ့ဖွတ်တွေရော၊ စွမ်းအားရှင် တွေရော၊ ရဲတွေရော။ အုတ်လမ်းဘက်၊ ရွှေတိဂုံဘက်မှာ ပိုဆိုးတယ်။ အဲဒီမှာ ပြည်ထဲရေးဌာန ဓမ္မာရုံ ရှိတယ်။ အဲဒီမှာ လုံထိန်း အကြမ်းဖက် နှိမ်နင်းရေးတပ်တွေ တပ်စွဲထားတယ်။ ဒိုင်နာကားက ၁ဝ စီး ကျော်တယ်။ ကျန်တဲ့ ကားကြီးတွေတော့ ရွှေတိဂုံ ဘုရားဘက်မှာ ဖျောက်ထား တယ်” ဟု ပြောသည်။ ထိပ်တိုက်တွေ့မှု ဖြစ်မည် စိုးရိမ်သဖြင့် အဖွဲ့ချုပ်ရုံးဝင်းကိုမူ ခေတ္တ ပိတ်ခဲ့ရသေးသည်။
ရန်ကုန်မြို့ရှိ ထင်ရှားသော နေရာများဖြစ်သော မြို့တော်ခမ်းမ၊ ရွှေဂုံတိုင်၊ မြေနီကုန်း၊ လှည်းတန်းဘက်တွင်လည်း လုံခြုံရေးများ ထူထပ်စွာ ချထားသည်ဟု မြို့ခံတဦးက ပြောသည်။
“လူတွေက သုံးယောက်တွဲနေပြီး စောင့်ကြည့်ကြတယ်။ ရဲကားတန်းရှည်လည်း ကင်းပတ်နေတယ်။ လူထုကို ခြောက်ပြတဲ့ သဘောပါ။ ဒေါ်စု အိမ်ရှေ့လမ်းကိုလည်း အင်အား ဖြည့်ထားတယ်” ဟု အဆိုပါ မျက်မြင်တဦးက ပြောသည်။
မြို့အနှံ့တွင် ဒိုင်း၊ ဒုတ် ကိုင်ထားသော ရဲသား ၃ဝ ခန့်ပါသော ကားများလည်း လှည့်နေပြီး ကုန်သည်ကြီးများ ဟိုတယ် တဝိုက်တွင် အရပ်ဝတ်များ စောင့်ကြည့်နေသည်ဟု အဆိုပါ မြို့ခံက ဆိုသည်။
ယနေ့ နံနက်ပိုင်းက အဖွဲ့ရုံးဝင်း အတွင်းသို့ စွမ်းအားရှင်များ ဝင်ရောက်ကာ ရုံးလုံခြုံရေး ယူထားသော လူငယ်များကို ဖမ်းဆီးခဲ့သေးသည်။
မနက်က အဖွဲ့ချုပ်ရုံးအတွင်း ဖြစ်ပျက်ခဲ့သည့် အခြေအနေနှင့် ပတ်သက်၍ မျက်မြင်သက်သေ တဦးက “ဝင်ဆွဲသွားတယ်။ ရုံးရှေ့မှာ၊ ကားတွေ အတင်းထိုးရပ်ပြီးတော့ ဒိုင်နာကားတွေ၊ ဒေါ်အောင်ဆန်း စုကြည်အတွက် ဆုမွန်ကောင်း တောင်းတဲ့ လူတွေကို အတင်းဆွဲသွားတာ၊ တချို့ မြို့နယ်က လူတွေက ကြောက်အားလန့်အားနဲ့ ရုံးထဲ ဝင်ပြေးကြတာပေါ့။ ရုံးမှာ အမြဲတမ်း လုပ်နေတဲ့ လူငယ်တွေက လုံခြုံရေးတာဝန် ယူထားတော့ သူတို့ကို ဆွဲတင်သွားတယ်” ဟု ပြောသည်။
ပရိသတ် ၇ဝဝ ခန့် တက်ရောက်သော အခမ်းအနားတွင် နိုင်ငံရေး အကျဉ်းသား မိသားစုများမှ ကလေးငယ်များအတွက် ပညာသင် ထောက်ပံ့ကြေး ပေးသည့် အစီအစဉ်တခု ပြုလုပ်ခဲ့သည်။ ကျောင်းသားအရွယ် ကလေးငယ် ၇၄ ဦးကို တဦးလျှင် ငွေကျပ် ၃ သောင်းနှင့် စာရေးကိရိယာများ ထောက်ပံ့ပေးခဲ့သည်။
မွေးနေ့ ဆွမ်းကပ်လှူမည့် ပန္နိတရာမ ကျောင်းတိုက် (ရွှေတောင်ကုန်း သာသနာ့ရိပ်သာ) မှ သံဃာ ၅ ပါးကို ဆွမ်းကပ်လှူမည့် အစီအစဉ်မှာ ဆွမ်းချိန် နှောင်းသွားသဖြင့် အထမမြောက်တော့ပါ။ သံဃာတော်များကို ဆွမ်းစား မကြွရောက်ရန် အာဏာပိုင်များက ဖိအားပေးခဲ့ခြင်း ဖြစ်သည်။
ဒီချုပ် ရုံးအတွင်း ကြံ့ဖွံ့များ ဝင်ပြီး လူ ၄ ဦး ဖမ်းဆီး
နေသွင်
ကြာသပတေးနေ့၊ ဇွန်လ 19 2008 13:03 - မြန်မာစံတော်ချိန်
ချင်းမိုင်။ ။ လူထုခေါင်းဆောင် ဒေါ်အောင်ဆန်းစုကြည်၏ ၆၃ နှစ်မြောက် မွေးနေ့ အခမ်းအနား ကျင်းပမည့် ရန်ကုန်တိုင်း ဗဟန်းမြို့နယ် ရွှေဂုံတိုင်လမ်းရှိ အဖွဲ့ချုပ်ရုံးအတွင်း ကြံ့ဖွံ့များ ဝင်ရောက်စီးနင်းကာ သံဃာတပါးနှင့် လူပုဂ္ဂိုလ် ၃ ဦးကို ဖမ်းဆီးသွားသည်။
ပြီးခဲ့သည့် နာရီပိုင်းက စွမ်းအားရှင်များသည် တားဆီးနေသည့် ကြားကပင် အခမ်းအနား ကျင်းပမည့် အချိန်ကို စောင့်ဆိုင်းနေသည့် အဖွဲ့ချုပ်ဝင် ၇ဝဝ ခန့်ရှိရာ ရုံးဝင်းအတွင်း ဝင်ရောက်ကာ အခမ်းအနား တက်ရောက်သူများထဲက သံဃာတော်တပါးနှင့် လူ ၃ ဦးကို ဖမ်းဆီးသွားခြင်း ဖြစ်သည်။
“ဆွမ်းလောင်းပြီးတော့ ငှက်တွေ လွှတ်တယ်။ လူတွေက အော်တာပေါ့။ ဒေါ်အောင်ဆန်းစုကြည် ကျန်းမာပါစေလို့။ အဲဒါ စွမ်းအားရှင်တွေ ရောက်လာတယ်။ ၄ ယောက်လောက်တော့ ပါသွားတယ်။ ဦးထွန်းမြင့်၊ ဘုန်းဘုန်းတပါးရယ်၊ နောက် ၂ ယောက်ရယ်” ဟု အဖွဲ့ချုပ် ပြောခွင့်ရသူ ဦးဉာဏ်ဝင်းက ပြောသည်။
အဖွဲ့ချုပ် လူငယ်တဦးက “လုံခြုံရေး ချထားတယ်။ ဝင်ဖမ်းမှာ စိုးလို့။ ဝင်ဖမ်းတာဗျ။ စွမ်းအားရှင်ကားတွေနဲ့ ရုံးအရှေ့မှာ ရပ်လိုက်ပြီးတော့ ဝင်ဖမ်းတယ်။ အခု အရင်နေတဲ့ ရွှေတိဂုံဘုရားဘက်ကို သွားတဲ့ကွေ့မှာ ပြန်ရပ်နေတယ်။ ထောက်လှမ်းရေးတွေလည်း သူ့နေရာမှ ပြန်နေနေ ကြတယ်” ဟု ပြောသည်။
ရုံးအနီးတွင် လက်နက်ကိုင် လုံထိန်းတပ်သား၊ ရဲနှင့် ကြံ့ဖွံ့ စုစုပေါင်း ဦးရေ ၁ဝဝဝ ခန့် လုံခြုံရေး ချထားသည်။
“အားလုံးပေါင်း ၁ ထောင်လောက် ရှိတယ်။ ဒိုင်နာတွေနဲ့ဆို ၅-၇ ကားရှိတယ်။ ရဲကားတွေလည်း အများကြီး” ဟု အဖွဲ့ချုပ် လူငယ်က ပြောသည်။
ဦးဉာဏ်ဝင်းကလည်း “မနက်က ဆွမ်းလောင်းပါတယ်။ သံဃာတွေရော၊ မယ်သီလရှင်တွေရော ဆွမ်းလောင်းပါတယ်။ ရုံးပတ်ဝန်းကျင်မှာတော့ လုံခြုံရေး အကြီးအကျယ် ချထားပါတယ်။ လက်နက်ကိုင် လုံထိန်းကား ၄-၅-၆ စီး ရှိတယ်။ အရပ်ဝတ်နဲ့ လူတွေလည်း အများကြီး ချထား ပါတယ်” ဟု မဇ္ဈိမကို ပြောသည်။
နံနက်ပိုင်းတွင် သံဃာနှင့် သီလရှင် ၂ဝဝ ကျော်ကို ဆွမ်းကပ် လှူပြီးကတည်းက အာဏာပိုင်များနှင့် အန်အယ်ဒီ အဖွဲ့ဝင်များအကြား ထိပ်တိုက် တွေ့မှုများဖြစ်နေပြီး ယခု သတင်းပေးပို့ချိန်အထိ အဖွဲ့ရုံးကို ယာယီ ပိတ်ထားရသည်။
အဖွဲ့ချုပ် လူငယ်တဦးက “အခု ရုံးတွေပိတ်ထားရတယ်။ ခဏ။ ဆွမ်းကျွေးဖို့ ရှိတယ်။ ဘုန်းဘုန်းတွေကို အင်္ဂါနေ့တိုင်း ဆွမ်းလောင်းတာတွေ ဘာတွေ လုပ်ပြီးသွားပြီ။ ဆွမ်းကျွေးမလို့၊ မကျွေးရသေးဘူး” ဟု မဇ္ဈိမကို ပြောသည်။
မဇ္ဈိမက နောက်ဆုံး ဆက်သွယ်သည့် မြန်မာစံတော်ချိန် ၁၂ နာရီခွဲအထိ အာဏာပိုင်များနှင့် အန်အယ်ဒီ လူကြီးများ အကြားတွင် ညှိနှိုင်းနေဆဲ ဖြစ်သည်။
မွေးနေ့ အထိမ်းအမှတ်အဖြစ် ၁ဝ နာရီခွဲ - ၁၁ နာရီခန့်တွင် သံဃာ ၅ ပါးကို နေ့ဆွမ်းကပ်ရန် ဖိတ်ကြားထားသော်လည်း အာဏာပိုင်များက တားမြစ်သဖြင့် မကြွရောက်နိုင်ဟု ဦးဉာဏ်ဝင်းက ပြောသည်။
Tuesday, June 17, 2008
လူထုခေါ်င်းဆောင်ဒေါ်အောင်ဆန်းစုကြည်၏ ၆၃ နှစ် မွေးနေ့ အထိမ်းအမှတ်
အနှိုင်းမဲ မေတ္တာရှင်
စီစဉ်သူ မျိုးမြင့်အောင်
တေးရေး ထက်အောင်ရှိုင်း
တေးဆို ထက်အောင်ရှိုင်း၊ စက္က၊ ဒေါ်နွယ်နွယ်အောင်
ထုတ်လုပ်သူ NLD(LA) Malaysia
ဗွီဒီယို မှတ်တမ်းအချို့ကို အင်တာနက်မှ ကူယူဖော်ပြပါသည်။
အနှိုင်းမဲ့ မေတ္တာရှင်
မြင့်မြတ်သော နှလုံးသားပိုင်ရှင်တို့သည် သတ္တ၀ါ အပေါင်းတို့ အပေါ်၌ သနားကြင်နာတတ်သော ပိတီကို ခံစားကြကုန်၏။
(လာ…..လာလာလာလား…… လာလာလာ…..လာ လာလာလာ)၂
( အမေ…. ချွေးနဲ့လေ သားတို့အရေး ပြန်မြင် လို့တွေး
အမေ…. မေားပန်ပစေတော့ ညှိးနွမ်းပစေပေါ့ လှိုင်တံပိုးတွေ ကားဆီးပေး
အမေ….
အမေ့မျက်ရည် (အေးချမ်းတဲ့) မိုးစက်တွေ ပြည်သူတွေ မျှဝေ
အမေ… အမေ့ရုပ်ရည်လည်း အရိုအရေပဲ အော် ဒုက္ခတွေ
အမေ…. သွေးစက်တွေ ခမ်းသွားပါစေ သားတို့ ဘ၀ရှင်သန်ဖို့လေ
အမေ့ရဲ့ဘ၀ဟာ နေ့နဲ့ည ပြောင်းလဲရင် အိုဟောင်းခဲ့ရ မညိုးနွမ်းခဲ့ပါ အမေ့စိတ်က
ဖြူစင်မြင့်မြတ်လွန်းတယ်
အနိုင်းမဲ့မေတ္တာ ပေးစွမ်းသမျှ ခရောင်းတော အတွင်းသာ ဖြတ်ခဲ့ရ ဒုက္ခတရားတွေ ဘ၀ထက်မက လောဘသမားတွေ ထိုးနှက်ကြ စည်းလုံးကြပါသွေးချင်းများ ကူညီရိုင်းပင်းကြပါပြောတဲ့စကား ရင်မှာ အမြဲတမ်းမေ့လို့မရ ဘ၀ရဲ့ခဏတာ ဆုံတွေကြ
ဆုံးရှုံးခဲ့တာ ဒီထက်မက စွန့်လွတ်ခဲ့တာ အမိနဲ့ အဖ ငါတို့တိုင်းပြည်တိုးတက်မှ ကမ္ဘာမှာ ထင်မှာ ဗ်မာတို့အလှ )၂
အမေ…. ချွေးနဲ့လေ သားတို့အရေး ပြန်မြင် လို့တွေး
အမေ…. မေားပန်ပစေတော့ ညှိးနွမ်းပစေပေါ့ လှိုင်တံပိုးတွေ ကားဆီးပေး
အမေ….
အမေ့မျက်ရည် (အေးချမ်းတဲ့) မိုးစက်တွေ ပြည်သူတွေ မျှဝေ
အမေ… အမေ့ရုပ်ရည်လည်း အရိုအရေပဲ အော် ဒုက္ခတွေ
အမေ…. သွေးစက်တွေ ခမ်းသွားပါစေ သားတို့ ဘ၀ရှင်သန်ဖို့လေ
(လာ…..လာလာလာလား…… လာလာလာ…..လာ လာလာလာ)၂
မိမိတို့နှင့် ခင်မင်ရာ နီစပ်ရာ ဘလော့များလို့ ပေးပို့ပြီး၊ ကိုယ်ပိုင်ဘလော့များရှိသူတိုင်း တင်ပေးစေချင်ပါသည်
လေးစားစွာဖြင့်
မျိုးမြင့်အောင်
Monday, June 16, 2008
Sunday, June 15, 2008
မြန်မာနိုင်ငံ အောက်ပိုင်းဒေသများသို့ နောက်လာမည့် နာရီအနည်းငယ်အတွင်း ဆိုက်ကလုန်း မုန်တိုင်းတစ်လုံး ၀င်ရောက်မည်ဟု သတင်းရရှိ
မြန်မာ့ရေးရာ သတင်းပဒေသာ (၁၅-၆-၀၈)
သတင်း - MHT
မိုးလေ၀သ တိုင်းထွာချက်များအရ ဘင်္ဂလားပင်လယ်အော်တွင် လေဖိအားနည်းရပ်ဝန်းတစ်ခု ဖြစ်ပေါ်လျက်ရှိ ပြီး အလွန်အားကောင်းလျက်ရှိကာ ယနေ့နံနက်ပိုင်းမှ စတင်၍ နောက် (၇၄) နာရီအတွင်း ကုန်းတွင်းပိုင်းကို ဖြတ်ကျော် ၀င်ရောက်နိုင်ကြောင်း သတင်းရရှိသည်။ ထိုသို့ တိုက်ခက်ရာတွင် ရေပြင် မြေပြင်လေသည် တစ်နာရီလျှင် (၄၅)မိုင်မှ မိုင်(၅၀)အထိ တိုက်ခတ်နိုင်ကြောင်း ဖော်ပြထားပြီး အဆိုပါသတင်းကို MRTV4 ရုပ်မြင်သံကြားလိုင်းမှ စဉ်ဆက်မပြတ် ထုတ်လွှင့်ပေးလျက်ရှိကြောင်း သိရသည်။
မုန်တိုင်းသတင်းနှင့် ပတ်သက်ပြီး လွန်ခဲ့သည့် တစ်လကျော်က နာဂစ်ဆိုင်ကလုန်း မုန်တိုင်းဒဏ်ကို ပြင်းထန် စွာ ခံစားခဲ့ရသည့် ဧရာဝတီတိုင်းအတွင်းရှိ နယ်ခံအချို့အား ဆက်သွယ်မေးမြန်းကြည့်ရာ အစိုးရအာဏာပိုင် အဖွဲ့အစည်းများမှ ယခုထပ်မံဖြစ်ပေါ်လာမည့် မုန်တိုင်းသတင်းနှင့် ပတ်သက်ပြီး မည့်သည့်သတင်းကြေညာ ချက်မှ ထုတ်ပြန်သည်ကို မသိရှိရသေးကြောင်း ပြောကြားကြသည်။ ထိုအပြင် ပင်လယ်ဝနှင့် ကျေးရွာများနေ ပြည်သူအချို့ကမူ ပြောင်းလဲလာသော ရာသီဥတုကို ထောက်ရှုပြီး မုန်တိုင်းကြီး ထပ်မံကျရောက်လာမည့် အရိပ်အယောင်များကို အတွေ့အကြုံများအရ သိရှိနေကြသဖြင့် နီးစပ်ရာမြို့များသို့ အလျင်အမြန်သွားရောက် နေကြကြောင်း သတင်းရရှိသည်။
အစိုးရအာဏာပိုင် အဖွဲ့အစည်းများအနေနှင့် မုန်တိုင်းသတင်းနှင့် ပတ်သက်ပြီး မုန်တိုင်းဒဏ် ခံစားခဲ့ရသည့် ဧရာဝတီတိုင်း အတွင်းသို့ တိကျသေခြာသော သတင်းများ ထုတ်လွှင့်ပေးသင့်သလို အချိန်နှင့် တပြေးညီ မုန်တိုင်းလွတ်ကင်းရာ နေရာများသို့ ပြောင်းရွှေ့ပေးသင့်ကြောင်း ရန်ကုန်မြို့ရှိ ၀ါရင်စာနယ်ဇင်းတစ်ဦးမှ ပြောကြားသည်။
အစိုးရမီဒီယာများ၏ သတင်းထုတ်ပြန်ချက်များနှင့် ပတ်သက်ပြီး အဆိုပါပုဂ္ဂိုလ်မှ ပြောကြားရာတွင် "သူတို့က လျှော့ပေါ့ပြီးတော့ ကြေညာတာလည်း ဖြစ်နိုင်တယ်။ နာဂစ်တုန်းကလည်း ဒီလိုပဲ ကြေညာခဲ့တာပဲ။ ဒါပေမယ့် တကယ့်လက်တွေ့မှာတော့ သူတို့ ကြေညာခဲ့တာ ပြောင်းပြန်ပဲဗျ။ အခုဝင်မယ်ဆိုတဲ့ မုန်တိုင်းဟာလည်း သူတို့ကြေညာထားတာထက် အဆမတန်ကြီး များနိုင်တယ်။ ပျက်စီးဆုံးရှုံးနိုင်တယ်" ဟုဆိုသည်။
မုန်တိုင်းသတင်းနှင့် ပတ်သက်ပြီး ယနေကြားသိရသော သတင်းများမှာ လပွတ္တာမြို့နယ်အတွင်းရှိ ပင်လယ်ဝ၌ တည်ရှိသော လှိုင်းဖုံးကျေးရွာအုပ်စုအတွင်းမှ ကျေးရွာအချို့ ယခုဖြစ်ပေါ်လာသော မုန်တိုင်းကြောင့် ပျက်စီး သွားပြီဖြစ်ကြောင်း သိရသည်။ ထိုကျေးရွာများမှာ မကြာခင်ကာလများကမှ လူနေတဲများ အသစ်ပြန်လည် တည်ဆောက်ထားခဲ့ကြခြင်းဖြစ်ပြီး ယခုတစ်ကြိမ်တွင်လည်း ထပ်မံပျက်စီးသွားခဲ့ပြီဟု ကြားသိရသည်။ ထိုလေ ဘေးသင့် ပြည်သူများအနေဖြင့် မိမိတို့၏ ရပ်ရွာများတွင် မနေထိုင်ရဲကြတော့ဘဲ လပွတ္တာမြို့သို့ ထွက်ပြေးတိမ်း ရှောင် လာနေကြပြီဖြစ်ကြောင်း သတင်းရရှိသည်။
နေပြည်တော် သတင်း
ဇွန် ၁၅ ( နေပြည်တော်)ငသန်းရွှေ က ဗိုလ်ချုပ်ကြီးမောင်အေးကိုလက်ဦးမှုယူပြီးဖမ်းဆီးလို်က်တယ်ဆိုတဲ့သတင်း က ဒီနေ့ မနက်မှာ နေပြည်တော်တွင်ထွက်ပေါ်လျက်ရှိပါတယ်။ဒီသတင်းကို ဆက်လည်အတည်ပြုနိင်ဖို့ အတွက် မိမိတို့ ကွန်ယက်များမှ ထပ်မံစုံစမ်းစေလိုပါတယ်။ နဂျစ်မုန်တိုင်းကြောင့်ဒုက္ခရောက်ပြည်သူများကို ကယ်တင်ရေးနှင့်ပတ်သက်ပြီး စစ်တပ်ထိပ်ပိုင်းခေါင်းဆောင်များအတွင်းသဘောထားကွဲလွဲမှုများရှိနေခြင်း။ ဗိုလ်ချုပ်ကြီးရဲမြင့်သားနှင့်အပေါင်းပါများကိုမှုးယစ်ဆေးဝါးမှု နှင့် ဖမ်းဆီးခဲ့ခြင်းများဟာစစ်တပ်ထိပ်ပိုင်းခေါင်းဆောင်များအတွင်းအကွဲပြဲများကို ပုံသဏ္ဍန်တမျိုးနှင့်ဖေါ်ပြနေခြင်းဖြစ်တယ်လို့  နေပြည်တော်သတင်းရပ်ကွက်သုံးသပ်လျက်ရှိပါတယ်။
Saturday, June 14, 2008
ရန်ကုန်တိုင်းမှူးအမိန့်အရ သာသနာ့သိပ္ပံကျောင်းကို ချိပ်ပိတ်
မဇ္ဈိမသတင်းဌာန
စနေနေ့၊ ဇွန်လ 14 2008 16:51 - မြန်မာစံတော်ချိန်
နယူးဒေလီ။ ။ ဒီမိုကရေစီ လိုလားသူ အတိုက်အခံများ ကိုးကွယ်ရာ ဘုန်းကြီးကျောင်းတခုဖြစ်သော ရန်ကုန်မြို့ ခြောက်ထပ်ကြီး ဘုရားဝင်းအတွင်းရှိ သာသနာ့ သိပ္ပံကျောင်းကို ယမန်နေ့က အာဏာပိုင်များက ချိပ်ပိတ်လိုက်သည်။
ရန်ကုန်တိုင်း စစ်တိုင်းမှူး ဗိုလ်မှူးချုပ်လှဌေးဝင်း အမိန့်အရဆိုကာ မြို့နယ် အေးချမ်းသာယာရေး ကော်မတီ ဥက္ကဌအပါအ၀င် လုံခြုံရေး တပ်ဖွဲ့ဝင်များက သောကြာနေ့ နံနက် ၁၁ နာရီခန့်က ကျောင်းတိုက်သို့ ရောက်ရှိလာပြီး လစ်လပ်နေသော ကျောင်းထိုင် ဆရာတော်နေရာတွင် တရားဝင် ခန့်အပ်မှု မပြီးမချင်း ခေတ္တ ပိတ်ထားမှာ ဖြစ်သည်ဟု ပြောကာ ကျောင်းတိုက်ပေါ်တွင် သီတင်းသုံး နေထိုင်တော်မူနေသော သံဃာတော်များကို ဖယ်ရှားကြပါရန် ပြောကြားခဲ့သည်။်
"မနေ့က မနက် ၁၁ နာရီလောက်မှာ ဆိုင်ကယ်တွေနဲ့ ရောက်လာတယ် မ.ယ.က ပါတယ် ရ.ယ.က တွေလဲပါတယ် အရပ်ဝတ်တွေနဲ့ ထောက်လှမ်းရေးတွေကော ကြံဖွံ့တွေ၊ စွမ်းအားရှင်တွေကော ၂၀ လောက်ရှိတယ်၊ ညနေ (၅)နာရီမှာ ဘုန်းကြီးကျောင်းကို သူတို့မှာ ပါလာတဲ့ သော့နဲ့ခတ်ပြီး ချိပ်ပါပိတ်သွားတယ်" ဟု ကျောင်းတိုက်တွင် ၀ါဆို သီတင်းသုံးနေထိုင်ခဲ့သူ ရဟန်းတော်တပါးက မဇ္ဈိမ သို့ ပြောကြားသည်။
ယခုအခါ ဝါဆို သံဃာတော်သုံးပါးမှာ ခြောက်ထပ်ကြီး ဘုရားဝန်းအတွင်းရှိ အခြားသော ကျောင်းတိုက်နှစ်ခုသို့ ရွှေ့ပြောင်း သီတင်းသုံးနေသည်။
ကျောင်းထိုင်ဆရာတော် ရွေးချယ်မှုမှာ အကြောင်းပြချက် သက်သက်သာ ဖြစ်ပြီး ပြန်လည် ဖွင့်ပေးလိမ့်မည် မထင်ကြောင်း ရဟန်းတော်များက လက်ခံထားကြသည်။
ဒီမိုကရေစီ လိုလားသူများ၏ ကိုးကွယ်လှူတန်းခြင်းကို စစ်အစိုးရငြိုငြင်မှာ မကြောက်မရွံ့ဘဲ လက်ခံလေ့ရှိသူ သာသနာ့သိပ္ပံ ကျောင်းထိုင် ဆရာတော်ကြီး၏ ဈာပနပွဲကို ဇွန်လ(၇) ရက်နေ့က ကျင်းပခဲ့ရာ ရန်ကုန်ရှိ အတိုက်အခံ အင်အားစုများမှ လိုက်ပါ ပို့ဆောင်ခဲ့ကြသည်။
ဈာပနပွဲကို အာဏာပိုင်များကလည်း အနီးကပ် စောင့်ကြည့်နေခဲ့ပြီး လိုအပ်လျှင် ဖြိုခွင်းခြင်းပြုရန် စွမ်းအားရှင်နှင့် ကြံ့ခိုင်ဖွံ့ဖြိုးရေးများကိုပါ အဆင်သင့် ခေါ်ယူထားခဲ့သည်။
၂၀၀၇ခုနှစ် သြဂုတ်နှင့် စက်တင်ဘာလက ဖြစ်ပွားခဲ့သော သံဃာတော်များ ဦးဆောင်သည့်"ရွှေဝါရောင် တော်လှန်ရေး" တွင် ဘုန်းကြီးကျောင်း များကို စစ်အစိုးရက ၀င်ရောက် စီးနင်းခံခဲ့ရပြီး ကျောင်းတိုက်အချို့မှာ ချိပ်ပိတ်ခံခဲ့ရသည်။
ခြောက်ထပ်ကြီး ဘုရားဝင်းအတွင်းရှိ သာသနာ့သိပ္ပံနှင့် သာသာနာ့ဂုဏ်ရည် ကျောင်းများမှာလည်း လုံခြုံရေး တပ်ဖွဲ့များ၏ ၀င်ရောက်စီးနင်း ရှာဖွေခြင်းခံခဲ့ရသည်။ သာသနာ့ ဂုဏ်ရည်ကျောင်းကို ချိပ်ပိတ်ထားခဲ့ရာ နာဂစ် မုန်တိုင်းကြောင့်လည်း ကျောင်းတိုက်ပျက်စီးမှုများ ရှိသည်။
မြန်မာသင်ပုန်းကြီးဖတ်စာအသစ်။
တစ်၊နှစ် ကိုနာဂစ်
သုံးလေး လွတ်အောင်ပြေး
ငါး၊ခြောက် ရေထဲရောက်
ခုနှစ်၊ရှစ် မသာဖြစ်
ကိုး၊ တစ်ဆယ် ၀ဋ်ကျွတ်တယ်။်
ဘယ်ကလာသလည်း။
ဘယ်နယ်ကလည်း။
အလယ်ကလူ
အသားဖြူဧ။်။
ခင်ဗျားအလှူ
တစ်ပြားမရှုရ။
အစားအစာ၊၀ါးစားပါ
အသားပါသလား။
ငါးပါသလား။
ဘီစကစ်ပါသလား။
ဘာပဲပါပါထားခဲ့ပါ။
ဟိုဘက်ကမ်းက ဗိုက်ပိန်ပိန်
ဒီဘက်ကပ်းက ဗိုက်ပိန်ပိန်၊
အမိုးအကာမဲ့နေတဲ့
မနှင်းတို့ အိမ်။
ဖိုးရွှေကြီး ဖိုးရွှေကြီး
အလွန်ယုတ်တဲ့ ဖိုးရွှေကြီး
ဖိုးရွှေကြီးက မိုက်တိုင်ထူ
ခွေးအကြီးနဲ.တူ
တူပါသကွဲ.မယုံငြား
ဒီမှာကြည့်ပါလား။
တနင်္ဂနွေ၊ တနင်းလာ
ဗိုက်မှောက်မျှော်နေတာ
အင်္ဂါ၊ ဗုဒ္ဓဟူး
ရောက်လုတစ်ဦးဦး
ကြာသပတေး၊ သောကြာ
တစ်ယောက်မှ ပေါ်မလာ
စနေမှာသေချာသွား ဘယ်သူမှမလာအား။
မုန်တိုင်းကို စက္ကူကပ်
အကြံပက်စက် တို.အပေါ်တင်
ပလ္လင်ပေါ်က မျောက်မူး
ဆင်းမလာတော့ဘူး
အာဏာရူး၊
အာဏာရူးကိုခွေးတွေယက်
မှောင်မိုက်မှာအူ၊
အူသူတွေ အစာလုကြ
ငါတို့ ကိုဆွဲ တွဲလဲ
တွဲလဲရယ် ငိုတိုင်း
မိုးတောင်ကမှိုင်း
မုန်တိုင်း။
အလောင်းလေးများဖွေးလို.စီ
မြစ်ညုာရိုးတလျှောက်ဆီ၊
ရေပေါ်မှာ ဗိုက်ကြီးဖောင်း
ငါတို့ ပူစီဖေါင်း။
ဘဘ၀၀ ထလို.က
ဘဘနှိင်ပြီဗျ
ကပါကပါ ဘဘရာ
ဘဘခေတ်လေဗျာ
မဲလိမ်တွေကို အမှန်ပြ
ဘဘအကြံပိုင်သဗျ။
သူများတွေ မသာဖြစ်တာ
ဘဘနဲ. မဆိုင်ပါ၊
မုန်တိုင်းတွေ ဘယ်လောက်သည်းသည်း
ဘဘနှိင်ဖို.ဘဲ။
ဘဘ၀၀ စိတ်ဓါတ်ကျ
အနောက်က pressure ရ
သူများအကူ မယူခဲ့တာ
ဘဘစေတနာ
မလုပ်ပေးတာ တစ်ခုကလွဲ
ဘဘသတ္တိခဲ။
နိင်ငံခြားငွေမြင်သောခါ
ဘဘစိတ်ပြောင်းလာ
အားရပါးရလာလှူကွဲ.
ဘဘအိတ်ထဲထည့်။
ဘဘ၀၀ ထပ်လို.က
ဘဘခိုင်ပြီဗျ
လုပါယက်ပါ ဘဘရာ
ဘဘခေတ်လေဗျာ
မြစ်ပြင်မှာတော့ အညှီတွေထ
ပုပ်ပုပ်ပွပွ အနံ.အသက်ရ
ဘဘကတော့ ဆက်လို.က
ဘဘဘယ်တော့မှ ကလို.မ၀။
(ပေးပို့ လာသူ silence ထံမှ တစ်ဆင့်ရရှိပါသည်)။
Thursday, June 12, 2008
ပါးစပ်သနတယ်(၂)
တစ်နေ့က လင်းလက်ကြယ်စင်ရဲ့ ဘလော့ကို သွားလည်ကြည့်တော့ သူရေးထားတဲ့ ဆောင်း ပါး သို့မဟုတ် ပေးစာလေးကို တွေ့ရတယ်။ စာအရေးအသားကောင်းသလို သဘာဝကျစွာ ရေးထား တာတွေ့ရတယ်။ န.အ.ဖ ဘာလုပ်လုပ် ကိုယ်ပိုင်စဉ်းစားဥာဏ်မပါဘဲ “ကောင်းတယ်၊ ကောင်း တယ်”လို့ အော်ပေးနေတဲ့ နလပိန်းတုံးဘလော့တွေကို အချိန်ကုန်ခံပြီး ဖတ်လေ့မရှိပါဘူး။ ဒါပေမယ့် ဘာကြောင့်များ လင်းလက် ဒီလောက်ရေးထားတာပါလိမ့်ဆိုပြီး သိချင်တာကြောင့် ၀င်ကြည့် ဖြစ်ပါတယ်။ တစ်ခါမှလဲ ယုတ္တိရှိတဲ့ အကျိုးရှိတဲ့ စာကို မတွေ့ဖူးပါဘူး။ ဗုဒ္ဓဘာသာ၊ ဗုဒ္ဓဘာသာဆိုပြီး ဗုဒ္ဓဘာသာဝင်နဲ့တူတဲ့ စကားမျိုးကို ဘယ်တုန်းကမှ မပြောတဲ့သူတွေလို့ ကျွန်တော်က ယူဆထား တာပါ။ ခုပဲ ကြည့်….။ ရေးထားလိုက်တာက တော်တော်အောက် တန်းကျတယ်။ ဒါနဲ့တောင် သူက “တကယ်ကို အောက်တန်းကျတယ်..တကယ်ကို မိုက်ရိုင်းလွန်းတယ်…….မင်းတို့မို့လို့ အရှက်မရှိ ရေးတယ်…”လို့ဆို ထားသေးတယ်။
“မင်းတို့တွေ ကိုယ့်ကိုကိုယ် ဘာကောင်တွေများ မှတ်နေကြလဲ”တဲ့။ စာဖတ်သူများ စဉ်းစား ကြည့်ကြစေချင်ပါတယ်။ အဲဒီလို စကားမျိုးပြောတဲ့သူများကို မြင်ယောင်ကြည့်ကြစေလိုပါတယ်။ ဘယ်လိုစရိုက်မျိုးရှိမယ်ဆိုတာ ရှင်းနေပါတယ်။ အဲဒီလို ပြောနေသူရဲ့ စိတ်ထားဟာ ဘယ်လိုရှိမလဲ ဆိုတာ ပြောစရာတောင် မလိုပါဘူး။ “ကျွန်ခံ”ဆိုတဲ့စကားနဲ့ပတ်သက်တာကတော့ ညီမလေးလင်း လက်ရဲ့ဘလော့မှာ သွားကြည့်ဖို့ ပြောလိုက်ပါတယ်။ အကျယ်ထပ်ပြီး မပြောတော့ပါဘူး။ အဆင့် အတန်းဆိုတဲ့စကားကို ပြောချင်၊ သုံးချင်ရင် ကိုယ်ကိုယ်တိုင် အဆင့်အတန်းရှိအောင် အရင်လုပ်သင့် ပါတယ်။ အဆင့်အတန်းရှိရှိ ရေးသားဖို့ သူများကိုပြောချင်ရင် ကိုယ်ကိုယ်တိုင် အဆင့်အတန်းရှိတဲ့ စာမျိုးကို ရေးတတ်အောင် အရင်ကျင့်ပါအုံး။
စစ်သားဆိုပြီး အမိန့်သံတွေ၊ အာဏာသံတွေနဲ့ ပြောနေကျပြီဆိုရင်တော့လဲ မတတ်နိုင်ဘူးလို့ပဲ ပြောပါရစေ။ “မင်းတို့ဒီမိုဆိုတဲ့ကောင်တွေမှာ စဉ်းစားတတ်တဲ့ဦးနှောက်တွေ မရှိတော့ဘူး.. မင်းတို့ ပြည်တွင်းကို ပြန်မလာနဲ့တော့”တဲ့။ ကိုယ့်စကားက ဘယ်ရောက်သွားပြီလဲ၊ ကိုယ့်လေသံက လူ့ လေသံဟုတ်ရဲ့လားဆိုတာလဲ နည်းနည်းလောက်တော့ စဉ်းစားကြည့်သင့်ပါတယ်။ “တကယ်ပဲဗျာ.. အသုံးကို မကျလိုက်တဲ့သူတွေ.. သိပ်စိတ်ပျက်ဖို့ကောင်းတယ်”တဲ့။ သူက အဆင့်အတန်းရှိစေချင်လို့ ပြောတာဆိုပဲ။ စဉ်းစားကြည့်ကြဖို့ ဖြစ်ပါတယ်။
“ငါတို့လဲ ပြည်ပကိုရောက်နေသူတွေပါပဲ.. ဒါပေမယ့် ရည်ရွယ်ချက်တွေက အကွာကြီး”တဲ့။ မေးကြည့်ချင်ပါတယ်။ ဘာရည်ရွယ်ချက်တွေလဲလို့။ တိုင်းပြည်က စစ်တပ်ကို ဘယ်လို သဘောထား သလဲ ဆိုတာတောင် သိအောင် မစုံးစမ်းနိုင်ရင် ဒါမှမဟုတ် သိသိကြီးနဲ့ ဇွတ်လုပ်နေရင် အဲလိုလူမျိုး တွေက နိုင်ငံကို ဘယ်လိုသွားပြီး ဦးဆောင်ကြမလဲ။ ကိုယ်မကောင်းတိုင်း ပြည်သူတွေကို ဆွဲဆွဲ မထည့်သင့်ပါဘူး။ စစ်တပ် အောက်ခြေအများစုကတောင် စစ်တပ်ကို မကြည်ညိုတာ၊ ပြည်သူက ဘယ်လိုလုပ် ကြည်ညိုနိုင်ကြမလဲ။ စဉ်းစားကြည့်စေလိုပါတယ်။ ဒါကိုလဲ တိုင်းပြည်က စစ်တပ်ကို မကြည်ညိုတာ နိုင်ငံခြားမီဒီယာတွေရဲ့ သတင်းမှားတွေ လှုံ့ဆော်မှုတွေကြောင့်လို့ ထင်နေကြတယ်။
“မြန်မာ့အလင်း၊ ကြေးမှုံဆိုရင် ပြောင်းပြန် ယူရတယ်”ဆိုတဲ့စကားက နေရင်းထိုင်ရင်း ထွက် လာတာ မဟုတ်ဘူး။ အမြဲတမ်း ညာပြီး၊ ဖြီးပြီး ရေးထားတာတွေဆိုတာ ပြည်သူတွေ အကုန်လုံးက သိတယ်။ “ဒါတွေ ဘာလို့ ဖတ်နေတာလဲလို့ မေးရင် ဒီကောင်တွေ ဘာရေးထားလဲဆိုတာ သိရ အောင်လို့”။ အဲဒီလို ပြောကြတာတွေ့ရမယ်။ နည်းနည်းလေးဖြစ်ဖြစ် အမှန်တရားနဲ့ ကပ်ပြီး စဉ်းစား ကြစေချင်ပါတယ်။ ဘယ်နေရာမှာ မီးလောင်ပြီဟေ့ဆိုရင် ပျက်စီးတာ အိမ်ခြေတစ်ရာဆိုရင် မြန်မာ့ အလင်း၊ ကြေးမှုံသွားကြည့်။ ဆယ်အိမ်လောက်ပဲ ရေးထားတာတွေ့ရမယ်။ ဒါက ဥပမာအနေနဲ့ ပြောတာ။ ဒီထက်လိမ်ညာနေတဲ့ကိစ္စတွေက အများကြီး။
“သေနေတာတွေ အများကြီးကို ပြုံးပျော်ပြီး ကြည့်နေရအောင် ရူးနေလို့လား”တဲ့။ အဲဒီစကား ကို နည်းနည်းပြောမယ်။ ဟုတ်တယ်။ န.အ.ဖ ခေါင်းဆောင်ဆိုသူတွေဟာ ရူးနေကြတာ။ အာဏာရူး, ရူးနေကြတာ လူတိုင်းသိတယ်။ အကူအညီပေးဖို့ကိစ္စကို သူတို့ခေါင်းထဲကို အရင်ဆုံးမထည့်နိုင်ကြဘူး။ “ငါတို့ နိုင်ငံခြားအကူအညီများ လက်ခံလိုက်ရင် ငါတို့အာဏာများ ဆုံးရှုံးသွားမလား”။ ဒါကိုပဲ သူတို့ အရင်ဆုံး စဉ်းစားတာ ထင်ရှားနေတယ်။ ပြည်သူတွေ ဘာပဲဖြစ်နေဖြစ်နေ ဗိုလ်ချုပ်ဆိုသူတွေဟာ သူတို့အာဏာ လက်မလွှတ်ရရေးကိုပဲ ရှေ့တန်းတင်တတ်ကြတယ်ဆိုတာ လူတိုင်းသိနေကြတာပဲ။ အဲဒီအာဏာကို လက်ဆင့်ကမ်းဖို့ စိတ်ကူးရှိသူတွေ၊ ကြိုးစားနေသူတွေ၊ အာဏာနဲ့လုပ်စားဖို့ ရည်ရွယ် နေသူတွေကတော့ ဗိုလ်ချုပ်ဆိုသူတွေ လုပ်သမျှ နောက်ကနေ ထီးတော်မိုး လိုက်လုပ်နေအုံးမှာ ပေါ့လေ။
“မင်းတို့စိတ်ထဲကစေတနာပြည့်ရင်၊ ဘယ်လိုလှုလှု၊ ဘယ်သူ့နာမည်တပ်တပ် မင်းတို့ဘာ ပြောစရာလိုလဲ”၊ “ခင်ဗျားတို့ပါးစပ်တွေကတော့ ခင်ဗျားတို့စေတနာတွေကို ဖျက်ဆီးနေကြတယ် ဆိုတာကို သတိထားစေချင်တယ်”။ မှန်ပါတယ်။ နာမည်တပ်တာက အရေးမကြီးပါဘူး။ စေတနာက အဓိကပါပဲ။ ဒါပေမယ့် နည်းနည်းလေး စဉ်းစားကြည့်ဖို့ ဖြစ်ပါတယ်။ လူဆိုတာ မတရားတာတွေ့ရင် လက်ပိုက်ကြည့်နေတတ်တာ မဟုတ်ဘူး။ အလှူလုပ်ဖူးတဲ့သူတိုင်း သိပါတယ်။ ခုပဲ ကိုယ်လှူထားတဲ့ ဘုရားကို အခြားသူတစ်ယောက်က “ဒါ ကျုပ်လှူထားတာ”ဆိုပြီး ကမ္ဗည်းလာထိုးရင် အဲဒီအလှူရှင် ဘာပြောမလဲ။ အလှူအတန်းလေးဘာလေး လုပ်ဖူးရင် နားလည်ပါလိမ့်မယ်။
အားလုံးကလဲ သူတော်စဉ်တွေ မဟုတ်ဘူး။ အလှူရှင်မှန်းသိအောင် မဏ္ဍပ်တက်ပြချင်ကြ တာပဲ။ ဗိုလ်ချုပ်ဆိုသူတွေတောင် အလှူပစ္စည်းပုံတွေပေါ်မှာ သူတို့နာမည်ကြီးကို ထင်းနေအောင် ရေးထားလို့။ အဲဒါကို အပြစ်ပြောတာ မဟုတ်ဘူး။ လူ့သဘောကို နားလည်ထားကြဖို့ ပြောတာ။ ဘယ် သူမဆို အလှူလုပ်တာ ကိုယ့်သဘောလေးနဲ့ကို လုပ်ချင်ကြတာပဲ။ ဦးနှောက်လေးနဲ့တွေး၊ ဦးနှောက် လေးနဲ့စဉ်းစားပြီးမှ ဦးနှောက်လေးနဲ့ ရေးကြဖို့ လိုပါတယ်။ စာရေးတာကလဲ ငါးစိမ်းသည်မ ရန်တွေ့ သလိုမျိုးဆိုရင်တော့ “အဲလို စာရေးသူရှိတာ တိုင်းပြည်နာတယ်”လို့ ဆိုပါရစေ။
“စားစရာတွေကိုင်ပြိးဝင်သွား..သေချာတယ် ၀ိုင်းအုံလုမှာပဲ. ခင်ဗျားတို့ အ၀တ်အစားတွေ သွားဝေအုံး…၀ိုင်းအုံလုယက်မှာပေါ့”တဲ့။ ကိုယ်လိုရာဆွဲပြီး ကလေးလိုတွေးပြီး ကလေးလိုရေးထား တယ်။ ကလေးတွေရှေ့မှာတော့ မပြောရဲပါဘူး။ ကလေးသိက္ခာကျတယ်လို့ ဆိုနေအုံးမယ်။ သွားလှူ တဲ့သူတွေက ဦးနှောက်မရှိတဲ့သူတွေကျနေတာပဲ။ သူတို့လဲ သူတို့စဉ်းစားညာဏ်နဲ့ သူတို့ရှိတယ် ဆိုတာ တွေးမိပုံမပေါ်ဘူး။ အလှူ့ရှင် အဖွဲ့အစည်းတွေမှာလဲ သူ့စနစ်နဲ့သူ စဉ်းစားပြီးသားဖြစ်မှာပေါ့။ ဒုက္ခသည် အများကြီးရှိတဲ့နေရာကို အလှူမှာ ပိုက်ဆံကြဲသလို ဘယ်အလှူရှင်က လုပ်မှာလဲ။
“တပ်မတော်အစိုးရကလဲ လေဘေးဒဏ်ခံရသူတွေကို တပြေးညီထောက်ပံ့ကူညီနေတယ်”တဲ့။ အခြေအနေကို ပြန်လည်သုံးသပ်စေချင်တယ်။ ပြောစရာသက်သေတွေက အများကြီးပါ။ တစ်ခု လောက် ပြောပြမယ်။ “နိုင်ငံတကာအကူအညီမပြောနဲ့ နိုင်ငံတော်အကူအညီတောင် မရောက်သေး ဘူး”လို့ ဆရာတော်ဦးညာဏိဿရက အမိန့်ရှိပါတယ်။ ဆရာတော်ပြောပြတာ ပြန်လည်နားထောင် စေချင်ပါတယ်။ ပြောတဲ့ရက်ကလဲ မုန်တိုင်းဖြစ်ပြီးလို့ ၁၆-ရက်တောင် ရှိနေပြီ။ ရွာပေါင်းများစွာမှာ ဘာအထောက်အပံ့မှ မရသေးဘူးဆိုတာလဲ ပါတယ်။
လူ့ဦးနှောက်ကို အသုံးပြုပြီး စဉ်းစားစေလိုပါတယ်။ ဒီလောက်ရက်ပေါင်းကြာတဲ့ထိ ဘာအကူ အညီမှ မရဖြစ်နေတာကို လက်ပိုက်ကြည့်ပြီး“ဟာ…ဗိုလ်ချုပ်ကြီးတွေကတော့ မုန်တိုင်းကယ်ဆယ်ရေး အတွက် အတော်အလုပ် လုပ်တာပဲ၊ တာဝန်ကျေပါတယ်၊ ဒုက္ခသည်တွေအတွက် တော်တော်အပင် ပန်းခံပါတယ်”လို့ အော်ပေးနေရမှာလား။ ရေးပေးနေရမှာလား။ တကယ့်တကယ် လူ့ဦးနှောက်နဲ့ စဉ်းစားကြည့်ရင် မြင်ပါလိမ့်မယ်။ ဆရာတော်ကိုများ မဟုတ်မတရားသတင်းတွေ လျှောက်လွှင့် နေတယ်လို့ ဆိုနေအုံးမလား၊ မသိ။
“ဗုဒ္ဓဘာသာမြန်မာလူမျိုးစစ်သားတွေပါဗျာ..ခင်ဗျားတို့နိုင်ငံရေးမှာ ကိုယ်လိုရာဆွဲပြီး ဇွတ်အဆိုးမပို့ကြပါနဲ့”တဲ့။ ဗုဒ္ဓဘာသာဟာ မင်းတို့လက်ထက်ရောက်မှ သိက္ခာတွေကျနေရပြီဆိုတာ ပြောချင်တယ်။ ကိုယ်လိုရာဆွဲပြီး ဇွတ်ပို့တာ မဟုတ်ဘူး။ န.အ.ဖ ဟာ အဆိုးတွေထဲကို ကိုယ်ကိုယ် တိုင် ဇွတ်တိုးဝင်နေတာကို မင်းတို့ သဘောပေါက်စေချင်ပါတယ်။
“ဆန္ဒခံယူပွဲကြီးလဲ အောင်မြင်ခဲ့ပြီ………ဘာတွေပြောချင်ကြသေးသလဲ……….ဘာတွေ ပြော နိုင်ကြသေးသလဲ……….တဖြေးဖြေးတိုးတက်တာကို မြင်နေရတဲ့ပြည်သူ မထောက်ခံဘဲနေမလား”တဲ့။ အရှက်မရှိပြောရဲတယ်လို့ပဲ သာသာလေးပြောလိုက်ချင်တယ်။ တဖြေးဖြေးဆိုတာဘာလဲ၊ လူလိုတွေး ပြီး လူလို ကြည့်ပြီး ပြောစေချင်၊ ရေးစေချင်ပါတယ်။ ပက်ကျိလို တဖြေးဖြေးလား။ ပက်ကျိလို တဖြေး ဖြေးဆိုရင်တောင် မြန်မာနိုင်ငံဟာ တော်တော်တိုးတက်နေပါပြီ။ ခုတော့….။
မတိုးတက်ဘူးလို့ ပြောစရာသာဓကတွေက အများကြီး။ မြန်မာနိုင်ငံမတိုးတက်သေး ဘူးဆို တာ (လူတွေ) သိနေတဲ့ ကိစ္စမို့ ရေးကြီးခွင်ကျယ်ပြောမနေတော့ဘူး။ ကျန်တာမပြောနဲ့ ရန်ကုန်လိုမြို့ ကြီးမှာတောင် လျှပ်စစ်မီး ရတယ်လို့ ပြောနိုင်ရုံပဲရှိတာ။ နားလည်ကြစေချင်ပါတယ်။ ၀င်ဒါမီယာမှာနေ ပြီး စည်းစိမ်ယဇ်နေသူတွေကတော့ မြောက်ဥက္ကလာက မလောက်မငှ မီးရနေတယ်ဆိုတာကို ဘယ်သိ နိုင်မလဲ။ န.အ.ဖ မဲတွေ ကြိုတင်ယူပြီး ညစ်တာကို ထည့်မပြောရင်တော့ လူလို မတွေးတတ်သူပဲ၊ အဲလိုပဲ ဆိုလိုက်ချင်တော့တယ်။ တစ်ချို့ရွာတွေဆို မဲပုံးဆီတောင် မသွားလိုက်ကြရဘူး။ အဲဒါကို ထောက်ခံမဲတွေ အများကြီးဗျလို့ ဆိုနေရင်တော့ ဦးနှောက်က အတော်ပျက်စီးနေပြီလို့ ဆိုရမယ်။
လူဆိုတာ ကိုယ့်အမြင်ကို လွတ်လပ်စွာတင်ပြနိုင်ပါတယ်။ ရေးသားနိုင်ပါတယ်။ ဒါပေမယ့် လူလို တင်ပြတတ်ဖို့၊ လူလို ရေးတတ်ဖို့ လိုပါတယ်။ တပ်ထဲမှာ အမိန့်ပေးသလို စာဖတ်သူကို အမိန့်တွေပေး၊ အရာရှိက ဆူသလို၊ ငေါက်သလိုမျိုး စာဖတ်သူကို လုပ်လို့မရဘူးဆိုတာကို ပြောချင်ပါ တယ်။
နောက်ဆုံးပြောချင်တာက တစ်ရက်လောက်ပဲ (အဲဒီထက် မပိုနဲ့) မြန်မာနိုင်ငံမှာ မရတဲ့ လွတ် လပ်စွာတင်ပြခွင့်၊ ရေးသားခွင့်၊ တရားစီရင်ခွင့်ပေးကြည့်။ ပိုမပေးနဲ့။ တစ်ရက်ထဲ။ န.အ.ဖ ဆိုတာ ပြည်သူတွေရဲ့တံတွေးနဲ့ သမုဒ္ဒရာထဲ ရောက်နေပြီ။
မင်းတို့ပြောရတာ ပါးစပ်သနတယ်။
လွင်ပြင်ရိုင်း
၂၆၊ ၅၊ ၂၀၀၈။
အနာဂတ၀ံသ သို့မဟုတ်
အရာအားလုံးက လှလို့နေတယ်။ လမ်းမများပေါ်မှာ ဘယ်တုန်းကမှ မတွေ့ခဲ့ဖူးဘူး။ အင်္ဂလိပ်နယ်ချဲ့ လက်အောက်က လွတ်တုန်းကတော့ မမီလိုက်လို့ မသိဘူး။ စာရေးသူတစ်သက်မှာတော့ ပြည်သူတွေ ဒီ လောက်ပျော်ရွှင်နေကြတာ၊ လွတ်လပ်စွာ သွားလာပြောဆိုနေကြတာ တစ်ခါမှ မတွေ့ခဲ့ဖူးဘူး။ မြန်မာ့အလင်းနဲ့ ကြေးမှုံသတင်းစာကြီးနှစ်စောင်ကလဲ အရင်ကနဲ့မတူ၊ တစ်မူထူးဆန်းလို့။ လွတ်လပ်ရေးအောင်ပွဲကို တစ်ခမ်း တစ်နားဖော်ပြလို့။ ခေါင်းကြီးပိုင်းမှာကြည့်ပါအုံး။ မျက်နှာဖုံးမှာကြည့်ပါအုံး။ ပြောရရင် ဘယ်နေရာမှာမှ ဟိုတုန်း က အမြဲတမ်းပါနေခဲ့တဲ့ အော့ကြောလန်ပုံတွေ မတွေ့ရတော့ဘူး။ ပြည်သူတွေဟာ ဘယ်တုန်းကမှ မရခဲ့ဖူးတဲ့ လွတ်လပ်စွာ ပြောဆိုခွင့်၊ တင်ပြခွင့်ကို ရလို့ အကျေနပ်ကြီး ကျေနပ်နေကြတယ်။
သတင်းစာတွေကရော၊ ဂျာနယ်တွေကရော၊ မဂ္ဂဇင်းတွေကရော ပြည်သူတွေရဲ့ ရဲရဲတောက်တိုက်ပွဲ တွေကို ဖော်ကျူးထားတာတွေ့ရတယ်။ ဟိုတုန်းက မဖော်ပြခဲ့ရတဲ့ အခွင့်အရေးတွေကို အပြည့်အ၀ အသုံးချ တဲ့အနေနဲ့ စာအုပ်တိုင်းမှာ၊ စာစောင်တိုင်းမှာ ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးများရဲ့ ပုံတွေကို ဝေေ၀ဆာဆာ တင်ပြထားကြတယ်။ “ပြည်သူ့အား”ဆိုတဲ့ ဂျာနယ်မှာဆို ဒေါ်အောင်ဆန်းစုကြည်ရဲ့ ဓာတ်ပုံကို မျက်နှာဖုံးတင်ထားတယ်။ တစ်ချို့စာစောင်တွေမှာတော့ စစ်အစိုးရရဲ့ ကလိမ်ကကျစ်ကျခဲ့ပုံတွေ၊ ညစ်နည်းမျိုးစုံနဲ့ ညစ်ခဲ့တာတွေကို အခန်းဆက် ဖော်ပြနေကြတယ်။
ဂျာနယ်တိုင်းလိုလိုမှာ တွေ့ရတာက “အာဏာရှင် သန်းရွှေ၊ မောင်အေးနဲ့ ရာဝဇတ်ကောင်များအား အမြန်ဆုံးတရားစီရင်ဖို့” တိုက်တွန်းတောင်းဆိုနေကြတာတွေ့ရတယ်။ မနေ့ကတောင် မြို့တော်ခန်းမရှေ့မှာ လူတွေတိုးကြိတ်နေတာတွေ့လို့ သွားကြည့်မိသေးတယ်။ ဆိုင်းဘုတ်တွေ၊ ဗန်ဒါတွေ ကိုယ်စီကိုင်လို့။ ဆိုင်း ဘုတ်တွေ၊ ဗန်ဒါတွေပေါ်မှာလဲ “သန်းရွှေ အာဏာရူး ကြိုးပေး”၊ “မောင်အေး သေဒဏ်”၊ “၈၈ သတိရလား”၊ “ဒီပဲယင်းကို ရောက်ဖူးလား”။ စတဲ့ စာသားတွေနဲ့ပေါ့ဗျာ။ ပြည်သူတွေရဲ့ အမြင်မှာတော့ အရမ်းကို ထူးဆန်း နေတယ်။ ဘာကြောင့်လဲဆိုတော့ လမ်းမပေါ်ထွက် ဆန္ဒပြရင် သေနတ်နဲ့ပစ်၊ နံပါတ်တုတ်နဲ့ရိုက်လိမ့်မယ်လို့ ထင်နေကြတာလေ။ ခုတော့ ဆန္ဒပြတဲ့သူတွေကလဲ အေးအေးဆေးဆေး၊ လုံခြုံရေးတွေကလဲ ဘေးကနေ အေးဆေးစွာ လိုက်ပါနေကြတယ်။ အမြင်က တော်တော့်ကို ဆန်းနေတယ်။
“၀မ်းသာလိုက်တာဗျာ၊ ဘယ်လိုပြောရမှန်းကို မသိတော့ဘူး၊ ကျွန်တော်မျှော်လင့်ခဲ့တဲ့နေ့ရက်က ခုဆို တကယ့်ကို အကောင်အထည်ပေါ်လာခဲ့တယ်နော်၊ ကျွန်တော်ဖြင့် ယုံကို မယုံနိုင်လောက်အောင်ဖြစ်နေတယ်”။ သူငယ်ချင်းတစ်ယောက်က မျက်ရည်လဲ့လဲ့နဲ့ ပြောတယ်။ တစ်ယောက်ကဆို ရှိုက်ကြီးတငင် ငိုရင်းနဲ့ ပြောတယ်။ “သေချာနားထောင်စမ်းပါဗျာ၊ ဟို လဘက်ရည်ဆိုင်မှာ ဖွင့်နေတာကို၊ ဗိုလ်ချုပ်မိန့်ခွန်းတွေ မဟုတ်လား၊ ကျွန်တော်တို့ဟာ ကျွန်တော်တို့ ကျေးဇူးရှင်ရဲ့အသံကို အရင်က ခိုးကြောင်ခိုးဝှက် နားထောင်ခဲ့ရတာ၊ ကျွန်တော်တို့ဟာ ကျွန်တော်တို့ကျေးဇူးရှင်များအကြောင်းရေးထားတဲ့ စာအုပ်တွေကို ခိုးကြောင်ခိုးဝှက် ဖတ်ခဲ့ရတယ်၊ ခုတော့…ဗျာ လဘက်ရည်ဆိုင်မှာကို ဖွင့်သံကြားရလို့ ကျွန်တော်ဘယ်လို ခံစားရမှန်းကို မသိတော့ဘူး”။
လူတွေက တော်တော်စုံနေပြီ။ ပြည်သူ့ရင်ပြင် တစ်ခုလုံးမှာ အပြုံးပန်းတွေ ဆင်ထားတဲ့ လူအုပ်ကြီး။ ရင်ပြင်တစ်ခုလုံး ပြည့်နှက်လို့ပေါ့။ လမ်းတစ်လျှောက်မှာလဲ ဗိုလ်ချုပ်အောင်ဆန်းနဲ့အာဇာနည်များကို ဂုဏ်ပြုတဲ့ သီချင်းများကို သီဆိုလို့။ အဲ..ကျွန်တော်တို့အားလုံး နှစ်သက်ခဲ့တဲ့ မွန်းအောင်ရဲ့သီချင်းတွေကလဲ တိုင်းပြည်အနှံ့ ပြည်လည် ဆန်းသစ်လို့။ “ဟေ့ကောင် ဆင်းလေကွာ၊ ရောက်ပြီဟ”။ သူငယ်ချင်းက သတိပေးမှ ပြည်သူ့ရင် ပြင်ရှေ့ကို ရောက်နေပြီဆိုတာကို သိရတယ်။ မိန့်ခွန်းက စနေပြီ။ အခမ်းအနားဖွင့်တာတောင် မမီလိုက်ဘူး။
“ကျွန်မတို့ ဒီနေ့ဟာ ပြည်သူ့အောင်ပွဲ (၃) လပြည့်တဲ့နေ့ဖြစ်ပါတယ်။ ကျွန်မတို့ဟာ ဒီနေ့လို နေ့မျိုးကို နှစ်ပေါင်းများစွာ စောင့်ခဲ့ကြရတယ်။ ဒီလို နေ့မျိုးကိုရောက်ဖို့ အသက်ပေါင်းများစွာ စတေးခဲ့ရတယ်။ မိသားစုပေါင်းများစွာ ဝေးလွင့်ကွဲထွက်ခဲ့ရတယ်။ ဒီလို လွတ်လပ်တဲ့ နေ့မြတ်ကိုရောက်ဖို့ အသက်ပေါင်း များစွာဟာ လမ်းမထက်မှာ ပျောက်ဆုံးခဲ့ရတယ်။ ချစ်စွာသော မိသားစုများစွာရဲ့အတွင်းမှာ သံတိုင် တွေ၊ အုတ်တံတိုင်းနံရံတွေ အများကြီး ခြားနားခဲ့ရတယ်။ သံတိုင်တွေကြားထဲမှာ လူမဆန်စွာ ပြုကျင့် ခံရလို့ မျက်စိကွယ်သူကွယ်၊ ခြေလက်ကျိုးသူကျိုးနဲ့ ဒုက္ခိတဖြစ်သူတွေ အများကြီး ဖြစ်ခဲ့ရတယ်။
ကျွန်မ ပြောချင်တာက ဒီလွတ်လပ်ရေးဟာ လွယ်လွယ်နဲ့ရခဲ့တာ မဟုတ်ပါဘူး။ “ဒီမိုကရေစီ ဘယ်နေ့ ရမလဲလို့ ကျွန်မကို မေးကြတယ်၊ ဒီမိုကရေစီရချင်ရင် လူတိုင်း ၀င်လုပ်ရမယ်”လို့ အရင်က ကျွန်မ ပြော ခဲ့ဖူးသလိုပဲ အခု အားလုံးဝင်ပြီး အလုပ်လုပ်ကြလို့ ဒီမိုကရေစီရလာခဲ့ပါပြီ။ ဒါကြောင့် ဒီလို ခက်ခက် ခဲခဲနဲ့ ရယူခဲ့ရတဲ့ လွတ်လပ်ရေးကို ပြန်လည် မဆုံးရှုံးအောင် ကျွန်မတို့ ကြိုးစားကြရမယ်။ ဒီလို ကြိုးစား တဲ့ နေရာမှာ ပြည်သူတွေက အဓိကပါပဲလို့ ကျွန်မ ဒီနေရာကနေ အသိပေးချင်ပါတယ်။
ဒီနေရာကနေ ပြည်သူလူထုကြီးကို ကျွန်မအနေနဲ့ အထူးပြောပြချင်တာက အခု ကျွန်မတို့ဟာ ဘက်ပေါင်းစုံက ချွတ်ခြုံကျနေတဲ့ ကျွန်မတို့နိုင်ငံကြီးကို ပြည်လည်ထူထောင်ရမယ်။ လိုအပ်တဲ့ အဆောက်အအုံတွေ ဆောက်ရမယ်။ အကျင့်ပျက်ခြစားနေတဲ့ ၀န်ထမ်းတွေကိုလဲ ကျွန်မတို့ ပြုပြင်ရမယ်။ အများကြီးပါပဲ။ ဒါကို ကျွန်မတို့ အကောင်းဆုံးဖြစ်အောင် လုပ်မယ်ဆိုတာကို ဒီနေရာက နေ ကတိပေးပါတယ်။
ဒါနဲ့ပတ်သတ်ပြီး ပြည်သူတွေကို ကျွန်မပြောချင်တာက ကျွန်မတို့ကတော့ အကောင်းဆုံးဆိုပြီးတော့ လုပ်တာပဲ။ ဒါပေမယ့် ပြည်သူတွေရဲ့အမြင်မှာ လမ်းစဉ်ဟာ မှားနေပြီ၊ ကျွန်မလုပ်တာ တရားမျှတမှု မရှိဘူး၊ ပုံမကျဘူးလို့ ခံစားရရင် စိတ်ထဲမှာ မြုံမထားပါနဲ့၊ ကျွန်မတို့သိအောင် ဆန္ဒပြပွဲများ ကျင်းပ၍ ဖြစ်စေ၊ ဂျာနယ်၊ မဂ္ဂဇင်းများကဖြစ်စေ ဖော်ပြနိုင်ပါတယ်။ အဲဒီလို လွတ်လပ်စွာ တင်ပြကြပါလို့ ကျွန်မ မေတ္တာရပ်ခံပါတယ်။
နောက်ပြီး ကျွန်မတို့ အထက်က လူကြီးတွေ လုပ်ပုံကိုင်ပုံအချိုးမကျရင်လဲ ဝေဖန်ပေးကြပါ၊ ထောက်ပြ ကြပါ။ ကျွန်မ အဲဒါကိုလဲ ပြည်သူလူထုကြီးကို မေတ္တာရပ်ခံပါတယ်။ နောက်ပြီး နိုင်ငံတစ်ဝန်းလုံးမှာ ရှိကြတဲ့ ပညာရှင်များ၊ စာရေးဆရာများနဲ့ကဗျာဆရာများအားလုံးကိုလဲ ကျွန်မ ပြောပါရစေ၊ ရှင်တို့ အမြင်တွေ၊ အတွေးတွေကို ထိမ်ချန်မထားကြပါနဲ့။ ပွင့်လင်းစွာ၊ လွတ်လပ်စွာ ရေးကြပါ၊ သားကြပါ။ ကျွန်မကို ဝေဖန်တာပဲ ဖြစ်ဖြစ်၊ အထက်လူကြီးတွေရဲ့ လုပ်ပုံကိုင်ပုံ အချိုးမပြေတာကိုပဲဖြစ်ဖြစ် ရှင်တို့ အနေနဲ့ ဘာမှ အဆီးအတားမရှိ ဝေဖန်နိုင်ပါတယ်၊ အကြံပြုနိုင်ပါတယ်၊ တင်ပြဆွေးနွေးနိုင်ပါတယ်။ “ရှင်တို့ကြိုက်ကြိုက်၊ မကြိုက်ကြိုက် ငါ ခေါင်းဆောင်ပဲ၊ ငါလုပ်ချင်ရာ လုပ်မယ်”ဆိုတဲ့ သဘောမျိုး ကျွန်မမှာ အလျဉ်းမရှိဘူးဆိုတာကို ကျွန်မ ဒီနေရာကနေ အတိအလင်းပြောပါတယ်။
နောက်ပြီး ကျွန်မအဖေ ပြောခဲ့တဲ့အတိုင်း ကျွန်မပြောချင်ပါသေးတယ်။ ကျွန်မဟာ တိုင်းပြည်အတွက် အကောင်းဆုံး ပေးဆပ်ပြီး အလုပ်လုပ်မယ်၊ ကျွန်မစွမ်းနိုင်သမျှလုပ်မယ်၊ စွမ်းအားရှိသမျှ ကျွန်မရဲ့ အသက်အသွေးတွေနဲ့ပေါင်းစပ်ပြီး တိုင်းပြည်အတွက် ကျွန်မလုပ်ခဲ့မယ်။ ပြည်သူတွေအထဲက မွန်ဖြစ် ဖြစ်၊ ရှမ်းဖြစ်ဖြစ်၊ ကရင်ဖြစ်ဖြစ်၊ ရခိုင်ဖြစ်ဖြစ်၊ ကချင်၊ ချင်း၊ ကယား….ဘယ်လူမျိုးထဲကပဲဖြစ်ဖြစ် ကျွန်မထက်ပိုပြီး တိုင်းပြည်အတွက် အလုပ်လုပ်နိုင်လိမ့်မယ်လို့ ယူဆသူရှိရင် ထွက်ခဲ့ပါ။ ကျွန်မ ချက်ချင်းဆင်းပေးပါ့မယ်။ ဒါကိုလဲ ပြည်သူလူထုကြီးရှေ့မှောက်မှာ ကျွန်မ အတိအလင်း ပြောပါ တယ်………………………………………………………………………………”။
“ဘာလို့ မျက်ရည်ကျနေရတာလဲကွာ” သူငယ်ချင်းကမေးမှ သတိပြန်ဝင်လာတယ်။ သတိဝင်လာမှ ကြည့်လိုက်တော့ အားလုံးရဲ့မျက်ဝန်းတွေမှာ မျက်ရည်တွေ အရွဲသားနဲ့။ တစ်ချို့ဆို မိန့်ခွန်းပြီးတာနဲ့ ရှိုက်ကြီး တငင် ငိုရှိုက်လို့နေတယ်။ ၀မ်းသာပီတိမျက်ရည်များ။ မိန့်ခွန်းပြီးလို့ ပြန်လည်ထွက်ခွါနေကြတဲ့ ပြည်သူလူထု မြင်ကွင်းကြီးကိုကြည့်ရင်း ရင်ထဲမှာ ဘယ်လိုမှ မခံစားနိုင်တော့လို့ ကျွန်တော် ရှိုက်ကြီးတငင်ကို ငိုရှိုက်မိခဲ့တယ်။
ကျွန်တော့်ဘ၀မှာ ဒီလောက်ရှိုက်ကြီးတငင် မငိုခဲ့ဖူးသလို ဒီလောက်လဲ ဘယ်တုန်းကမှ မပျော်ရွှင်ခဲ့ဖူး ဘူး။
ကောင်းကင်က ညွတ်ခွေအိကျပြီး ကျွန်တော်တို့နဲ့အတူ ရှိနေတယ်။ အပြာရောင်ကောင်းကင်မှာ တိမ်စိုင်အိအိအချို့က ဟိုတိုးဒီရွေ့နဲ့ ပျော်ရွှင်မြူးထူးနေကြတယ်။ ကျွန်တော်တို့လဲ တိမ်စိုင်တွေနဲ့အတူ က,လို့ ပေါ့။ စီးလာတဲ့ကားက အာဇာနည်ကုန်းနားအရောက် လမ်းဘေးမှာ လူထုခေါင်းဆောင်ဒေါ်အောင်ဆန်းစုကြည် ရဲ့ ပိုစတာအကြီးကြီးကိုကြည့်ပြီး “ယား”နဲ့အော်သွားတဲ့ လူငယ်လေးတစ်ယောက်ကို တွေ့ခဲ့ရတယ်။ ကျွန်တော် ကလဲ သံယောင်လိုက်ပြီး ယား…နဲ့ လိုက်အော်လိုက်တော့ ကားတစ်စီးလုံး ပွဲကျခဲ့တယ်။ မြူးလို့ပျော်လို့။
………………………………………
ကျွန်တော်အိပ်ယာကနိုးတော့
အိပ်ယာတစ်ခုလုံး မျက်ရည်တွေ၊ ချွေးတွေနဲ့ ရွှဲစိုနေတယ်။
အဲဒီနေ့တစ်နေ့လုံး လွတ်လပ်ရေးကျောက်တိုင်ရှေ့မှာ ရှိုက်ကြီးတငင် ငိုနေခဲ့တာက
ကျွန်တော်တစ်ယောက်ထဲရယ်ပါ။
လွင်ပြင်ရိုင်း
11, 5, 2008
ကိုရန်အောင်လေသံနဲ့ ပြောလိုက်မယ် လက်လုပ်ဗုံးဆိုတာ ဒါပဲဗျာ
ကျနော်အစကတော့ ဒီလက်လုပ်ဗုံးပညာရပ်ကို ကျနော်ရဲ့ ဘလော့မှာ တင်ပြဖို့ အစီအစဉ်မရှိပါဘူး။ ဒါပေမယ် ကျနော်လေးစားရတဲ့ဘလော့တွေထဲမှာ တစ်ခုအပါအ၀င်ဖြစ်တဲ့ ကိုနစ်နေမန်းရန်ဘလော့က cbox ထဲမှာ ဗုံးလုပ်နည်းပညာတွေကို တင်ပြပေးဖို့တောင်းဆိုနေတာတွေကို တွေ့ရသလို ကျွန်တော်နဲ့ အကြောင်းသိဘော်ဒါတွေက အီးမေးက နေတောင်ဆိုတာကြောင့် ဒီလက်လုပ်ဗုံးပညာကို တင်ပြဖို့ အစီအစဉ်တစ်ခုစတင်ရပါတော့တယ်။
ဒီပညာရပ်ကို ကျနော်အနေနဲ့ အခြေခံ၊ သာမာန်နှင့် ကျွမ်းကျင်အဆင့်ဆိုပြီး သုံးစုခွဲထားပါတယ်။ ကျနော်အနေနဲ့ ပထမက ကျနော်ရဲ့ ဘလော့ရဲ့ ဘေးမှာ လူတွေရဲ့ မဲပေးမှုအပေါ် အခြေခံပြီးမှ တင်သင့်၊ မတင်သင့် ဆုံးဖြတ်ဖို့ပါ။ ဒါပေမယ် အခြေခံအဆင့်ကို တော့ လူတိုင်းအနေနဲ့ သိသင်သည်က တစ်ကြောင်း၊ အန္တရာယ်ဖြစ်နိုင်မှု အားနည်းသည်ကတစ်ကြောင်းကြောင့် တင်ပြလိုက်ပါတယ်။ အန္တရာယ် ဖြစ်နိုင်မှု နည်းသည်ဆိုပေမယ့် ဒီပညာရပ်ကို လက်တွေစမ်းသပ် အသုံးပြုစဉ် တစ်စုံတစ်ခု ထိခိုက်မှုဖြစ်ပေါ်ပါက လုံးဝ(လုံးဝ) တာဝန်ယူမည် မဟုတ်ကြောင်း ထပ်မံ အသိပေးအပ်ပါသည်။ ထို့နည်းတူ ကျနော်၏ ဘလော့မှ တင်ပေးသော ပို့စ်အားလုံးသည် စစ်အာဏာရှင်စနစ်ကို တိုက်ဖျက်ရန်နှင့် ပြည်သူ အသက်အိုးအိမ်၊ စည်းစိမ်ကို ကာကွယ်ရန်ရည်ရွယ်ထားသောကြောင့် ဤပညာရပ်အား မိမိတို့၏ ကိုယ်ကျိုးအတွက်သော်လည်းကောင်း၊ ပြည်သူအသက်၊ အိုးအိမ်၊ စည်စိမ်များကို ထိခိုက်နိုင်သော လုပ်ငန်းများတွင် အသုံးမပြုကြပါရန်လေးစာစွာဖြင့် အနူးညွတ်တောင်ခံအပ်ပါသည်။
အခြေခံလက်လုပ်ဗုံး စာအုပ်အား ဒီနေရာမှ ဒေါင်းလုပ်ရယူပါ။
ဒုတိယပိုင်း(သာမာန်အဆင့် စာအုပ်ထူ) ကို မိတ်ဆွေတို့၏ ဆန္ဒမဲပြုမှုနှင့် ယခုတင်ပို့သော လက်လုပ်ဗုံးအခြေခံအဆင့်၏ အကျိုးသက်ရောက်မှု အပေါ်တွင်မူတည်၍ တင်ပြသွားမည်ဖြစ်ပြီး တတိယပိုင်းထူးချွန်အဆင့်ကို ကျွန်တော်၏ ဘလော့ပေါ်တွင် လုံးဝ တင်လိမ့်မည်မဟုတ်ကြောင်း ကြိုတင်အသိပေးလိုပါသည်။
လေးစားစွာဖြင့်
မျိုးမြင့်အောင်
ပြည်သူတို့၏ လွတ်မြောက်ရာလမ်း
ပြန်ခေါက်ထားရန်
အခြေခံဥပဒေ ပျက်ပြယ်သွားပြီဟု အန်အယ်ဒီ ပြောကြား
နေသွင်
ဗုဒ္ဓဟူးနေ့၊ ဇွန်လ 11 2008 14:46 - မြန်မာစံတော်ချိန်
ချင်းမိုင်။ ။ စစ်အစိုးရက အတည်ပြုထားသော ဖွဲ့စည်းပုံ အခြေခံဥပဒေသည် အာဏာပိုင်များ၏ ဥပဒေနှင့် မညီသော လုပ်ရပ်များကြောင့် “ဥပဒေကြောင်းအရ ပျက်ပြယ်သွားပြီ” ဟု အမျိုးသား ဒီမိုကရေစီ အဖွဲ့ချုပ်က သဘောထား ထုတ်ပြန်လိုက်သည်။
ယခုနောက်ဆုံး ထွက်ပေါ်လာသော အဖွဲ့ချုပ်၏ ကြေညာချက်သည် အငြင်းပွားဖွယ် ဖြစ်နေသော ဖွဲ့စည်းပုံ၏ တရားမဝင်မှုကို ပြည်တွင်း၊ ပြည်ပ သို့ ပထမဆုံး ချပြမှုဖြစ်ပြီး ဥပဒေကြောင်းအရ ဆက်လက် ဆောင်ရွက်သွားမည့် ရှေ့လုပ်ငန်းများ၏ ပွဲဦးထွက် ဖြစ်သည်ဟု အဖွဲ့ချုပ်က မနေ့က ပြောဆိုသည်။
အဖွဲ့ချုပ်မှ ဖွဲ့စည်းပုံဆိုင်ရာ ပြောရေးဆိုခွင့်ရှိသူ ဦးသိန်းညွန့်က “ကျနော်တို့ အထူး ကြေညာချက် ထုတ်တာက ပထမ လုပ်ငန်းစဉ် အနေနဲ့ စလိုက်တာပါ။ ပြည်တွင်းက ပြည်သူတွေကို တင်ပြသလို၊ မြန်မာပြည်ရဲ့ ဆန္ဒခံယူပွဲဟာ လွတ်လပ်ပြီး တရားမျှတမှု ရှိ၊ မရှိ စောင့်ကြည့်နေတဲ့ ကုလသမဂ္ဂ အပါအဝင်၊ နိုင်ငံတကာ အင်အားစု အသီးသီးကို ဒီကြေညာချက် ထုတ်ပြန်ရင်းနဲ့ ကျနော်တို့ ပြည်တွင်း ဥပဒေအရပင် အခြေခံ ဥပဒေဟာ တရားမဝင်ဘူး၊ အဖွဲ့ချုပ်က လက်မခံနိုင်ဘူးဆိုတာ ဥပဒေကြောင်းအရ လုပ်သင့်လုပ်ထိုက်တာကို ခြေလှမ်းလှမ်းတာပါ” ဟု မဇ္ဈိမကို ပြောသည်။
စစ်အစိုးရက ဖွဲ့စည်းပုံကို ၉၂ ရာခိုင်နှုန်းကျော် ထောက်ခံမှုဖြင့် တရားဝင် အတည်ပြုအပြီး ၂ ပတ်နီးပါး အကြာတွင် ထုတ်ပြန်သော ပြည်တွင်း အဓိက အတိုက်အခံပါတီ၏ အထူးကြေညာချက်တွင် မေလ ၁ဝ ရက်နေ့နှင့် ၂၄ ရက်နေ့က ကျင်းပပြီးစီးသွားသော ဆန္ဒခံယူပွဲ၏ ရလဒ်သည် တရားမဝင်ဟု ဆိုသည်။
အဖွဲ့ချုပ် ပြည်နယ်၊ တိုင်း၊ မြို့နယ်နှင့် ရပ်ကျေး၊ စည်းရုံးရေး အဖွဲ့မှ ပေးပို့သော အစီရင်ခံစာနှင့် အထောက်အထားများအရ “ဆန္ဒခံယူပွဲ၏ ဥပဒေ ကျောရိုးဖြစ်သော လျှို့ဝှက် မဲပေးစနစ်ကို ပြောင်ပြောင်တင်းတင်း ချိုးဖောက်ခြင်းတို့ ရှိခဲ့သည်” ဟု အဖွဲ့ချုပ်က စွပ်စွဲထားသည်။
“အာဏာပိုင်တို့သည် မိမိတို့ ပြဋ္ဌာန်းထားသော ပြည်လုံးကျွတ် ဆန္ဒခံယူပွဲ ဥပဒေနှင့် နည်းဥပဒေတို့ကို ဆန့်ကျင် ချိုးဖောက်ပြီး ထောက်ခံမဲ ရရှိရေးအတွက်သာ ဆန္ဒမဲ ပေးပိုင်ခွင့်ရှိသော ပြည်သူလူထုအပေါ် အကြပ်ကိုင်ခြင်း၊ ခြိမ်းခြောက်ခြင်း၊ လိမ်လည် လှည့်ဖျားခြင်း၊ အလွဲ ပြောဆိုခြင်း၊ မလျှော်သြဇာသုံးခြင်း နည်းလမ်းများကို လုပ်ဆောင်ခဲ့သည်။ ဆန္ဒခံယူပွဲ၏ ဥပဒေကျောရိုးဖြစ်သော လျှို့ဝှက် မဲပေးစနစ်ကို ပြောင်ပြောင်တင်းတင်း ချိုးဖောက်ခြင်းတို့ ရှိခဲ့သည်” ဟု ကြေညာချက်က ဆိုသည်။
အလားတူ အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည်ကို ဆက်လက် ဖမ်းဆီးထားသည့် ကိစ္စကို ဥပဒေကြောင်းအရ အယူခံခွင့်ပေးရန် စစ်အစိုးရကို အဖွဲ့ချုပ်က တောင်းဆိုထားသည်ဟု သိရသည်။
အဖွဲ့ချုပ် ပြောခွင့်ရသူ ဦးဉာဏ်ဝင်းက “ဒေါ်အောင်ဆန်းစုကြည်ကို ဖမ်းဆီးထားတာ ဥပဒေနဲ့ မညီဘူး။ မညီကြောင်းကို ကျနော်တို့ဘက်က ဥပဒေအရ ခိုင်ခိုင်လုံလုံ တင်ပြဖို့ အဆင့်သင့်ရှိတယ်။ နအဖ အနေနဲ့ ဥပဒေနဲ့ ညီတယ်ဆိုရင် ကျနော်တို့ကို အယူခံဖွင့်ပေးပါ။ ခိုင်ခိုင်လုံလုံ တင်ပြတာပါ” ဟု ပြောသည်။
ယခင်ကလည်း အယူခံဝင်ရန် ကြိုးပမ်းသော်လည်း စစ်အစိုးရဘက်က တုံ့ပြန်မှုမရှိသဖြင့် ယခုတကြိမ်တွင် ကြိုတင် ကြေညာချက် ထုတ်ပြန်ရခြင်း ဖြစ်သည်ဟု ဦးဉာဏ်ဝင်းက ပြောသည်။
ယခုလ ၁၉ ရက်နေ့တွင် အသက် ၆၃ နှစ် ပြည့်မည်ဖြစ်သော မြန်မာ့ ဒီမိုကရေစီ ခေါင်းဆောင်သည် လွန်ခဲ့သော နှစ် ၁၉ နှစ်အတွင်း ၁၃ နီးပါး အချုပ်အနှောင် ခံနေရပြီး ပြီးခဲ့သည့်လ ၂၇ ရက်နေ့က နောက်ဆုံး နေအိမ်အကျယ်ချုပ် သက်တမ်း ပြည့်သွားသော်လည်း စစ်အစိုးရက ဆက်လက် ဖမ်းဆီးထားခြင်း ဖြစ်သည်။
ဤအတောအတွင်း ဆိုင်ကလုန်းမုန်တိုင်း ကျရောက်ပြီးကတည်းက မြန်မာပြည် နိုင်ငံရေးကိစ္စနှင့် နှုတ်ဆိတ်နေသော ကုလသမဂ္ဂ၊ အမေရိကန် ပြည်ထောင်စုနှင့် ဥရောပ အီးယူနိုင်ငံများ၏ ဝေဖန်မှုများ ပြန်လည် ထွက်ပေါ်လာသည်။
အမေရိကန် အစိုးရက နအဖ စစ်အစိုးရ ကျင်းပခဲ့သော ဆန္ဒခံယူပွဲသည် ယုံကြည်လောက်သော အခြေအနေနှင့် ဝေးကွာနေသည် ဟူသော ကုလသမဂ္ဂ လူ့အခွင့်အရေး စုံစမ်းရေးမှူး၏ အစီရင်ခံစာ နိဂုံးချုပ်ချက်ကို ထောက်ခံလိုက်သည်။
ပြီးခဲ့သည့်အပတ်က ထွက်ပေါ်လာသော မြန်မာပြည် လူ့အခွင့်အရေး စုံစမ်းရေးမှူးသစ် Tomás Ojea Quintana ၏ ပထမဆုံး အစီရင်ခံစာတွင် ဆန္ဒခံယူပွဲသည် “ယုံကြည်လောက်သော၊ ကျယ်ပြန့်စွာ လက်ခံနိုင်သော အခြေအနေ စိတ်မကောင်းစရာ ဝေဝါးနေသည်” ဟု ဖော်ပြထားသည်။
အမေရိကန်အစိုးရ ပြောခွင့်ရပုဂ္ဂိုလ် (Sean McCormack) က “အမေရိကန် အစိုးရအနေနှင့် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသား အားလုံးကို ပြန်လွှတ်ပေးပြီး ဒီမိုကရေစီ အသွင် ကူးပေါင်းရေးအတွက် ဒီမိုကရေစီ ခေါင်းဆောင်များ၊ တိုင်းရင်းသား ခေါင်းဆောင်များနှင့် စစ်မှန်သော တွေ့ဆုံ ဆွေးနွေးရေးကို စတင်ရန် စစ်အစိုးရကို တိုက်တွန်းပါတယ်” ဟုပြောသည်။
အီးယူအဖွဲ့မှ မြန်မာနိုင်ငံဆိုင်ရာ ကိုယ်စားလှယ်အဖြစ် ခန့်အပ်ထားသော (Piero Fassino) က “မြန်မာပြည်က နိုင်ငံရေး ပြဿနာကို မေ့ထားလို့ မရပါဘူး” ဟု ပြောသည်။
အမေရိကန်နှင့် အီးယူ နိုင်ငံများသည် မြန်မာပြည်တွင် ဒီမိုကရေစီ ပြုပြင် ပြောင်းလဲရေးအတွက် ဒီမိုကရေစီ လှုပ်ရှားမှုကို ထောက်ခံကာ စစ်အစိုးရ၏ လူ့အခွင့်အရေး ချိုးဖောက်မှု မှတ်တမ်းများကြောင့် မြန်မာပြည်ကို နှစ်အတန်ကြာ ကတည်းက စီးပွားရေး ပိတ်ဆို့ထားသော နိုင်ငံများ ဖြစ်သည်။
မဲမသမာမှုနှင့် ပတ်သက်၍ အဖွဲ့ချုပ်က ထောက်ပြသောအချက်များ
၁။ အာဏာပိုင်တို့ အနေဖြင့် ဗဟိုမှ အောက်ခြေအာဏာပိုင် အဖွဲ့ အသီးသီးနှင့် ၎င်းတို့အား ကျောထောက်နောက်ခံ ပြုထားသော အဖွဲ့အစည်း များအား စိတ်တိုင်းကျ ဗြောင် မဲဆွယ်ခွင့် ပေးထားပြီး အဖွဲ့ချုပ် အဖွဲ့ဝင်များကို စာရွက်စာတမ်းများကို သိမ်းဆည်းခြင်း၊ ခေါ်ယူစစ်ဆေးခြင်း၊ ဖမ်းဆီးခြင်း၊ ဥပဒေအမှတ် ၅၊၉၆ နှင့် ပြည်လုံးကျွတ် ဆန္ဒခံယူပွဲ ဥပဒေများဖြင့် ခြိမ်းခြောက်ခြင်း စသည့် ကန့်သတ် တားမြစ်မှုများ ရှိခဲ့သည်။
၂။ ကြိုတင် ဆန္ဒမဲများကို မဲရုံနယ်မြေအလိုက် ခွဲတမ်းဖြင့် ပေးထားပြီး ခွဲတမ်းအတိုင်း ထောက်ခံမဲများ ရရှိအောင် စီမံထားခြင်း။
၃။ ခရီးဝေး သွားရန်ရှိခြင်း၊ နာမကျန်း ဖြစ်ခြင်း၊ မသန်မစွမ်း ဖြစ်ခြင်း၊ သက်ကြီးရွယ်အို ဖြစ်ခြင်း မဟုတ်ပါဘဲနှင့် ပြည်လုံးကျွတ် ဆန္ဒခံယူပွဲ နည်းဥပဒေပါ ပြဋ္ဌာန်းချက်ကို ချိုးဖောက်၍ ဝန်ထမ်းများ၊ အလုပ်သမားများ၊ အရပ်သူ အရပ်သူများနှင့် လေဘေး ဒုက္ခသည်များထံမှ ထောက်ခံများကို အတင်းအကျပ် ကြိုတင် ရယူထားခြင်း။
၎။ ကန့်ကွက်မဲ ထည့်သူများကို ထောင် ၃ နှစ်ချမည်။ ဒဏ်ငွေ တသိန်း ဆောင်ရမည်။ တရားစွဲဆိုခြင်း ခံရမည်။ လယ်ယာမြေ သိမ်းခံရမည်။ စီးပွားရေး လုပ်ငန်းများ ထိခိုက်မည်။ အလုပ်ပြုတ်မည်။ ကျောင်းထုတ်မည်။ ကန့်ကွက်မဲ ပေးခြင်းကို တနည်းနည်းဖြင့် သိအောင်လုပ်ခြင်း စသည့်ဖြင့် ခြိမ်းခြောက်ခြင်း။
၅။ မဲရုံရှေ့တွင် ယူနီဖောင်း ဝတ်ထားသော ရဲများ၊ အာဏာပိုင်များ ကျောထောက်နောက်ခံ ပြုထားသော အဖွဲ့များမှ ပုဂ္ဂိုလ်များ ရှိနေခြင်း။
၆။ ရဲများက ထောက်ခံမဲ ပေးသူများသာ မဲရုံတွင်နေရန်၊ ကန့်ကွက်မဲ ပေးသူများ မဲရုံမှ ပြန်ရန် အတင်းအဓမ္မ နှင်ထုတ်ခြင်း။
၇။ ကော်မရှင် အဖွဲ့ဝင်များက အမှန်ခြစ်ထားသော ထောက်ခံမဲများကိုသာ မဲဆန္ဒရှင်များက မဲပုံထဲသို့ ထည့်ပေးရခြင်း။
၈။ အိမ်ထောင်စု တခုတွင် တဦးတည်းသာ ကိုယ်စားပြုပြီး ထောက်ခံမဲ ခြစ်ပေး၍ ထည့်စေခြင်း။
၉။ ဆန္ဒမဲပေးပိုင်ခွင့် ရှိသူကို လူဦးရေအလိုက် အုပ်စုဖွဲ့ပေးပြီး ထိုအုပ်စုတွင် အာဏာပိုင်တို့၏ ကိုယ်စားလှယ်က ခေါင်းဆောင်လုပ်၍ ကိုယ်စားပြုပြီး ထောက်ခံမဲများ ထည့်စေခြင်း။
၁ဝ။ ဆန္ဒမဲပေးပိုင်ခွင့် ရှိသူများ စာရင်းကို ယူ၍ ကော်မရှင် အဖွဲ့ဝင်များက ကိုယ်စားပြုပြီး ထောက်ခံမဲများ ခြစ်ပြီးထည့်ခြင်း။
၁၁။ ကော်မရှင် အဖွဲ့ဝင်များ ကိုယ်တိုင် ထောက်ခံမဲကို အပို ထပ်ထည့်ခြင်း။
၁၂။ မဲရုံကို ဥပဒေပါ ပြဋ္ဌာန်းချက်များကို ဆန့်ကျင်၍ သတ်မှတ်ချိန် ၄ နာရီမတိုင်ခင် စောစီးစွာ ပိတ်ခြင်း။
၁၃။ ထောက်ခံမဲ၊ ကန့်ကွက်မဲ၊ ပယ်မဲများကို ကော်မရှင် အဖွဲ့ခွဲ အဆင့်ဆင့်တွင် စောင့်ကြည့် လေ့လာခွင့် မရခြင်း။
၁၄။ ကန့်ကွက်မဲများကို မီးရှို့ပစ်ခြင်းနှင့် ဖျောက်ဖျက်ခြင်း။
.jpg)
.jpg)
.jpg)
.jpg)
.jpg)
လူသားချင်း စာနာထောက်ထားမှုအရ ၀င်ရောက်စွက်ဖက်ကြ
ကျော်ဗလ
မကြာခင်က အမေရိကန်သတင်းထောက်တယောက်က လက်ရှိ အမေရိကန် သမ္မတလောင်း ရွေးချယ်ပွဲမှာ ဘယ်သူ့ကို ပိုမိုသဘောကျ ထောက်ခံသလဲလို့ မေးခဲ့ဘူးပါတယ်။ ကျနော်က လူပုဂ္ဂိုလ်အရ ဂျွန်မက်ကိန်းကို သဘောကျပါတယ်။ ဒါပေမယ့် မူဝါဒပိုင်းမှာတော့ ဒီမိုကရက်တွေရဲ့ ပေါ်လစီကိုပဲ နှစ်သက်ထောက်ခံချင်တယ်လို့ ဖြေခဲ့မိတယ်။ ဒီတော့ သူက ဘာကြောင့်လဲလို့ ထပ်မေးပြန်ပါတယ်။ လူပုဂ္ဂိုလ်အရ မက်ကိန်းဟာ သမ္မတ ဘုရ်ှလိုပဲ ရဲရဲတင်းတင်း ပြတ်ပြတ် သားသား ဆောင်ရွက်မယ့် ပုဂ္ဂိုလ်မျိုး ဖြစ်နေလို့ပါပဲ။
သမ္မတဘုရ်ှရဲ့ မြန်မာနိုင်ငံအပေါ် ထားရှိတဲ့ တင်းမာပြတ်သားတဲ့ သဘောထားတွေကို သဘောကျ ကျေနပ်ပါတယ်။ ဒါပေမယ့် သူ့ရဲ့ နိုင်ငံခြားရေးရာ မူဝါဒအပိုင်းမှာတော့ ဘ၀င် မကျစရာ ပြဿနာတွေ မနည်းလှဘူးလို့ ဖြေခဲ့ပါတယ်။ တကယ်လည်း နိုင်ငံတကာ ဆက်ဆံရေးမှာ ခြုံငုံပြောရရင် သမ္မတ ကလင်တန်လက်ထက်က ကျင့်သုံးခဲ့တဲ့ ဒီမိုကရက်တွေရဲ့ နိုင်ငံခြားရေး မူဝါဒတွေကို ပိုမိုသဘောကျခဲ့ပါတယ်။ အထူးသဖြင့် ကလင်တန် အစိုးရ အဖွဲ့ဝင် နိုင်ငံခြားရေး ၀န်ကြီး မက် သလင်းအောဘရိုက် ကုလသမဂ္ဂမှာ အဆိုပြုတင်သွင်းခဲ့တဲ့ လူသားချင်း စာနာထောက်ထားမှု ဆိုင်ရာ ၀င်ရောက်စွက်ဖက်ရေး (Humanitarian intervention) မူဝါဒကို ပိုမိုသဘောကျမိခဲ့တယ်။
လူသားချင်းစာနာထောက်ထားမှုအရ ၀င်ရောက်စွက်ဖက်ရေး မူဝါဒအကြောင်း အဆိုပြုတင်သွင်း ရာမှာ ၀န်ကြီး အောဘရိုက်က ကုလသမဂ္ဂ ပဋိညာဉ်စာတမ်းထဲမှာ မည်သည့်တိုင်းပြည် မည်သည့် အစိုးရ၏ ပြည်တွင်းရေးတွင်မျှ ကုလသမဂ္ဂအနေနှင့် ၀င်ရောက် စွက်ဖက်ခြင်း မပြုရလို့ ရှင်းလင်းစွာ ဖော်ပြထားပါတယ်။
ဒါပေမယ့် သမ္မတကလင်တန်အစိုးရရဲ့ ဒါရိုက်တင်ပြမှုကြောင့်ပဲ ၁၉၉၁ ခုနှစ်က စပြီး ကုလသမဂ္ဂ လူ့အခွင့်အရေး ကော်မရှင်အနေနဲ့ အစိုးရတရပ်ဟာ မိမိပြည်သူလူထုအား လက်နက်အားကိုး ပြုကာ မတရား အနိုင်ကျင့်ပြီး လူ့အခွင့်အရေး ချိုးဖောက်မှုများ ပြုခဲ့လျှင် ကုလသမဂ္ဂအနေနှင့် ၀င်ရောက်စွက်ဖက် တားဆီးကာကွယ်ပိုင်ခွင့် ရှိရမည်လို့ ရှင်းပြခဲ့တယ်။
၁၉၈၀ ပြည့်နှစ်မှာ မာရှယ်တီးတိုး ကွယ်လွန်သွားပြီးနောက် နိုင်ငံရေး စီးပွားရေးအရ ဆုတ်ယုတ် ပျက်ပြားလာတဲ့ ယူဂိုဆလားဗီးယား နိုင်ငံကြီးဟာ လူမျိုးရေး ခွဲထွက်မှုများကြောင့် ၁၉၉၀ ပြည့်နှစ် မှာ အစိတ်စိတ်အမြွှာမြွှာ ပြိုကွဲသွားခဲ့တယ်။ ဒါကို ကွန်မြူနစ်ခေါင်းဆောင်ဟောင်း ဆလိုဗိုရင် မီလိုဆီဗစ်က ဆားဗီးယားခေါင်းဆောင်အဖြစ် ဆားဗီးယား သမ္မတနိုင်ငံကြီးကို အင်အားသုံးပြီး အဓမ္မနည်းနဲ့ ပြန်လည်ထူထောင်ဖို့ ကြိုးပမ်းခဲ့တယ်။ ဒီမှာတင်ပဲ ဆာ့ဘ် လူမျိုးတွေနဲ့ ခရိုအေရှား၊ ဘော့စနီးယားနဲ့ အယ်ဘေးနီးယား မွတ်စလင်တွေအကြား လူမျိုးရေးစစ်ပွဲတွေ အပြင်းအထန် ဖြစ်ပွားခဲ့ရတယ်။
၁၉၉၁ ခုနှစ်မှာ ဆလိုဗေးနီးယားနှင့် ခရိုအေးရှားတို့က ခွဲထွက်ပြီး လွတ်လပ်ရေး ကြေညာခဲ့ချိန်မှာ ဆာ့ဘ်တွေနဲ့ ခရိုအေးရှားတွေအကြား အတောမသတ်နိုင်တဲ့ မျိုးပြုတ်ရေး၊ မျိုးဖြုတ်ရေး စစ်ပွဲတွေ ဖြစ်ပွားခဲ့ကြတယ်။ ဒါကြောင့် ၁၉၉၂ ခုနှစ်ထဲမှာ ခရိုအေးရှားနယ်ထဲကို ကုလသမဂ္ဂ ငြိမ်းချမ်းရေး ထိန်းသိမ်းမှုတပ်ဖွဲ့ဝင်တွေ ၀င်ရောက်ပြီး ဖျန်ဖြေပေးခဲ့ရတယ်။ နောက်ပိုင်းမှာ ဆားဗီးယားသမ္မတ မီလိုဆီဗစ်ရဲ့ သွေးထိုးလှုံ့ဆော် အားပေးမှုကြောင့် ဘော့စနီးယားနယ်ရှိ ဆာ့ဘ်တွေက လွတ်လပ် ရေး ကြေညာရာမှာ ဘော့စနီးယား မွတ်စလင် ခရုစ်တွေနဲ့ လူမျိုးရေးစစ်ပွဲတွေ ပေါက်ကွဲ ပေါ်ထွက် လာတဲ့အပြင် မီလိုဆီဗစ်ရဲ့ ဆားဗီးယား တပ်မတော်က မျိုးဖြုတ်ရေး စစ်ပွဲတွေ ဆင်နွှဲလာတဲ့အတွက် ဘော့စနီးယား ခရုတ်တွေ မွတ်စလင်တွေ ထောင်ပေါင်းများစွာ သေကျေပြီး သိန်းနဲ့ ချီပြီး ထွက်ပြေး ခဲ့ရတယ်။ ဒါကြောင့် ကုလသမဂ္ဂအနေနဲ့ မီလိုဆီဗစ် ဆားဗီးယားသမ္မတနိုင်ငံကို စီးပွားရေး ပိတ်ဆို့ မှုတွေ ပြုလုပ်ပြီး ၁၉၉၅ ခုနှစ်မှာ ငြိမ်းချမ်းရေးရအောင် ဦးဆောင်ကြိုးပမ်းပေးခဲ့ရတယ်။
၁၉၉၇ ခုနှစ်မှာ ဆားဗီးယား သမ္မတအဖြစ် မီလိုဆီဗစ် ထပ်မံအရွေးခံရပြီးတဲ့နောက်ပိုင်း ကိုဆိုဗို ပြည်နယ်မှာ ဆာ့ဘ်လူမျိုးတွေနဲ့ အယ်ဗေးနီးယားတွေအကြား လူမျိုးရေးစစ်ပွဲတွေ ထပ်ပြီး ပေါက်ကွဲ ထပ်ဖြစ်ပေါ်ရပြန်ပါတယ်။
အဓိကအားဖြင့် မီလိုဆီဗစ်ရဲ့ ဆားဗီးယားတပ်မတော်က အယ်ဘေးနီးယား မွတ်စလင်တွေအပေါ် မျိုးတုံး စစ်ဆင်ရေးတွေ ဆင်နွှဲလာတဲ့အတွက် ခုခံရေး စစ်ပွဲတွေ တန်ပြန် ဆင်နွှဲခဲ့ကြတာ ဖြစ်ပါတယ်။ ဒီလိုအခြေအနေအောက်မှာ ကုလသမဂ္ဂ ငြိမ်းချမ်းရေး ထိမ်းသိန်းရေး တပ်ဖွဲ့တွေ စေလွှတ်ပေးဖို့ အမေရိကန်၊ ဗြိတိန်နဲ့ ပြင်သစ်တို့က လုံခြုံရေးကောင်စီကို တင်ပြ တောင်းဆိုခဲ့ ကြတယ်။ ဒါပေမယ့် ပြည်တွင်းရေး ၀င်ရောက် မစွက်ဖက်ရေးကို ဆုပ်ကိုင်ပြီး ရုရှနဲ့ တရုတ်တို့က ကုလသမဂ္ဂ ငြိမ်းချမ်းမှု ထိန်းသိမ်းရေးတပ်ဖွဲ့များ စေလွှတ်ရေးကို ဗီတိုအာဏာ သုံးပြီး ပယ်ချ လိုက်ပါတယ်။
ရုရှတွေကတော့ သူတို့ရဲ့ ဆားဗီးယား သွေးသားဆွေမျိုးတွေဘက်က ကာကွယ်ခဲ့တာဖြစ်ပြီး တရုတ်ကတော့ သူတို့ မိတ်ဆွေခေါင်းဆောင်ဟောင်းကြီး မီလိုဆီဗစ်ကို အကာအကွယ် ပေးလို တာကြောင့် ဗီတိုအာဏာ သုံးခဲ့ကြတာဖြစ်ပါတယ်။
နောက်ဆုံး ၁၉၉၇ ခုနှစ် မတ်လအတွင်းမှာတော့ ကုလသမဂ္ဂတပ်အနေနဲ့ မဟုတ်တော့ဘဲ အမေရိကန်နဲ့ ဥရောပတို့ ပူးပေါင်းပါဝင်တဲ့ နေတိုးတပ်ဖွဲ့ဝင်များအနေနဲ့ မြို့တော် ဘဲလ်ဂရိတ် အပါအ၀င် ယူဂိုဆလပ်နိုင်ငံ အနှံ့အပြားကို ၀င်ရောက်ဗုံးကြဲ တိုက်ခိုက်ခဲ့ကြရတယ်။ အဲဒီ့အချိန်က နေတိုးတပ်ဖွဲ့ရဲ့ ဒုံးကျည်တလုံးဟာ ဘဲလ်ဂရိတ်မြို့လယ်မှ ဟိုတယ်ပေါ်ရှိ တရုတ်သံအဖွဲ့ နေထိုင်ရာ အထပ်ကို တိုက်ရိုက်ထိမှန်ပြီး သံအဖွဲ့ဝင်အချို့ သေဆုံးဒဏ်ရာရခဲ့ကြတယ်။ အမေရိကန်နိုင်ငံက မှားယွင်းပစ်ခတ်မိကြောင်း တောင်းပန်ခဲ့ပေမယ့် တရုတ်တို့ဘက်ကတော့ ရည်ရွယ်ချက်ရှိရှိ၊ အစီစဉ်ရှိရှိ၊ တမင်သက်သက် ပစ်ခတ်တာဖြစ်တယ်လို့ ယုံကြည်ယူဆခဲ့ကြပါတယ်။
ဇွန်လထဲမှာတော့ နေတိုးတပ်ဖွဲ့ဝင်တွေဟာ ယူဂိုဆလားဗီးယားနိုင်ငံထဲအထိ ၀င်ရောက်ပြီး စစ်ဆင် တိုက်ခိုက်ပါတော့တယ်။ ဒီလိုနဲ့ မီလိုဆီဗစ်လည်း ကိုဆိုဗိုနယ်မှ ဆားဗီးယားတပ်တွေကို ရုပ်သိမ်း ပေးဖို့ မလွှဲမရှောင်သာ သဘောတူ လက်ခံခဲ့ရတယ်။ ၂၀၀၀ ပြည့်နှစ်မှာတော့ စစ်ပွဲမှာ ရှုံးနိမ့်ခဲ့ရတဲ့ မီလိုဆီဗစ်ဟာ သမ္မတရွေးကောက်ပွဲမှာပါ မမျှော်လင့်ဘဲ ရှုံးနိမ့်ခဲ့တယ်။ ဒါပေမယ့် မီလိုဆီဗစ်ဟာ သမ္မတရာထူးက မျက်နှာပြောင်တိုက်ပြီး ဆင်းမပေးခဲ့ဘူး။ နောက်ဆုံးမှာ နိုင်ငံတကာဖိအားပေးမှုနှင့် လူထုအုံကြွ ဆန္ဒပြပွဲတွေ အဆက်မပြတ် ဖြစ်ပေါ်လာတာကြောင့် သမ္မတရာထူးက နုတ်ထွက် ပေးခဲ့ရတယ်။
၂၀၀၁ ခုနှစ်မှာတော့ မီလိုဆီဗစ်ကို စစ်ရာဇ၀တ်ကောင်အဖြစ် ဖမ်းဆီးပြီး ဟိတ်မြို့တော်ရှိ နိုင်ငံတကာခုံရုံးမှာ စစ်ဆေးအရေးယူခဲ့ရတယ်။ ဒီလို ဘော်လကန်စစ်ပွဲတွေအဆုံးသတ် ငြိမ်းချမ်းသွားချိန်ဖြစ်တဲ့ ၂၀၀၀ ပြည့်နှစ် ကုလသမဂ္ဂအထွေထွေညီလာခံမှာ အမေရိကန် နိုင်ငံခြားရေးဝန်ကြီး အောဘရိုက်က လူသားချင်းစာနာမှုအရ ၀င်ရောက်စွက်ဖက်ရေးမူဝါဒကို အဆိုပြုတင်ပြခဲ့တာဖြစ်ပါတယ်။ ၀န်ကြီးအောဘရိုက်ရဲ့ အဆိုပြုချက်ထဲမှာ ပြည်သူလူထုကို သေနတ်ပြ ဖိနှိပ်နေတဲ့ အာဏာရှင်အစိုးရတွေနဲ့ ရင်ဆိုင်ရာမှာ သူတို့ထက်ပိုမိုကြီးမားတဲ့ သေနတ်တွေ၊ ပိုမိုများပြားတဲ့ စစ်အင်အားတွေကို ထုတ်ပြဖို့ လူထုမှာ မလွယ်ကူလှပါဘူး။ ဒီလိုတာဝန်မျိုးကို ကုလသမဂ္ဂအနေနဲ့ ရဲရင့်ပြတ်သားစွာ ၀င်ရောက်တာဝန်ယူသင့်ပါတယ်လို့ ဖော်ပြထားခဲ့ပါတယ်။
ဒါပေမယ့် ၂၀၀၁ ခုနှစ်မှာ သမ္မတဘုရ်ှအစိုးရ ရာထူးဆက်ခံယူလာချိန်မှာ အောဘရိုက်ရဲ့ လူသား ချင်းစာနာမှုအရ ၀င်ရောက်စွက်ဖက်ရေးမူဝါဒဟာလည်း အားနည်းမှေးမှိန်သွားခဲ့ရပါတယ်။
ဒီနေ့အထိ ကမ္ဘာပေါ်မှာ ငြိမ်းချမ်းရေးနှင့် တည်ငြိမ်မှုကို ခြိမ်းခြောက်နေတဲ့ အပူလက်တွေ ရှိနေပါသေးတယ်။ ဒီအပူလက်တွေဟာ လူ့အခွင့်အရေးနှင့် ဒီမိုကရေစီ ကင်းမဲ့နေတဲ့ ရ၀မ်ဒါ၊ မြောက်ကိုရီးယား၊ ကျူးဘားနဲ့ ဗမာပြည်တို့လို တိုင်းပြည်တွေဖြစ်ပါတယ်။ ဒီတိုင်းပြည်တွေဟာ ကိုယ့်ပြည်သူလူထုကို သေနတ်ပြ ခြိမ်းခြောက် အနိုင်ကျင့်နေကြတဲ့ အာဏာရှင်အစိုးရတွေ ကြီးစိုးဗိုလ်ကျနေတဲ့ တိုင်းပြည်တွေဖြစ်ပါတယ်။
သူတို့ဟာ ပြည်သူ့ဘဏ္ဍာငွေနဲ့ တပ်ဆင်ထားတဲ့ သေနတ်တွေ ဖွဲ့စည်းထားတဲ့ စစ်တပ်တွေကို လက်ကိုင်တုတ်လို အသုံးချပြီး ကိုယ့်ပြည်သူလူထုကို ဖိနှိပ်သတ်ဖြတ် အနိုင်ကျင့်နေတာပဲ ဖြစ်ပါတယ်။ ဒီလိုအာဏာရှင်တွေအတွက် အချုပ်အခြာအာဏာပိုင်နိုင်ငံရဲ့ ပြည်တွင်းရေးကို ၀င်ရောက်မစွက်ဖက်ရေးဆိုတဲ့ မူဝါဒက ပြည်တွင်းမှာထင်သလို ဗိုလ်ကျ၊ မင်းမူ၊ အနိုင်ကျင့်နိုင် ရေးအတွက် အကာအကွယ်ပေးထားတဲ့ ကတုတ်ကျင်းတွေဖြစ်ပါတယ်။ ဒီခြံကတုတ်တွေရှိနေသမျှ ဒီနိုင်ငံတွေမှာ စစ်အာဏာရှင်တွေဆက်ပြီး ဗိုလ်ကျမင်းမူနေကြဦးမှာ ဖြစ်ပါတယ်။ ကမ္ဘာ့ငြိမ်းချမ်း ရေးနှင့် တည်ငြိမ်မှုထိန်းသိမ်းနိုင်ရေးအတွက် ကုလသမဂ္ဂအနေနဲ့ စစ်အာဏာရှင်တွေကို ပိုမို ကြီးမားတဲ့ လက်နက်၊ ပိုမိုများပြားတဲ့ စစ်အင်အားတွေကို အသုံးချပြီး ကမ္ဘာ့တရားခွင်တင်ပြီး စီရင်နိုင်ဖို့ အထူးလိုအပ်နေပါတယ်။
ဒီလိုအာဏာရှင်တွေကို ရာဇ၀တ်ကောင်တွေအဖြစ် ခုံရုံးတင်ပြီး စီရင်နိုင်ဖို့ ပထမဆုံးလိုအပ်တာက လူသားချင်းစာနာထောက်ထားမှုအရ ၀င်ရောက်စွက်ဖက်ရေးပေါ်လစီဟာ ကုလသမဂ္ဂရဲ့ မူဝါဒ တရပ်ဖြစ်ဖို့ အရေးကြီးနေကြောင်းပါ ခင်ဗျာ။ ။
http://www.khitpyaing.org/
ဒေါ်စုသည် ကြိမ်နဲ့ ရိုက်ဆုံးမရမည့် "လူဆိုးလေး" ဟု စစ်အစိုးရပြော
မုံးပီး
နယူးဒေလီ။ ။ မြန်မာစစ်အစိုးရက ဒေါ်အောင်ဆန်းစုကြည်သည် နိုင်ငံတော် လုံခြုံရေးနှင့် အေးချမ်း သာယာရေးကို နှောက်ယှက် ခြိမ်းခြောက်သူ ဖြစ်သည့်အတွက် ကြိမ်နဲ့ ရိုက်ဆုံးမရမည့် "လူဆိုးလေး" ဖြစ်သည်ဟု ပြောသည်။
လက်ရှိဥပဒေအရ ပြဌာန်းထားသော ကန့်သတ်ကာလထက် ကျော်လွန်ကာ နေအိမ် အကျယ်ချုပ် ဆက်လက် ချုပ်နှောင်ခြင်းကို စစ်အစိုးရက ဗုဒ္ဓဟူးနေ့က ခုခံ ပြောဆိုရာတွင် သူမသည် လက်နက်စွဲကိုင် တိုက်ခိုက်နေသော အကြမ်းဖက် သောင်းကျန်းသူများကို နေအိမ်တွင် လက်ခံထားခြင်း၊ အကြမ်းဖက် အဖွဲ့အစည်းများနှင့် နိုင်ငံခြား အစိုးရများထံမှ ငွေကြေး ပစ္စည်း လက်ခံရယူခဲ့ခြင်း ပြုလုပ်ခဲ့သည်ဟု ဆိုသည်။
"အမှန်ကတော့ ကျောင်းပေါ်ခေါ်ပြီး ကြိမ်နဲ့ မှတ်လောက် သားလောက်အောင် ရိုက်ရမယ့် လူဆိုးလေးတွေပါဗျာ။ ဒါပေမယ့် မိဘနဲ့ တူတဲ့ နိုင်ငံတော် အစိုးရတွေအနေနဲ့ မဖြစ်သင့် မဖြစ်ထိုက်တာတွေ မဖြစ်ရအောင် နောင် ဒီလိုပြစ်မှုတွေ ထပ်မံကျူးလွန်လို့ မရအောင်ဆိုပြီး နေအိမ်မှာ တားဆီးမိန့်တွေ ထုတ်ပြန်ထားရတာပါ" ဟု စစ်အစိုးရ မူဝါဒကို ထင်ဟပ်သည့် မြန်မာ့အလင်း နေ့စဉ်ထုတ် သတင်းစာက ရေးသားထားသည်။
ဒေါ်အောင်ဆန်းစုကြည်ကို ထိန်းသိမ်းထားမှု ယခုဆိုလျှင် ဆက်တိုက် ခြောက်နှစ်ထဲ ၀င်လာခြင်းအပေါ် စစ်အစိုးရက ခုခံပြောဆိုရာတွင် အမေရိကန်နှင့် ဗြိတိန်နိုင်ငံတို့ အပါအ၀င် နိုင်ငံအချို့တွင် ကျင့်သုံးသော အကြမ်းဖက်မှု ဆန့်ကျင်ရေး ဥပဒေများနှင့် နှိုင်းယှဉ်ကာ ရေးသားထားသည်။
မလေးရှား၊ စင်္ကပူ၊ အမေရိကန်နှင့် ဗြိတိန်တို့ရှိ ပြည်တွင်းလုံခြုံရေး ဥပဒေများနှင့် အကြမ်းဖက်မှု ကာကွယ် ဆန့်ကျင်ရေး ဥပဒေများကို ဖော်ပြသွားပြီး " နိုင်ငံတော်အား နှောက်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ် စောင့်ရှောက်ဖို့အတွက် လိုအပ်တဲ့ ဥပဒေကို ပြဌာန်းတာဟာ မြန်မာနိုင်ငံ တခုတည်း မဟုတ်ပါဘူး။ " ဟု ရေးသားထားသည်။
"မိမိနိုင်ငံရဲ့ အခြေအနေအရ နိုင်ငံတော် လုံခြုံရေးကို ကာကွယ်ဖို့၊ ပြည်သူလူထုရဲ့ အသက်အိုးအိမ် စည်းစိမ်ကို ကာကွယ်ဖို့၊ လိုအပ်လာရင် ဘယ်နိုင်ငံမှာမဆို ဒီလိုပဲ ပြဌာန်းကြရတာပါပဲ" ဟု သတင်းစာက ရေးသားထားသည်။ စစ်အစိုးရက နေ့စဉ်ထုတ် သတင်းစာများကို ထိန်းချုပ်ထားပြီး သူတို့၏ ၀ါဒဖြန့်ချီမှုအတွက် ကိရိယာတခု အနေဖြင့် အသုံးပြုသည်။
သို့သော် ဝေဖန်သူများနှင့် ဒေါ်အောင်ဆန်းစုကြည်ကို ထောက်ခံသူများကမူ စစ်အစိုးရ၏ လက်ရှိ ဖိနှိပ်မှု ပြင်းထန်သော ဥပဒေအရပင်မူ သူမကို ၅ နှစ်ဆက်တိုက်သာ ချုပ်နှောင်ထားခွင့် ရှိသည်ဟု ပြောသည်။ ထိုအတိုင်းသာဆိုလျှင် သူမကို တရားရုံး မတင်ဘဲ ချုပ်နှောင်ခွင့်မှာ ပျက်ပြယ် သွားပြီ ဖြစ်သည်။
ဒေါ်အောင်ဆန်းစုကြည်၏ ဥပဒေ အကြံပေးအဖြစ် မိသားစုက ခန့်အပ်ခြင်းခံရသူ အမေရိကန်နိုင်ငံ အခြေစိုက် ဥပဒေ အကျိုးဆောင်အဖွဲ့ "Freedom Now" မှ ဂျားရတ် ဂျန်ဆာက အစိုးရ၏ ၁၉၇၅ ခုနှစ် အခြေခံဥပဒေအရ နိုင်ငံတော် လုံခြုံရေးကို ခြိမ်းခြောက်လျှင် လူပုဂ္ဂိုလ်တဦးကို တနှစ်တခါ သက်တမ်းတိုးကာ ဆက်တိုက် ၅ နှစ်သာ ချုပ်နှောင်ထားနိုင်သည်ဟု ပြောသည်။
၁၉၇၅ ခုနှစ် နိုင်ငံတော် ကာကွယ်ရေး ဥပဒေ ပုဒ်မ ၁၀ (ခ) အရ နိုင်ငံတော် လုံခြုံရေးနှင့် အချုပ်အခြာ အာဏာကို ထိပါး ခြိမ်းခြောက်လျှင် ထိုသူကို တနှစ်တခါ သက်တမ်းတိုးကာ ဆက်တိုက် ၅ နှစ်အထိ ထိန်းသိမ်းထားနိုင်သည်။
သို့သော် ဗုဒဟူးနေ့က စစ်အစိုးရ၏ ပြောကြားချက်တွင်မူ ထိုအခြေခံ ဥပဒေကိုပင် အဓိပ္ပါယ် ဖွင့်ဆိုမှု မတူ ကွဲပြားနေသည်။
"နိုင်ငံသား တဦးဦးသည် နိုင်ငံတော်၏ အချုပ်အခြာ အာဏာနှင့် နိုင်ငံတော် လုံခြုံရေးကို ဖြစ်စေ၊ အများပြည်သူတို့၏ အေးချမ်း သာယာရေးကို ဖြစ်စေ ထိပါးအန္တရာယ် ဖြစ်စေမည့် ပြုလုပ်မှုတခုခု ပြုလုပ်ခဲ့သည် သို့မဟုတ် ပြုလုပ်နေသည် သို့မဟုတ် ပြုလုပ်တော့မည်ဟု ယုံကြည် လောက်သော အကြောင်းရှိလျှင် ၀န်ကြီးအဖွဲ့သည် ယင်းပုဂ္ဂိုလ်၏ မူလ အခွင့်အရေး တရပ်ကို လိုအပ်သလို ကန့်သတ် ချမှတ်နိုင်သည်။" ဟု သတင်းစာက ရေးသားထားသည်။်
